சிவகங்கை மாவட்டத்தை மீட்போம்

First topic message reminder :

சிவகங்கை மாவட்டத்தை மீட்போம், என்று தினமலர் வெளியிட்டுள்ள புகைப்படங்களை இங்கு தொகுத்து வழங்குகிறேன்! மக்களின் அலட்சியம், வீணாகும் அரசாங்க சொத்துக்கள் என பட்டியலிட்டு புகைப்படங்களுடன் வெளியிட்டுள்ளார்கள். ஆனால் இதுவரை அரசாங்கமோ, மக்களோ செவிசாய்க்கவில்லை என்பதுதான் வேதனையான விடயம்.

இயற்கை வளத்திற்கு சவால்

மனித நாகரிகம் வளர, வளர பூமியில் இயற்கை வளம் கேள்விக்குறியாகியுள்ளது. சுற்றுச்சூழலுக்கு சவால் விடும் பாலிதீன் பைகளை பயன்படுத்துவது "நாகரிகம்' என நாம் நினைக்கிறோம். இதனால், செல்லும் இடங்களில் எல்லாம், பாலிதீன் ஆதிக்கம் தான். இயற்கை சூழலை ரசிக்க செல்லும் சிலர், வயிற்றை நிரப்புவதில் அக்கறையாக செயல்படுகின்றனர். பிளாஸ்டிக் பாக்கெட்களில் உணவை எடுத்து சென்று, அக்கறையில்லாமல் அவற்றை வீசி ஏறிகின்றனர். இதனால், அப்பகுதியில் மண் வளம், "மக்கி' போய்விட்டது. சுற்றுலா மையங்களில் பாலிதீன் பயன்பாட்டை தடை செய்ய வேண்டிய கட்டாயம் எழுந்துள்ளது. இருபது மைக்ரான் அளவு(தடிமன்) குறைந்த பாலிதீன் பொருள், மண்ணில் மக்குவதற்கு, 400 ஆண்டுகள் ஆகும். இதன்படி பார்த்தால், நாம் பயன்படுத்தும் பாலிதீன் பைகள், பல தலைமுறைகளை தாண்டியும் கேடு விளைவிக்கும். இவற்றால் மரம், செடி, விலங்கினங்களுக்கு மட்டு மல்ல, இறுதியில் நமக்கே ஆபத்தாக முடியும் என்பதை, நாம் உணர்வது இல்லை. இவற்றை தடை செய்யாமல், விழிப்புணர்வு என்ற பெயரில், "பம்மாத்து' காட்டப்படுகிறது. ஒழிப்பதில் யாரும் ஆர்வம் காட்டவில்லை. பருவ நிலையை மாற்றி, உலகிற்கே சவால் விடும் பாலிதீன் பொருட்களை ஒழிப்பது என, இன்றே உறுதி ஏற்போம்.

விளக்கு எரிவதற்கான அறிகுறி இல்லையே? - மணச்சை ஆதிதிராவிடர் காலனி

சூரிய ஒளி சேமிப்பு கருவி இருளில் மூழ்கி கிடப்பது முறையோ? - திருப்புவனம் அருகே மணலூர்

கட்டடத்தில் பொலிவு சேர்க்க சோலார் விளக்கை எரியவிடலாமே - சிவகங்கை ஊராட்சி ஒன்றிய அலுவலகம்

சரியான 'கவனிப்பு' இல்லாததால் தலை சாய்த்ததோ? - சிவகங்கை அருகே சக்கந்தி ஊராட்சி மானாகுடி

கம்பம் வைத்ததோடு சரி கவனிக்கவே இல்லை. - சாக்கோட்டை ஊராட்சி சந்தைப்பேட்டை

சும்மா கிடப்பதை செயல்படுத்தினால் என்னவாம்! - சாக்கோட்டை நெசவாளர் குடியிருப்பு

நோட்டீஸ் ஒட்டுவதற்கா சோலார் கம்பம்? - சீகூரணி-கல்லல் ரோடு பஸ் ஸ்டாப்

சரிந்து கிடப்பது சந்தைக்கு போகாமல் இருந்தால் சரி. - காரைக்குடி வைரவபுரம் சந்தை

மாணவர் சமுதாயத்திற்கு...


"கற்கை நன்றே, கற்கை நன்றே, பிச்சை புகினும் கற்கை நன்றே' என்று அவ்வை சொன்னது அறிவை வளர்க்கவே. கல்வி மீது மாணவர்களின் ஆர்வம் வியக்கத்தக்கது. அதே நேரம், கல்விச்சாலைகளுக்கு செல்ல எடுக்கும் முயற்சிகள் ஆபத்தானவை. விடலைப்பருவத்தில் வீம்பு பிடிக்கும் மாணவர்கள், பஸ் படிக்கட்டுகளில் பயணம் செய்கின்றனர்; இதில் பலர் மேற்கூரை பயணத்தை பெருமையாக கருதி "உயரே' ஏறுகின்றனர். இதனால் சாதிக்க வேண்டிய வயதில் விபத்தில் சிக்கி வாழ்க்கை பாழ்படுவதே மிச்சம்.இலவச பஸ் பாஸ் தரும் போக்குவரத்து கழகங்கள், மாணவர்களின் அவதியை போக்க கூடுதல் பஸ்களை இயக்க வேண்டும். பெற்றோரும் பாதுகாப்பான பயணத்தை பகுத்து உணர்ந்து, ஏற்பாடு செய்யலாம். இவற்றை யாரும் பின்பற்றுவது இல்லை. அதனால் தான் படிக்கட்டில் கால் கட்டை விரல் வைக்க இடம் கிடைத்தால் போதும் என மாணவர்கள் அந்தரத்தில் தொங்குகின்றனர்; "மனம் கவர்ந்த மாணவிகளின் பார்வை பட வேண்டும்' என, பல மாணவர்கள் படிக்கட்டு பயணத்தை தொடர்கின்றனர். அறிவை வளர்க்கும் காலத்தில், ஆபத்தை விலை கொடுத்து வாங்குகின்றனர். இவர்களின் பயணத்தில் "உயிர் பணயத்தின்' விபரீதத்தை உணர்த்துவது யார்? ஒரு நிமிடம் சிந்தித்தால் தானாகவே


தொண்டி போற வரை தொங்கல் தானா... - சிவகங்கை

பள்ளி மைதானத்தில் ஓடி விளையாட வேண்டிய குழந்தைகளை பஸ்சுக்காக ஓடவிடலாமா - சிங்கம்புணரி