நோபலின் மூன்று `ப'க்கள்

**சிவா** · **சிவா** Sat Nov 27, 2010 11:01 pm

நோபல் பரிசு பெற வேண்டும் என்பது பெரும்பாலானவர்களின் கனவு. அப்படி அந்தப் பரிசில் என்ன தான் இருக்கிறது? மிகப்பெரிய கவுரவம், அங்கீகாரம் என்பதெல்லாம் ஒருபுறம். நோபல் பரிசு என்பது மூன்று `ப'க்களைக் கொண்டது. பதக்கம், பத்திரம், பணமுடிப்பு என்பவை தான் அந்த மூன்று `ப'க்கள். மிக உயரிய பரிசாகக் கருதப்படுவதற்கு இவை மூன்றும் தான் முக்கிய காரணம்.

பதக்கம்

நோபலின் மூன்று `ப'க்கள் Images?q=tbn:ANd9GcQ2m_Se6WmsnDaOUJk2WGEd9b2GB3F2yU2jsWU2WACrvi2bS9rUJw

நோபலின் மூன்று `ப'க்கள் Images?q=tbn:ANd9GcQ2m_Se6WmsnDaOUJk2WGEd9b2GB3F2yU2jsWU2WACrvi2bS9rUJw

நோபலின் மூன்று `ப'க்கள் Images?q=tbn:ANd9GcTk9A7oDvODvzm6Y-PDqolF6OdknNd8Nc0sfksvC1kE8hOnt53VjA

நோபல் பரிசாக வழங்கப்படும் பதக்கம், சுத்தமான தங்கத்தால் ஆனது. 1980-ம் ஆண்டு வரை இந்தப் பதக்கத்தை 23 காரட் தங்கத்தில் தான் செய்தனர். ஆனால், தற்போது 18 காரட் தங்கத்தில் செய்து, அதன்மீது 24 காரட் முலாம் பூசித் தருகிறார்கள். இந்தப் பதக் கத்தின் எடை சுமார் 200 கிராம்.

இந்தப் பதக்கத்தின் ஒருபுறம் இந்தப்பரிசை உருவாக்கியவரான ஆல்பிரட் நோபலின் படம் இடம்பெற்றிருக்கும். அத்துடன் அவர் பிறந்த மற்றும் மறைந்த ஆண்டு லத்தீன் மொழியில் குறிக்கப்பட்டிருக்கும். எல்லாப் பதக்கங்களிலும் இந்தப்பகுதி ஒரே மாதிரியாகவே இருக்கும்.

பதக்கத்தின் மற்றொரு பகுதி, பரிசு வழங்கப்படும் துறைக்கு ஏற்ப மாறுபட்டுக் காணப்படும். ஆனாலும், எல்லாப் பதக்கங்களிலும் ஐஙூஞீக்ஙூஞ்ஹசூ ஞீகூஞ்ஹஙு ங்ஞிஞீஹஞ் க்ஞூஷச்ஙீஞிகூசூசூக் சிக்சு ஹசுஞ்க்சூ என்ற வாசகம் இடம்பெற்றிருக்கும். லத்தீன் மொழி வாசகமான இதற்கு, `புதிய கண்டுபிடிப்பால் இந்த உலகத்திற்கு மகிழ்ச்சி கூட்டியவர்கள்' என்று அர்த்தம். அமைதிக்கான பதக்கத்தில் மட்டும் டசுச் சிஹஷக் க்ஞ்கிசுஹஞ்க்சுகூஞ்ஹஞ்க் கீக்ஙூஞ்கூஞிஙு என்று எழுதியிருப்பார்கள். `உலக அமைதிக்காக உழைத்தவர்களுக்கு' என்பது இதன் அர்த்தம். இதே பக்கத்தில் பரிசு பெறுபவரின் பெயரும் எழுதப்பட்டிருக்கும். உலக அமைதி அல்லது பொருளாதாரத்துறை யைச் சேர்ந்தவர்களாக இருந்தால், பரிசு பெறுபவரின் உருவமும் சிறிய அளவில் பொறிக்கப்பட்டிருக்கும்.

பத்திரம்

நோபலின் மூன்று `ப'க்கள் Images?q=tbn:ANd9GcQRxlG_seFaDffhrPzSx4Y4IlwEwpUfw1tJBfFziZyQuGGiveH3hw

நோபலின் மூன்று `ப'க்கள் Images?q=tbn:ANd9GcQRxlG_seFaDffhrPzSx4Y4IlwEwpUfw1tJBfFziZyQuGGiveH3hw

நோபல் அறக்கட்டளை இந்தப் பத்திரத்தை `டிப்ளமோ' என்று அழைக்கிறது. உலக அளவில் மிகத்திறமையான கலைஞர்களை அழைத்து, பாராட்டுப் பத்திரம் வடிவமைக்கப்படுகிறது. இதை வடிவமைத்துக் கொடுப்பதற்காகவே உலகம் முழுவதும் சில வடிவமைப்பாளர்கள் இருக்கிறார்கள். அவர்கள் வடிவமைத்துத் தருவதில் சிறந்ததை மட்டுமே நோபல் அறக்கட்டளை தேர்வு செய்யும்.

ஒவ்வொரு பாராட்டுப் பத்திரத்தையும் சுவீடிஷ் மற்றும் நார்வே மொழியில் அச்சிட்டிருப் பார்கள். பத்திரத்தைப் பெறுபவரின் பெயரும், அவர் செய்த சாதனையும் அதில் குறிப்பிடப்பட்டிருக்கும்.

பணமுடிப்பு

நோபல் பரிசாக வழங்கப்படும் பரிசுத் தொகை யானது பணமாக மட்டுமே தரப்படும். பணம் என்றால் கொஞ்சநஞ்சமல்ல. 10 மில்லியன் சுவீடன் குரோனர். நம்ம ஊர் மதிப்பில் சுமார் 6 கோடி ரூபாய். ஒரு துறை சார்பாக ஒருவர் மட்டுமே தேர்ந் தெடுக்கப்பட்டால், முழுத் தொகையும் அவருக்கே தரப்படும். சில சமயங்களில் ஒரே துறைக்கு இருவர் தேர்வு செய்யப்படுவர். அப்போது பரிசுத் தொகையை சரிபாதியாகப் பிரித்து வழங்குவர்.

சில நேரங்களில் ஒரே துறைக்கு மூன்று பேர் தேர்வு செய்யப்படுவதும் உண்டு. அப்போது மொத்தப் பணத்தையும் இரண்டு பங்காகப் பிரித்துக் கொள்வர். இதில் ஒரு பங்கு, மிக முக்கியமான கண்டுபிடிப்பை நிகழ்த்தியவருக்கு அளிக்கப்படும். மீதி உள்ள மற்றொரு பங்கை இரண்டாகப் பிரித்து மீதமுள்ள இருவருக்கும் தருவர். யாருக்கு எவ்வளவு பணம் பரிசாக அளிக்க வேண்டும் என்பதை நோபல் அறக்கட்டளை மட்டுமே முடிவு செய்யும்.

தங்கமலர்!