புன்னகை மறந்தவளே!

**kirikasan** · **kirikasan** Thu 25 Nov 2010 - 19:43

வாடுவது மலரென்றால் வையகமேஇருளாதோ
ஓடிஎரி வெயிலோனும் ஓங்குமலைஒளியானோ
பாடுவது கிளியென்றால் பைந்தமிழும் உருகாதோ
பனியுருகிக் குளிரெடுத்து படர்காற்றும் வீசாதோ

தேடுவது எதுவென்று திங்கள் வந்து கூறாதோ
தென்திசையின் காற்றுவந்து சேதிசொல்லி ஓடாதோ
நாடுவது என்னவென்று நாலுவார்த்தை கூறாயோ
நல்லதொரு வழிபிறந்து நானிலமும் வாழ்த்தாதோ

ஏடுவரும் கவிதனிலே இழைவதென்ன? எழுமுகிலே
ஓடித்தொடு வெண்ணிலவு ஊறும்விழி நீர் துடைக்க
காடுவழிப் பாதையிலே காணும்முள்ளு குத்தியதாய்
பேடுஅன்னம் சோர்ந்துநடை பிழைப்பதென்ன பேசாயோ

தேவரருள் கூடட்டும் திங்கள்மனம் பூக்கட்டும்
பாவமங்கு போகட்டும் பனித்தவிழி சிரிக்கட்டும்
பூமலர்ந்து பொங்கட்டும் புதியநதி துள்ளட்டும்
தாவுமயில் தோகைதனை தான்விரித்து ஆடட்டும்

இருள்மறைந்து ஒளிரட்டும் இன்பகீதம் இசைக்கட்டும்
கருமைதீயி லெரியட்டும் கனவுகளும் பலிக்கட்டும்
ஒருமை ஓங்கி உள்ளமதில் உற்ற அன்பு பெருகட்டும்
பரிதிபோல ஒளிபிறந்து பாசவாழ்வு ஜொலிகட்டும்

Thanjaavooraan · Thanjaavooraan Thu 25 Nov 2010 - 20:46

கவிதை அருமை புன்னகை மறந்தவளே! 677196

புன்னகை மறந்தவளே!

புன்னகை மறந்தவளே!

Re: புன்னகை மறந்தவளே!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக