கானாவில் பயன்படுத்தப்பட்ட உள்ளாடைகளை விற்பனை செய்யத் தடை

ரபீக் · ரபீக் Mon Nov 29, 2010 1:55 pm

கானா நாட்டில் பயன்படுத்தப்பட்ட உள்ளாடைகளை விற்பனை செய்வதற்கு தடை விதிக்கப்பட்டுள்ளது. ஏற்கனவே பயன்படுத்தப்பட்ட அநேகமான ஆடைகள் கானாவில் விற்பனை செய்யப்பட்டு வருவதாகத் தெரிவிக்கப்படுகிறது.
உள்ளாடைகள், மெத்தைகள் போன்ற பயன்படுத்தப்பட்ட பொருட்களை விற்பனை செய்வதற்கு அந்நாட்டு தர நிர்ணய சபை தடை விதித்துள்ளது.
பயன்படுத்தப்பட்ட உள்ளாடைகளை அணிவதன் மூலம் சுகாதாரக் கேடுகள் ஏற்படக் கூடுமென தர நிர்ணய சபை சுட்டிக்காட்டியுள்ளது.

ஐரோப்பாவிலிருந்து பாவித்த உடைகள் கானாவிற்கு தருவிக்கப்பட்டு விற்பனை செய்யப்பட்டு வருவதாகத் தெரிவிக்கப்படுகிறது. இவ்வாறு ஐரோப்பாவிலிருந்து தருவிக்கப்படும் உடைகளினால் நோய்கள் ஏற்படலாம் என அச்சம் வெளியிடப்பட்டுள்ளது.

கடந்த 1994ம் ஆண்டு முதல் பயன்படுத்தப்பட்ட ஆடை விற்பனை தடை விதிக்கப்பட்ட போதிலும், இந்தத் தடையுத்தரவு சரியாக அமுல்படுத்தப்படவில்லை என்பது குறிப்பிடத்தக்கது. எனினும், இம்முறை இந்தத் தடையுத்தரவு முழுமையாக அமுல்படுத்தப்படும் என அதிகாரிகள் அறிவித்துள்ளனர்.

கானா மட்டுமன்றி பல ஆபிரிக்க நாடுகளில் இவ்வாறு பயன்படுத்தப்பட்ட ஆடைகள் விற்பனை செய்யப்பட்டு வருவதாக சுட்டிக்காட்டப்படுகிறது. எவ்வாறெனினும், இந்தத் தி;ட்டத்தினால் தமது வருமான வழி பாதிக்கப்படும் கானா ஆடை விற்பனையாளர்கள் எதிர்ப்பை வெளியிட்டுள்ளனர்.

கானாவில் உற்பத்தி செய்யப்படும் ஆடைகளை விடவும், ஐரோப்பாவிலிருந்து தருவிக்கப்படும் பயன்படுத்தப்பட்ட உடைகள் மிகவும் மலிவாகக் காணப்படுவதாகத் தெரிவிக்கப்படுகிறது

விடுப்பு குழுமம்