சந்திப்போம் வெண்ணிலாவே

TGaneshKumar · TGaneshKumar Sat Nov 20, 2010 8:23 pm

உடல் மறைத்து முகம் காட்டும்போதே
என் உடல் மறந்த உலகமாகியதே நீ
உடல் காட்டி நடைபயின்றால்
படைகொண்டு வருவார் உன்னை புடைசூழ்ந்து போக

எங்கிருந்து பெற்றாய் என்னையும் தாண்டி
என் நிழலையும் தாக்கும் உன் அழகை
நடு இரவிலும் உன் முகம்
எண்ணி மயங்குது என் அகம்

எவ்வளவோ வேலையிலும் இவ்வேளை
அமைந்தது இறைவனின் லீலை
மீண்டும் சந்தர்பம் இதுபோல் அமைந்திட
அன்றும் இன்றுபோல் பௌர்ணமியாய் இருந்திட
அன்றிரவில் நாம் சந்திப்போம் வெண்ணிலாவே