திருத்தப்படமுடியாத தவறுகள்!?

by வினுப்ரியா Wed Nov 24, 2010 8:02 pm

First topic message reminder :

திருத்தப்படமுடியாத தவறுகள்!?

ஆளுகின்ற ஆட்சியாளர்கள்
அவ்வப்போது மாறினாலும்
அயராது ஊழலில் உழல்வது
அரசாங்கத்தின் திருத்தப்படமுடியாத தவறோ!?

எத்தனை முறை ஏமார்ந்தபோதும்
கைகூப்பி வரும் வேட்பாளனிடம்
கை நீட்டி பெற்றிட்ட காசுக்காக
கண்மூடி ஓட்டளித்திட்டு
கவலைப்பட்டு வருந்துவது
முட்டாள் மக்களின் மூளையில்
திருத்தப்படமுடியாத தவறோ!?

மனைவிக்கும் ஒரு மனமுண்டு
அதிலும் ஒரு
மனிதம் உண்டென அறிய மறுப்பது
ஆணாதிக்கத்தின் அகராதியில்
திருத்தப்படமுடியாத தவறோ!?

மூர்க்கத்தனத்தில் வளர்ந்திட்டு
மோகத்தில் தொலைந்திட்டு
தேகத்தை மட்டும் தேடிப்புணர்வது
காமூகனின் கவனத்திலிருந்து
திருத்தப்படமுடியாத தவறோ!?

வறுமையின் கோரப்பிடியில்
வயிறு வளர்க்க வேறு வழியின்றி
உயிரோடு தன் சதைப்பிண்டத்தை
விபச்சார சந்தையில் விலைபேசி விற்பது
விபாச்சாரியின் விதியில் எழுதப்பட்ட
திருத்தப்படமுடியாத தவறோ!?

சொரணையற்ற சுகவாசிகளாய்
உழைக்க மறந்த சோம்பேறிகளாய்
ஊர் சுற்றி பிச்சையெடுப்பது -அவன்
உதிரத்தில் உறைந்திட்ட
திருத்தப்படமுடியாத தவறோ!?

திருத்தப்படமுடியாத தவறுகள்
தானகவே நிகழ்கிறதா?-இல்லை
திட்டமிடப்பட்டு நிகழ்கிறதா?-இல்லை
தடுக்கப்படாததால் தொடர்கிறதா?

இத்தனையும் கண்டு
ஏதும் செய்வதறியா பெருமூச்சோடு
கையாலாகாத்தனத்தோடு
கவிதையெழுதிக் கொண்டிருப்பது-என்னுடைய
திருத்தப்படமுடியாத தவறோ!?