நடிகை கற்பழிப்பு புகார்:மும்பை ஏஜெண்ட் கைது

Guest · Guest Mon Nov 22, 2010 7:45 pm

பெங்களூரைச் சேர்ந்த ரிது சச்தேவா, மாடலிங் நடிகை. இவர் கன்னடப்படங்களில் நடித்துள்ளார்.

இவரிடம் மும்பையைச் சேர்ந்த ரெமிடியோஸ் என்பவர் டி.வி. நிகழ்ச்சியில் நடிக்க வைப்பதாக கூறி ரூ.5 லட்சம் மோசடி செய்ததாகவும் அத்துடன் தன்னை ஏமாற்றி கற்பழித்ததாகவும் மும்பை வெர் சோவா போலீசில் புகார் செய்து இருக்கிறார். கடந்த 12-ந்தேதி இது தொடர்பாக ரிது மும்பை போலீசாரிடம் புகார் கொடுத்துள்ளார்.

அந்த புகார் மனுவில், ’’மும்பையைச் சேர்ந்த ரெமிடியோஸ் என்பவர் சில நாட்களுக்கு முன் என்னை சந்தித்தார். தன்னை சினிமா தயாரிப்பாளர் என்று அறிமுகப்படுத்திக் கொண்டார்.

என்னை கலர்ஸ் தொலைக்காட்சியில் ஒளிபரப்பாகும் “பிக்பாஸ்” நிகழ்ச்சியில் நடிக்க வைப்பதாக கூறினார். அவரை நம்பி ஒப்பந்தத்தில் கையெழுத்து போட்டு கொடுத்தேன். முன் பணமாக என்னிடம் இருந்து ரூ.5 லட்சம் வாங்கிக் கொண்டார்.

அதன் பிறகு டி.வி.யில் நடிக்க எனக்கு எந்த அழைப்பும் வரவில்லை. இதற்கிடையே அவர் மீண்டும் என்னைச் சந்தித்து டி.வி.யில் நடிக்க வைப்பதாக கூறி என்னை ஏமாற்றி கற்பழித்து விட்டார்.

தனது தாயாருக்கு உடல் நலம் இல்லை என்று கூறி ரூ.50 ஆயிரம் கடன் வாங்கினார். அந்தப்பணத்தையும் அவர் திருப்பித் தரவில்லை.

என்னை வைத்து வீடியோ ஆல்பம் ஒன்றை எடுத்தார். ஆனால் போதிய பணம் இல்லாததால் அதை தொடர்ந்து எடுக்க முடிய வில்லை. பாதியிலேயே நின்று விட்டது’’என்று கூறியுள்ளார்.

இதுபற்றி மும்பை போலீசார் வழக்கு பதிவு செய்து ரெமிடியோசை கைது செய்தனர். கோர்ட்டில் ஆஜர்படுத்தப்பட்ட அவரை போலீசார் தங்கள் காவலில் எடுத்து விசாரணை நடத்தி வருகிறார்கள். ஆரம்ப கட்ட விசாரணையில் ரெமிடி யோஸ் தயாரிப்பாளர் இல்லை என்றும் சினிமா ஏஜெண்ட் என்றும் தெரிய வந்துள்ளது.