செம்புலப் பெயல் நீரார்

nandhtiha · nandhtiha Sun Nov 28, 2010 8:36 pm

அனைவருக்கும் வணக்கம்

யாயும் ஞாயும் யாராகியரோ
எந்தையும் நுந்தையும் எம்முறை கேளிர்
யானும் நீயும் எவ்வழி அறிதும்
செம்புலப் பெயல்நீர் போல
அன்புடை நெஞ்சம் தாம்கலந் தனவே.

இதன் பொருள்
என் தாயும் உன் தாயும் எவ்விதத்திலும் அறிந்தவர் இல்லை. என் தந்தையும் உன் தந்தையும் எவ்வகையிலும் உறவு கொண்டாருமிலர். நானும் நீயும் இதுவரைகாலம் ஒருவரை யொருவர் முன்னறிமுகம் எனவும் ஆயிலேம், எனினும் என்ன வியப்பு, நம் இருவருடைய இதயங்களும் சிவந்த நிலத்தில் பெய்த மழைநீர் எங்ஙனம் உருமாறி பிரித்தறிய வொண்ணாதபடி, மண்ணின் தன்மையை அடைந்து விடுமோ அதுபோல ஒன்று கலந்து விட்டன"

ஆனால் எனக்கு வேறு ஒரு பொருள் தோன்றியது

தலைவனுடன் தலைவி சென்றாள். தலைவனுடைய இல்லப் பின்னணி அறியாதவள் தலைவி. அது போன்றே தலைவனும், யானும் நீயும் எவ்வழி அறிதும்? அறிந்து பழகாக் காதல் என்பது இந்த வரிகளினால் தெரிகிறது, ஆனால் காதல் மயக்கத்தில் இரு நெஞ்சங்களும் ஒன்று சேர்ந்து விட்டன, செம்மண் நிலத்தில் பெய்த மழை போல இரு இதயங்களும் கலந்து விட்டன என்கிறார் புலவர். காதல் வேகத்தில் செம்மண்ணில் பெய்த மழை காதல்வேகம் குறைந்து இல்லற வாழ்வு தொடங்கும் போது வேகம் குறைந்து தேங்கும் நிலை ஏற்படின் செம்மண்ணின் நிறத்தைப் பெற்றுக் கலங்கிய நீர் தெளிந்து மண் வேறு நீர் வேறாகப் பிரிந்து விடும் என்பது இயற்கை. அதனை எச்சரிக்கும் முகமாகத் தான் இப்பாடல் புனையப் பட்டதோ என்ற ஐயம் எனக்குள் உளது,

இதனாற்றான் உடன் போக்குத்துறையினால் விளைந்த சமுதாயச் சீரழிவைக் கண்டு தொல்காப்பியன்,
பொய்யும் வழுவும் புகுந்த காலை ஐயர் யாத்த கரணம் என்ப என்றாரோ?

அறிஞர் பெருமக்கள் விளக்க வேண்டுகிறேன்,
என்றும் மாறா அன்புடன்
நந்திதா

**Aathira** · **Aathira** Sun Nov 28, 2010 8:53 pm

முன்பே வா என் அன்பே வா
ஊட வா உயிரே வா முன்பே வா
என் அன்பே வா பூ பூவாய் பூப்போம் வா
நான் நானா கேட்டேன் என்னை நான

நீரும் செங்குள சேறும்
கலந்தது போலே கலந்தவலா

நல்ல சங்கப் பாடலைப் பதிவிட்டமைக்கு நன்றி நந்திதா. இந்தப் பாடலை பல திரைப்பாடல்கள் எடுத்தாண்டுள்ளன.

அன்பு தளபதி · அன்பு தளபதி Sun Nov 28, 2010 8:53 pm

எனது ஆசிரியர்கள் நீங்கள் முதலில் கூறிய கூறிய காரணத்தை தான் கூறினார்கள் ஆனால் இந்த பாடலில் எச்சரிக்கை தரும் சொற்கள் ஏதும் இல்லை பொருளுள் அது போல இல்லை உங்களின் மாறுபட்ட சிந்தனைக்கு தலைவணங்குகிறேன்

**Aathira** · **Aathira** Sun Nov 28, 2010 9:01 pm

இப்போது விளக்கம் நந்திதா..
தாங்கள் கூறியபடி செம்புலம் என்பது செம்மண் நிலம். இந்த நிலத்தில் பெய்த நீர் தெளியும். ஆனால் நிறம் மாறாது.
தலைவன் தலைவி இருவரும் முன் பிறவிப் பயனால் இணைகின்றனர். அதனால் அப்பிறவியில் முதல் சந்திப்பாக இருப்பினும் மனம் இரண்டற கலத்தலையே கூறுகிறது இப்பாடல். “இம்மை மாறி மறுமையாயினும் யானே ஆகுவ நின் நெஞ்சு நேர்பவள்” என்று தலைவி கூறுவதும் இதன் காரணம் கருதியே.எச்சரிக்கை எதுவும் இருப்பது போக தெரியவில்லை.

nandhtiha · nandhtiha Sun Nov 28, 2010 9:31 pm

வணக்கம்
அனைவரின் கருத்துக்களையும் வரவேற்கிறேன், எங்கள் ஊரிலிருந்த குளம் செம்மண்ணாலாகியது ஆனால் நீர் தெளிந்து தான் இருக்கும் அது தான் குடி நீராக இருந்தது,
என்றும்மாறா அன்புடன்
நந்திதா

Sponsored content · Sponsored content

செம்புலப் பெயல் நீரார்

செம்புலப் பெயல் நீரார்

Re: செம்புலப் பெயல் நீரார்

Re: செம்புலப் பெயல் நீரார்

Re: செம்புலப் பெயல் நீரார்

Re: செம்புலப் பெயல் நீரார்

Re: செம்புலப் பெயல் நீரார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக