விஜயகாந்துக்கு அமெரிக்க இறையியல் பல்கலை டாக்டர் பட்டம்

**சிவா** · **சிவா** Thu Nov 25, 2010 12:22 am

சென்னை: சமூக சேவை செய்ததற்காக விஜயகாந்துக்கு அமெரிக்க இறையியல் பல்கலை டாக்டர் பட்டம் 56667

தேமுதிக தலைவர் விஜயகாந்துக்கு இன்டர்நேஷனல் இன்ஸ்டிடியூட் ஆப் சர்ச் மேனேஜ்மென்ட் (ஐ.ஐ.சி.எம்.) என்ற இறையியல் பல்கலைக்கழகம் டாக்டர் பட்டம் வழங்குகிறது.

அமெரிக்காவின் புளோரிடா மாகாணத்தில் பிளைமெளத் நகரிலிருந்து இந்த பல்கலைக்கழகம் இயங்குகிறது.

சென்னை சேத்துப்பட்டில் தனியார் பள்ளி மைதானத்தில் வரும் 3ம் தேதி விஜய்காந்துக்கு இந்த பட்டம் வழங்கப்படும். இதற்கான அழைப்பிதழ் அச்சடிப்பு, நிகழ்ச்சி ஏற்பாடுகளை தே.மு.தி.க. நிர்வாகிகள் செய்து வருகின்றனர்.

பெண்கள் அதிகளவில் பங்கேற்க வேண்டும்-விஜயகாந்த்: விஜயகாந்துக்கு அமெரிக்க இறையியல் பல்கலை டாக்டர் பட்டம் 95051

விஜயகாந்துக்கு அமெரிக்க இறையியல் பல்கலை டாக்டர் பட்டம் 95051

இந் நிலையில் சேலத்தில் நடக்கும் தேமுதிக மாநாட்டில் பெண்கள் அதிகளவில் பங்கேற்க மாநில, மாவட்ட கட்சி நிர்வாகிகள் ஏற்பாடு செய்ய வேண்டும் என்று விஜயகாந்த் உத்தரவிட்டுள்ளார்.

கூட்டத்தில் பேசிய அவர், திமுக, அடுத்து ஆட்சிக்கு வராமல் தடுப்பதற்கு என்னென்ன செய்ய வேண்டுமோ, அதை நான் செய்வேன். அடுத்த 6 மாதத்திற்குள் என்னென்ன நடக்கப் போகிறது என்பதை பொறுத்திருந்து பாருங்கள்.

ஜனவரியில் சேலத்தில் நடக்கும் கட்சி மாநாட்டு்க்கு கூட்டம் சேர்க்கும் பணிகளில் மட்டும் மாநில, மாவட்ட நிர்வாகிகள் கவனம் செலுத்த வேண்டும்.

அதிமுக, நடத்திய பொதுக் கூட்டங்களில் ஆண்களே அதிகளவில் பங்கேற்றனர். ஆனால், தேமுதிக நடத்தும் மாநாட்டில் பெண்கள் அதிகளவில் பங்கேற்க ஏற்பாடு செய்ய வேண்டும்.

இந்த மாநாடு தான், சட்டசபைத் தேர்தலில் தேமுதிகவுற்கு சாதகமான பல்வேறு திருப்பு முனைகளை ஏற்படுத்தும் சிரி