மதுரை: தேடப்பட்ட 6 ரவுடிகள் சிக்கினர்

**சிவா** · **சிவா** Tue Nov 23, 2010 8:33 pm

First topic message reminder :

மதுரையில் ரவுடிகளில் தொல்லை நாளுக்கு நாள் அதிகரித்து வருகிறது. இதனால் பல இடங்களில் பொதுமக்கள், வியாபாரிகள் பாதிக்கப்பட்டு வந்ததால் போலீசில் புகார் செய்த வண்ணம் இருந்தனர். ரவுடிகளின் கொட்டத்தை அடக்க போலீஸ் கமிஷனர் பாலசுப்பிரமணியன் உத்தர விட்டார்.

இதை தொடர்ந்து கடந்த சில நாட்களாக ரவுடிகள் வேட்டை நடந்து வருகிறது. நேற்று முன்தினம் நடத்திய அதிரடி சோதனையில் 25 ரவுடிகள் கைது செய்யப் பட்டனர்.

இவர்கள் கொள்ளை, வழிப்பறி, கத்தியை காட்டி மிரட்டி பணம் பறித்தல் போன்ற குற்றங்களில் ஈடுபட்டவர்கள் ஆவார்கள்.

இதேபோல் நேற்றிரவு நகரின் பல்வேறு பகுதி களில் போலீசார் அதிரடி சோதனையில் ஈடுபட்டனர்.

இச்சோதனையில் சோலையழகுபுரத்தை சேர்ந்த இருளாண்டி (23) சொக்கலிங்கபுரத்தை சேர்ந்த நொண்டி முருகன், பாக்கியநாதபுரத்தை சேர்ந்த திருப்பதி (25), புதூரை சேர்ந்த சரவணமூர்த்தி, சுப்பிரமணியபுரத்தை சேர்ந்த விஜய் (22), அப்துல் கரீம் ஆகிய ரவுடிகளை போலீசார் கைது செய்து சிறையில் அடைத்தனர்.

தொடர்ந்து ரவுடி வேட்டை நடைபெறும் என்று போலீஸ் அதிகாரி ஒருவர் தெரிவித்துள்ளார்.

நக்கீரன்