மழலைப்பாடல்கள் (ரசித்த கவிதை)

கீழ்வரும் கவிதைகள் சந்தர் சுப்பிரமணியம் அவர்களால் எழுதப்பட்டது. மிகவும் அருமையான கவிகள்
அவரிடமிருந்து வருவதைக் காண்கிறேன் .இதுநான் மிகவும் ரசித்த கவிதைகள்





1) என்தாத்தா

அன்புத் தாத்தா என்தாத்தா
.. அழகாய்ச் சிரிக்கும் என்தாத்தா
முன்பல் தெரியச் சிரிக்கின்றார்
.. முகத்தில் முத்தம் கொடுக்கின்றார்
என்முன் என்றும் இருக்கின்றார்
.. எனக்காய்க் கதையும் சொல்கின்றார்
அன்னை இல்லாப் போதெல்லாம்
.. அன்பாய்ப் பார்த்துக் கொள்கின்றார்

பக்கத் திருக்கும் பூங்காவில்
.. பலமாய் ஊஞ்சல் ஆட்டிடுவார்
'மக்குப் பெண்ணே' என்றென்றன்
.. மண்டை மீதே தட்டிடுவார்
மிக்கி எலியின் ஓவியத்தை
.. வெட்டி எனக்குக் கொடுத்திடுவார்
திக்கித் திக்கிப் பேசியெனைத்
.. திகைக்கச் செய்வார் எலிபோலே

சின்னச் சின்னக் கதைசொல்வார்
.. சேர்ந்தும் கிரிக்கெட் ஆடிடுவார்
முன்னர்ப் பந்தை வீசுகையில்
.. முகத்தைக் கையால் மூடிடுவார்
சன்னல் வழியே கைவிட்டென்
.. சடையைக் கொஞ்சம் இழுத்திடுவார்
அன்னை முன்னர் வருநேரம்
.. அந்தப் பக்கம் திரும்பிடுவார்

*2) நாய்க்குட்டி*

கருப்பு வெள்ளை நாய்க்குட்டி
.. கதவின் அருகில் நாய்க்குட்டி
செருப்பைக் கடிக்கும் நாய்க்குட்டி
.. சிறிதாய்க் குலைக்கும் நாய்க்குட்டி
விருப்பம் போலே வாலாட்டி
.. விரைவாய்ச் செல்லும் நாய்க்குட்டி
பருப்புச் சோற்றைத் தின்னாது
.. பாலைக் குடிக்கும் நாய்க்குட்டி

வருவோர் போவோர் யாவர்க்கும்
.. வணக்கம் சொல்லும் நாய்க்குட்டி
தெருவில் நடக்கும் போதெல்லாம்
.. சேர்ந்தே நடக்கும் நாய்க்குட்டி
இரவில் மெத்தை மீதேறி
.. என்னோ(டு) உறங்கும் நாய்க்குட்டி
பரிசாய் மாமா எனக்களித்தப்
.. பட்டுக் குட்டி நாய்க்குட்டி

பகிர்வுக்கு நன்றி.

அருமையாக உள்ளது அண்ணா!

அருமையாக உள்ளன இரண்டும். இவற்றை எங்காவது பயன் படுத்த வேண்டுமே.. பயன் படுததலாமா நண்பரே?

சிவா wrote:அருமையாக உள்ளது அண்ணா!

ஆதிரா wrote:]அருமையாக உள்ளன இரண்டும். இவற்றை எங்காவது பயன் படுத்த வேண்டுமே.. பயன் படுததலாமா நண்பரே?

மற்றும் அமுத வர்ஷிணி, அப்புக்குட்டி தங்கள் இருவருக்கும்

எல்லோருக்கும் நன்றிகள்.!
சகோதரி ஆதிராவுக்கு இது எனதுகவிதை இல்லையே. இன்னொரு தளத்தில் கண்டேன். MovingMoon தளத்தில் சந்தர் சுப்ரமணியன் எழுதியது.அவரைத்தான் கேட்கவேண்டும்.

வாவ் மிகவும் அருமை பகிர்வுக்கு அன்பு நன்றிகள் அண்ணா...