மாம்பலத்தில் உன்னைக் கொசு கடித்தால் - கண்ணே...!

**சிவா** · **சிவா** Sun Nov 21, 2010 12:14 am

மாம்பலத்தில் உன்னைக் கொசு கடித்தால் - கண்ணே
தாம்பரத்தில் என்தோலில் தடிப்பு வரும்

வீட்டினிலே நீ மோர் குடித்தால - மவுண்ட்
ரோட்டினிலே எனக்கு ஏப்பம் வரும்

மாம்பலத்தில் உன்னைக் கொசு கடித்தால் - கண்ணே
தாம்பரத்தில் என்தோலில் தடிப்பு வரும்

கல்லூரிக்கு நீ கிளம்பியபின் - உன்
காலனியில் கடையடைப்பு போலிருக்கும்

வருகையில் தெருமுனையில் கூட்டம் நிற்கும் - பெரிய
வடைச்சட்டி போல எங்கள் வாய் திறக்கும்

மாம்பலத்தில் உன்னைக் கொசு கடித்தால் - கண்ணே
தாம்பரத்தில் என்தோலில் தடிப்பு வரும்

பாவாடை தாவணியில் நீ வருவாய் - வந்தால்
பாவனா மீதெனக்கு அலுப்பு வரும்

சிநேகாவின் புன்சிரிப்பும் புளித்து விடும் - அசின்
ஸ்ரேயா த்ரிஷா முகங்கள் சலித்து விடும்

என்னிடத்தில் சோனி எரிக்சன் உண்டு - உன்னை
ஈ.சி.ஆர். அழைத்துப் போக பல்சர் உண்டு

அயோனக்சில் புது சினிமா போட்டிருக்கு - என்
அப்பாவின் பர்ஸ் நிறைய நோட்டிருக்கு

மாம்பலத்தில் உன்னைக் கொசு கடித்தால் - கண்ணே
தாம்பரத்தில் என்தோலில் தடிப்பு வரும்

வீட்டினிலே நீ மோர் குடித்தால் - மவுண்ட்
ரோட்டினிலே எனக்கு எப்பம் வரும்

- ஆர். வேணுகோபாலன்