இந்த அழகியின் ஆட்டத்துக்கு ஒரு பாட்டு எழுதுவீங்களா....

by **Aathira** Sat Nov 27, 2010 8:59 am

First topic message reminder :

இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 Animated

by **Aathira** Sat Nov 27, 2010 3:46 pm

kirikasan wrote:

மலர்மேனி சுழன்றாட மலர்பாடும் எழிலோ
பலர்காண அவளாடும் சிறுமேடைஎதுவோ
விலகாது சிறைபோட்ட தெதனாலே விதியோ
சிலைமாது உயிர்கொண்ட தொருபாவை இலையோ

சுழன்றாட இருபாதம் வலி கொள்ளும் அன்றோ
அழகான வெளிதூங்கும் மலர்கொய்து எவரோ
நிழல்கொண்ட இருபாத அடிமீது தளைய
வளமாக தூவுங்கள் வலி போக இதமாய்!

கிரிகாசன்

//விலகாது சிறைபோட்ட தெதனாலே விதியோ
சிலைமாது உயிர்கொண்ட தொருபாவை இலையோ//

அழகான பெண்ணியச் சிந்தனையைக் கண்டு வியந்தேன் கிரிகாசன்.

//சுழன்றாட இருபாதம் வலி கொள்ளும் அன்றோ
அழகான வெளிதூங்கும் மலர்கொய்து எவரோ
நிழல்கொண்ட இருபாத அடிமீது தளைய
வளமாக தூவுங்கள் வலி போக இதமாய்!//

மென்மையான தங்க்ள் மனமும் இவ்வடிகளில் தெரிகிறது வெள்ளிடைமலையாக. ஈகரைச் சிறப்புக் கவிஞர்கள் எள்ளென்றாலும் கவி புனைவர். எரி மலை என்றாலும் கவி புனைவர் என்பது தெளிவு. மிக்க நன்றியும் வாழ்த்துக்களும் கிரிஹாசன். இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 678642

இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 678642

by **Aathira** Sat Nov 27, 2010 3:59 pm

kalaimoon70 wrote:
அழகி ஒருத்தி பார்க்கையில்,
அழகே அடிமையானது,
ஆடிக்காற்றும்,அசந்துப்போகையில்
ஆட்டம் போதையானது.

இதோ பூமியின் நிலவு
இனிதே ஆடுது இங்கு.

இருவிழிகள் பேசும் கவிதைகள்,
என் இருதயத்தை நிறுத்தும் ஆயுதம்.
உள்ளம் சொல்லும் நிலைகள்
உன் நிலைகள் அறிய உதவும்.

பரதம் கொள்ளும் நிலையிலும்,
பார்க்கும் பார்வை காதல் சொல்லும்.
கைகள் எழுதும் கலையிலும்,
நமது காதலே ஜதிசொல்லும்.
.

இது தான் எங்கள் ஈகரையின் ஆசுகவி. நீங்க மட்டும் கவி கொடுக்காமல் இருந்திருந்தால் நான் கண்டிப்பாக ஏசு கவியாக மாறியிருப்பேன். எப்ப வருவேன். எப்படி வருவேன்னு தெரியாதுனு சொல்ற சிறப்பு நட்சத்திரமா சரியான நேரத்தில் வந்து சரியான கவிதையைக் கொடுத்து என்னை ஏசு கவியென்ற பெயரில் இருந்து தப்பிக்க வைத்து விட்டீர்கள்.
கலைநிலா.
பாட்டு என்று கேட்டவுடன் பாட்டாகவே தந்துள்ளீர்கள். இத்ற்கு இசையமைத்துப் பாடினால் தேனிசையாக ஒலிக்கும். அழகான பெண்ணுக்கு அழகான கவிதை கலைநிலா. மிக்க நன்றி.
இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 678642

இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 154550

by kalaimoon70 Sat Nov 27, 2010 4:09 pm

இது தான் எங்கள் ஈகரையின் ஆசுகவி. நீங்க மட்டும் கவி கொடுக்காமல்
இருந்திருந்தால் நான் கண்டிப்பாக ஏசு கவியாக மாறியிருப்பேன். எப்ப
வருவேன். எப்படி வருவேன்னு தெரியாதுனு சொல்ற சிறப்பு நட்சத்திரமா சரியான
நேரத்தில் வந்து சரியான கவிதையைக் கொடுத்து என்னை ஏசு கவியென்ற பெயரில்
இருந்து தப்பிக்க வைத்து விட்டீர்கள்.
கலைநிலா.
பாட்டு என்று
கேட்டவுடன் பாட்டாகவே தந்துள்ளீர்கள். இத்ற்கு இசையமைத்துப் பாடினால்
தேனிசையாக ஒலிக்கும். அழகான பெண்ணுக்கு அழகான கவிதை கலைநிலா. மிக்க நன்றி.

இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 678642

எல்லாம் உங்கள் ஊக்கமே .நன்றி தோழியே நன்றி .

by அப்புகுட்டி Sat Nov 27, 2010 4:16 pm

அன்பு அண்ணன் கிரிகாசன் மற்றும் அன்பு மாஸ்டர் கலை நிலா இருவரும் மிகவும் அழகாக வரிகளை சேர்த்துள்ளீர்கள் மிகவும் அருமை இதை விடவும் இன்னும் அழகான கவிதை வருமா பொறுத்திருந்து பார்ப்போம்.

உங்கள் திறமை எனக்கில்லையே சோகம்

by **kirikasan** Sat Nov 27, 2010 4:17 pm

நன்றி சகோதரி ஆதிரா

போற்றலும் ஏற்றலும் போதையென்றாயினும்
ஆற்றலும் ஆர்வமும் போற்றலில் தோன்றிடும்
காற்றினில் ஏற்றியே கற்பனை மேகங்கள்
நாற்றிசை சூழ்ந்திட நல்லுணர்வேற்றிடும்

வார்த்தைகள் பொங்கிடும் வந்துகவிமழை
ஊற்றிடும் அத்தனை உன்னதமானதவை
கூற்றுபுகழ் ஒருகோடிபெறும் அதை
ஏற்றுமகிழ்கிறேன் என்தலை தாழ்த்தியே!

பாரட்டுக்கு நன்றிகள்!!

கிரிகாசன்

by **Aathira** Sat Nov 27, 2010 8:55 pm

இதற்கும் கவியா. தங்களின் மூச்சுக்கூட கவிதையாகத்தான் வெளிவரும் என்பதைக் காணும் போது சற்று பொறாமையாகவே உள்ளது. பிரமிப்புடன் மிக்க நன்றி கிரிகாசன். இந்த அழகியின் ஆட்டத்துக்கு ஒரு பாட்டு எழுதுவீங்களா.... - Page 2 678642

by அன்பு தளபதி Sat Nov 27, 2010 9:03 pm

பிரியங்களின்
அசைவுகளில்
நிகழ்த்துகிறாய்
உன் நடனத்தை

பிரபஞ்சத்தின்
வெளிகளில்
சிதறுகிறது
நடனத்தின் ஓசை

தெள்ளிய
நிரோடையின்
வசிகரமென
ஈர்க்கிறாய்

எது குறித்தும்
பிரக்ஞை
இன்றி
சுழல்கிறாய்
உயிர் பறிக்கும்
சூறாவளி என

எதுவும்
இயல்பின்றி
நடப்பதை
குறிப்பதாய்
இருக்கிறது
உனது நடனம்