தமிழ்நாட்டில் மின் தட்டுப்பாடு விரைவில் தீரும் மு.க.ஸ்டாலின் உறுதி

சென்னை, நவ 28-

மத்திய மாநில மின்சார ஒழுங்கு முறை ஆணைய தலைவர்கள் மாநாடு சென்னையில் நடந்தது.

மாநாட்டில் துணை முதல்-அமைச்சர் மு.க.ஸ்டா லின் கலந்து கொண்டு பேசினார். :-

இங்கு நடக்கும் இந்த மாநாடு மூலம் மின் உற்பத்தியில் ஈடுபடும் அனைத்து தரப்பினர் மத்தியிலும் ஒரு புரிந்துணர்வை ஏற்படுத்தும் என நம்புகிறேன்.

1957-ம் ஆண்டு தமிழ் நாடு மின் வாரியம் உருவாக்கப்பட்டது. அப்போது 256 மெகாவாட் மின்சாரம் தான் உற்பத்தி செய்யப்பட்டது. இப்போது 10 ஆயிரத்து 212 மெகாவாட் உற்பத்தி செய்யப்படுகிறது.

ஆரம்பத்தில் 1053 மில்லி யன் யூனிட் மின் உற்பத்தி செய்யப்பட்டது. இப்போது 73 ஆயிரம் மில்லியன் யூனிட் உற்பத்தி செய்யப்படுகிறது.

தற்போது தமிழ்நாட்டில் தனி நபர் மின் நுகர்வு 1080 யூனிட்டாக உள்ளது. இது தேசிய சராசரியான 733 யை . விடவும் 11-வது 5 ஆண்டு திட்ட இலக்கான 1000 யூனிட்டை விட அதிகம்.

1992-ம் ஆண்டிலேயே தமிழ்நாட்டில் 100 சதவீத கிராமங்களுக்கும் மின்சார இணைப்பு கொடுக்கப்பட்டது. காற்றாலை மின் உற்பத்தியில் முன்னணி மாநிலமாக தமிழ்நாடு திகழ்கிறது.

சமீப காலங்களில் மின் பற்றாக்குறை ஏற்பட்டு விட்டது. இந்த தட்டுப்பாடு விரைவில் நீங்கும் மேலும் விரைவில் மின் உற்பத்தியில் தன்னிறைவு பெற்ற மாநிலமாகவும் தமிழ்நாடு மாறும்.

தனியார் மின் உற்பத்தி நிறுவனங்களுடன் சேர்ந்து 18 ஆயிரத்து 140 மெகாவாட் மின் உற்பத்தி செய்யும் நிலை உருவாகி உள்ளது. அடுத்த 3 அல்லது 5 ஆண்டில் இதில் 91 ஆயிரம் கோடி முதலீடு செய்யப்பட உள்ளது.

சுற்றுச் சூழலுக்கு பாதிப்பு இல்லாத மாற்றத்தக்க மின்சார உற்பத்தியில் தமிழ்நாடு அதிகம் கவனம் செலுத்துகிறது. ஏற்கனவே 5400 மெகாவாட் காற்றாலை மின்சாரம் உற்பத்தி செய்கிறோம். இதில் மேலும் 5530 மெகாவாட் மின் உற்பத்தி செய்ய திட்ட மிடப்பட்டுள்ளது. கரும்பு சக்கை மூலம் 800 மெகாவாட் மின்சாரம் உற்பத்தி செய்ய திட்டமிட்டு உள்ளோம்.

இவ்வாறு மு.க.ஸ்டாலின் பேசினார்.

அண்மை காலமாக தமிழ்நாடு மின்சார ஒழுங்கு முறை ஆணையத்தின் செயல்பாடுகள் கூடியிருக்கின்றன.

திறந்த நிலை நுழைவுரிமையில் உள்ள தடைகளை நீக்குவதையே மத்திய அரசு முன்னுரிமையாக எடுத்து செய்து வருகிறது.

2010 பிப்ரவரியில் தமிழ்நாடு மின்சார ஒழுங்கு முறை ஆணையமானது, ஒரு சோதனை முயற்சியாக திறந்த நிலை நுழைவுரிமைக்கான உயர்மின் அழுத்த நுகர் வோர்கள் தகுதியை ஒரு மெகாவாட்டில் இருந்து 112 கிலோ வாட்டாக குறைத்துள்ளது.

31.7.10 அன்று தமிழ்நாடு மின்சார ஒழுங்குமுறை ஆணையத்தின் மூலமாக வழங்கப்பட்ட சில்லறை விற்பனை வீதப்பட்டியல் தொடர்பான ஆணையானது அரசு உள்ளிட்ட பல்வேறு பணயதாரர்களுக்கும், நுகர்வோர்களுக்கும் இடையிலான தேவைகளை சமன்படுத்தி உள்ளது.

நுகர்வோர் நலன் பாது காப்பதே மின்சார மேல் முறையீட்டு தீர்ப்பாயத்தின் தலைவர் மற்றும் ஒழுங்கு முறை ஆணையத்தின் முக்கிய நோக்கமாகும்.

மின்சார கண்காணிப்பு குழுமத்தின் பதவியை பெருந் தன்மையாக சம்பள விகிதத்துடன் தமிழக அரசு அங்கீ கரித்துள்ளது.

தமிழக அரசானது, கண்காணிப்பு குழுமமும் மின் வாரியமும் தனித்தனியாக இயங்க வேண்டும் என்னும் எண்ணத்துடன் விடுவிக்க ஆர்வமாக உள்ளது.

ஒரு முழுமை பெற்ற கண்காணிப்பு குழும பொறுப்பை ஆணையத்தின் நிர்வாகத்தில் அமைப்பது என முடிவு செய்துள்ளது.

தமிழக முதல்-அமைச்சர் மின்சார ஒழுங்குமுறை, ஆணையத்துக்கு தனியாக ஒரு கட்டிடம் கட்டித்தர திட்டமிட்டுள்ளார்.

இவ்வாறு ஆற்காடு வீராசாமி பேசினார்.


நன்றி: மாலைமலர்

பலவருடங்களாக இதைக் கேட்டுக் கொண்டுதானே இருக்கிறோம்!

இருந்தாலும் தரமாட்டார்கள்! நம்பாதீர்கள்!

எல்லாம் தேர்தல் ஜுரத்தில உளறுரார் மறுபடியும் ஆட்சிக்கு வந்துட்டால் குளிர் விட்டு போய்டும்