எரிமலை சீற்றம்: 304 பேர் பலி

**சிவா** · **சிவா** Mon Nov 22, 2010 3:31 am

ஜகார்த்தா : இந்தோனேசியாவில் மெரபி எரிமலையின் சீற்றத்துக்கு பலியானவர்களின் எண்ணிக்கை 304 ஆக உயர்ந்துள்ளது. இந்தோனேசியாவின் ஜாவா தீவில் உள்ள மெரபி எரிமலை கடந்த இரண்டு மாதமாக குமுறிக் கொண்டிருந்தது. கடந்த மூன்று வாரங்களாக அந்த எரிமலை தீக்குழம்பை கக்கியதோடு, சூடான சாம்பலையும் வாயுவையும் வெளியேற்றி வருகிறது.

தீக்குழம்புடன் சாம்பல் வீசியெறியப்பட்டதால், அருகில் உள்ள கிராமத்தைச் சேர்ந்த நூற்றுக்கும் அதிகமானவர்கள் பலியாயினர். எரிமலையைச் சுற்றியுள்ள 18 கி.மீ., பரப்பளவில் சாம்பல் படிந்துள்ளது. காற்றில் சாம்பல் பறப்பதால், மக்கள் சுவாசிக்க முடியாமல் அவதிப்படுகின்றனர். சமீபத்தில் எரிமலை சரிவில் இருந்து சாம்பலில் புதையுண்ட ஏராளமான சடலங்கள் கண்டெடுக்கப்பட்டன. இதன் மூலம் எரிமலை சீற்றத்துக்கு பலியானவர்களின் எண்ணிக்கை 304 ஆக உயர்ந்துள்ளது.

மெரபி மலையை சுற்றியுள்ள பகுதியிலிருந்து நான்கு லட்சம் பேர், ஜாவாவின் யோக்யகர்த்தா நகருக்கு அருகே குடிபெயர்ந்தனர். தற்போது எரிமலையின் சீற்றம் தணிந்துள்ளதால், இரண்டு லட்சம் பேர் மீண்டும் தங்கள் வீடுகளுக்கு திரும்பியுள்ளனர்.

Thanjaavooraan · Thanjaavooraan Mon Nov 22, 2010 11:51 am

என்று தணியும் இந்த
எரிமலை தாகம் அதிர்ச்சி

எரிமலை சீற்றம்: 304 பேர் பலி

எரிமலை சீற்றம்: 304 பேர் பலி

Re: எரிமலை சீற்றம்: 304 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக