ஆசிய விளையாட்டு: ஹாக்கி போட்டி: இந்திய அணி அரை இறுதிக்கு தகுதி

ஆசிய விளையாட்டு: ஹாக்கி போட்டி: இந்திய அணி அரை இறுதிக்கு தகுதி பாகிஸ்தான் போராடி தோல்வி



சீனாவில் நடைபெற்று வரும் ஆசிய விளையாட்டுப் போட்டியின் ஹாக்கிப் பிரிவில் இந்திய ஆடவர் அணி பாகிஸ்தானை 3 _ 2 என்ற கோல் கணக்கில் வீழ்த்தி அரை இறுதிக்கு முன்னேறியுள்ளது.

ஆசிய விளையாட்டுப் போட்டி சீனாவில் உள்ள முக்கிய நகர்களில் ஒன்றான குவாங்ஜௌவில் கடந்த ஒரு வார காலமாக நடந்து வருகிறது. இந்தப் போட்டி தற்போது விறுவிறுப்பான கட்டத்தை எட்டி உள்ளது. இதன் ஆடவர் ஹாக்கிப் போட்டியில் இந்திய அணி பரம எதிரியான பாகிஸ்தானை சந்தித்தது. பரபரப்பான ஆட்டத்தில் இந்திய அணி 3 _ 2 என்ற கோல் கணக்கில் பாகிஸ்தானை தோற்கடித்து அரை இறுதிச் சுற் றுக்கு முன்னேறி உள்ளது.

இந்த வெற்றி இந்திய அணிக்கு இந்த வருடம் பாகிஸ்தானிற்கு எதி ரான 4 _வது வெற்றி என்பது குறிப்பிடத்தக்கது. இந்தப் போட்டியில் இந்திய அணியின் கேப்டன் சந்தீப் சிங் 2 கோல் அடித்தார். பெனால்டி கார்னர் ஸ்பெசலிஸ்டான சந்தீப் சிங் முதல் பாதியில் ஒரு கோலும், இரண்டாவது பாதியில் ஒரு கோலும் அடித்தார். தவிர, தரம் வீர் சிங் 3 _வது கோலை அடித்து இந்திய அணியை வெற்றி பெற வைத்தார்.

இந்த வெற்றியின் மூலம் இந்திய அணி குரூப் பி யில் தொடர்ந்து வெற் றி பெற்று வருகிறது. இந்திய அணி தற்போது மொத்தம் 9 புள்ளிகள் பெற்று குரூப் பி யில் முதலிடத்தில் உள்ளது.

இந்திய அணி இன்று கடைசி லீக்கில் ஜப்பானை சந்திக்க இருக்கிறது. ஜப்பான் மற்றும் பாகிஸ்தான் அணிகள் இதுவரை நடந்த லீக் ஆட்டத் தில் முறையே தலா 6 புள்ளிகள் பெற்று உள்ளது நினைவு கூறத்தக்கது. கடந்த மார்ச் மாதம் நடந்த உலகக் கோப்பை போட்டியில் இந்திய அணி 4 _ 1 என்ற கோல் கணக்கில் பாகிஸ்தானை தோற்கடித்தது. பின் பு மே மாதம் மலேசியாவில் நடந்த அஸ்லான் ஷா போட்டியில் 4 _ 2 என்ற கோல் கணக்கில் வென்றது.

கடந்த மாதம் நடந்த காமன்வெல்த் போட்டியில் 7 _ 4 என்ற கோல் கணக்கில் பாக்.கை வீழ்த்தியது. பாகிஸ்தான அணிக்கு 58 _வது நிமிடத்தில் ஒரு கோல் வாய்ப்பு கிடை த்தது. அந்த அணி சார்பில் சோகைல் அப்பாஸ் பெனால்டி கார்னர் மூலம் இந்த கோலை அடிக்க முயன்றார். ஆனால் இந்திய கோல் கீப் பர் பாரத் செட்ரி இதனை டைவ் அடித்து அபாரமாக தடுத்து விட்டார். இந்த ஆட்டம் குறித்து பாகிஸ்தான் அணியின் கேப்டனான ஜூசன் அஸ்ரப்பிடம் கேட்ட போது, நடுவர்கள மீது குற்றம் சாட்டினார்.

மோசமான தீர்ப்பால் ஆட்டம் பாதித்தது என்றும், இதனால் தோல்வி ஏற்பட்டது என்றும் அவர் தெரிவித்தார்.

பாகிஸ்தான் அணி 1990 _ம் வருடம் பெய்ஜிங்கில் நடந்த ஆசிய விளையாட்டுப் போட்டி உள்பட இதுவரை 7 முறை தங்கம் வென்று உள்ளது. 1994 _ம் வருடம் சிட்னியில் நடைபெற்ற உலகக் கோப்பையில் வெற்றி பெற்றது. அதன் பிறகு, முக்கிய போட்டிகளில் வெற்றி எதனையும் பெறவில்லை.