வாழ்க்கையை செம்மைப்படுத்த சில டிப்ஸ்!

உங்களோட வாழ்க்கைல ஒரு வாரத்தைத் தொடர்ந்து கவனிங்க. வாரக் கடைசில, நீங்க என்னவெல்லாம் செய்திருக்கீங்க, அதுல எத்தனை வேலைகள் உருப்படியானது, எத்தனை வேலைகள் அனாவசியமானது, அதுக்காக நீங்க செலவழிச்ச நேரம் எவ்வளவுனு பட்டியல் போடுங்க. வீணான நேரம், உங்களுக்கான எச்சரிக்கை மணி.

ஒவ்வொரு நாளும் ஆக்கப்பூர்வமான, அவசியமான வேலைகள் என்னனு பார்த்து, அதுக்கான நேரத்தை முதல்ல ஒதுக்குங்க. ? உங்க நேரத்தை உங்களுக்கே தெரியாம விழுங்கற விஷயங்கள் நிறைய... சின்ன சிரிப்புல ஆரம்பிக்கிற அரட்டைக் கச்சேரி, மணிக்கணக்கா பார்க்கிற டி.வி., போன், ரெஸ்ட்டுங்கிற பேர்ல பலமணி நேரத் தூக்கம்... இப்படியான விஷயங்கள்கிட்டருந்து கொஞ்சம் விலகியே இருக்கிறது நல்லது.

நேரந்தவறாமை வாழ்க்கைல ரொம்பவே முக்கியம். இது காலைல எழுந்திருக்கிறதுல தொடங்கி, வீட்டை விட்டு வெளிய கிளம்பறது, சொன்ன வேலையை சொன்ன நேரத்துக்கு முடிச்சுக் கொடுக்கிறதுனு எல்லா விஷயங்களுக்கும் பொருந்தும். வேலைக்குப் போற பெண்கள், சமையல், அடுத்த நாள் அணியப் போற டிரெஸ்னு எல்லாத்தையும் முன்கூட்டியே பிளான் பண்ணலாம்.

டென்ஷன் இருக்காது. ஒவ்வொருத்தருக்கும் ஒவ்வொரு நேரம் பெஸ்ட்டுனு தோணும். சிலருக்கு அதிகாலைல எழுந்து வேலை பார்க்கப் பிடிக்கலாம். சிலருக்கு ராத்திரி நேரம்... இப்படி உங்களுக்குத் தோதான நேரத்தைக் கண்டுபிடிச்சு, அந்த நேரத்துல முக்கியமான வேலைகளைச் செய்யலாம்.

தினசரி செய்ய வேண்டிய வேலைகளை லிஸ்ட் போட்டு, அந்த நாள் முடிவுல சரி பாருங்க. இப்படியே வாரம் ஒரு முறை, மாசம் ஒரு முறை, வருஷம் ஒரு முறை உங்க டைரியை சரி பாருங்க. இலக்கை அடையறதுல நீங்க எடுத்துக்கிட்ட முயற்சிகள் எவ்வளவு, அதுக்காக நீங்க எவ்வளவு உழைச்சிருக்கீங்கன்றது தெரியும்.

கடைசியா எந்த வேலையைச் செய்தாலும், அதை விரும்பிச் செய்யுங்க. பலரோட கவலையும் Ôஇந்த வேலையை எப்படி முடிக்கப் போறோங்Õகிறது இல்லை. அதை ஆரம்பிக்கிறதுதான். வேலையை நேசிக்கக் கத்துக்கிட்டா, அதை ஆரம்பிக்கிறதும், முடிக்கிறதும் ரொம்ப ஈஸி.

சூப்பர் மிகவும் அருமையான பயனுள்ள தகவல்