துளசியின் மருத்துவ குணங்கள்!

**சிவா** · **சிவா** Sun Nov 28, 2010 8:15 pm

ஒவ்வொரு நாட்டிலும் பல்லாயிரம் கோடி ரூபாய் மதிப்பிலான பொக்கிஷங்கள் நிறைந்திருக்கும். நம் இந்தியாவைப் பொறுத்தவரை விலை மதிக்க முடியாத பொக்கிஷங்கள், மூலிகைகள் தான்! உலகம் முழுவதும் பல ஆண்டுகளாக ஆராய்ச்சிகள் செய்தும் தீர்க்க முடியாத பல நோய்களைக் கூட, நம்மிடம் உள்ள மூலிகைகள் முழுமையாக குணப்படுத்தி விடும் ஆற்றல் நம் மூலிகைகளுக்கு உண்டு. அவற்றுள் முக்கியமானது துளசி.

நம் அன்றாட வாழ்வில் பார்த்துக் கொண்டிருக்கும் துளசியின் மருத்துவ குணங்களை, பன்னாட்டு ஆய்வுஜ் இதோ...

நோய்த் தடுப்பு

துளசியின் இலைகளில் இருந்து வரும் சாறு, நரம்புகளுக்கு புத்துயிர் ஊட்டி, நினைவாற்றலைப் பெருக்குகிறது. உடலின் முக்கிய பாகங்களுக்கு ரத்த ஓட்டத்தை அதிகரித்து, நோய்க் கிருகிகளை நெருங்க விடாமல் பாதுகாக்கிறது. வயிற்றில் உள்ள ஜீரண அமைப்புகளில் படிந்திருக்கும் அழுக்குகளை நீக்கி, உடலுக்கு நோய் எதிர்ப்பு சக்தியை அளிக்கிறது.

காய்ச்சல் மற்றும் சளி

மழைக்காலங்களில் தோன்றும் பல்வேறு உடல் உபாதைகளுக்கு துளசி அருமருந்தாக விளங்குகிறது. மலேரியா, டெங்கு காய்ச்சல் பரவாமல் தடுக்க, துளசி இலைகளை வெறும் வயிற்றில் அப்படியே சாப்பிடலாம், அல்லது தேனீருடன் வேக வைத்து பருகலாம். அதிக காய்ச்சல் இருந்தால், இளம் துளசி இலைகளை சாறு பிழிந்து, அதை ஏலக்காய் பொடியுடன் கலந்து 1/2 லிட்டர் தண்ணீரில் நன்றா கொதிக்க விட்டு, பாலில் கலந்து குடித்தால், காய்ச்சல் குறையும். சளியின் தீவிரத்தையும் இதே முறையில் குறைக்கலாம். துளசி இலைகளைப் போட்டு கொதிக்க வைத்த தண்ணீரை அருந்துவதன் மூலம் இருமல் குறையும். தொண்டைக்கட்டுக்கு துளசி சிறந்த மருந்து.

ஆஸ்துமா, சைனஸ், வாயுத் தொல்லை

ஆஸ்துமாவுக்கு துளசி சிறந்த மருந்து. துளசி இலைகளின் சாறுடன், இஞ்சி மற்றும் தேன் கலந்து தொடர்ந்து சாப்பிட்டால், ஆஸ்துமா, சைனஸ், மார்புச் சளி குறையும்.

சிறுநீரகக் கற்கள்

உடலின் இயக்கத்துக்கு முதுகெலும்பாக இருக்கும் சிறுநீரகத்தின் செயல்திறனை துளசி மேம்படுத்துகிறது. சிறுநீரகத்தில் கற்கள் இருந்தால், துளசி இலைச் சாற்றை தேனுடன் கலந்து 6 மாதங்கள் தொடர்ந்து குடித்து வந்தால், சிறுநீரகக் கற்கள் கரைந்து விடும்.

இதயத்துக்கு செல்லும் நாளங்களில் கொழுப்பு சேர விடாமல் தடுக்கும் சக்தி துளசிக்கு உண்டு. ஆனால் தொடர்ந்து சாப்பிட்டு வர வேண்டும்.

குழந்தைகளுக்கு

குழந்தைகளுக்கு அடிக்கடி ஏற்படும் சளி, காய்ச்சல், பேதி, வாந்தி, சோர்வு போன்ற குறைகளைக் களைகிறது துளசி. துளசி இலை சாற்றுடன் குங்குமப்பூவை குழந்தைகளுக்கு கொடுத்தால், அவர்களது நோய் எதிர்ப்பு சக்தி அதிகரிக்கும்.

ரத்த அழுத்தம்

தினமும் 12 துளசி இலைகளை சாப்பிட்டால், ரத்த அழுத்தம் கட்டுப்படும். உடலில் பாயும் ரத்தம் சுத்தமாகும். உடல் சோர்வையும் போக்கும் ஆற்றல் துளசிக்கு உண்டு. ஆரோக்கியமானவர்களும் தொடர்ந்து துளசியை சாப்பிடுவது நல்லது. வாய் துர்நாற்றத்தையும் துளசி நீக்கும்.

பூச்சி கடிகளுக்கு

விஷப் பூச்சிகள் கடித்தால், உடனே துளசியின் இளம் வேர்களை அரைத்து, கடிபட்ட இடத்தில் தடவ வேண்டும். அத்துடன், துளசி இலைகளை சாறு பிழிந்து ஒரு மணி நேர இடைவெளியில் ஒரு தேனீர்க் கரண்டி அளவுக்கு தொடர்ந்து சில மணி நேரத்துக்கு சாப்பிட்டால், விஷம் முறியும்.

தீராத தலைவலி

தீராத தலைவலி இருப்பின், இளம் துளசி இலைகளின் சாற்றை சந்தனத்துடன் குழைத்து நெற்றியில் தொடர்ந்து தடவி வந்தால், தலைவலி குணமாகும்.

http://www.chandamama.com/

துளசியின் மருத்துவ குணங்கள்!

துளசியின் மருத்துவ குணங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக