மதுரை அருகே குழந்தைகளுடன் இளம்பெண் கொலை கல்லூரி மாணவர்கள் உள்பட 5 பேர் கைது

மதுரை அருகே குழந்தைகளுடன் இளம்பெண் கொலை செய்யப்பட்ட வழக்கில் கல்லூரி மாணவர்கள் உள்பட 5 பேர் கைது செய்யப்பட்டனர்.

ராமநாதபுரம் மாவட்டம் பாரதி நகரை சேர்ந்தவர் ஆதிலாபானு. இவரது மகன் அகமது அஸ்லாம் (7) மகள் ஹாஜிராபானு(5) ஆகியோர் கடந்த 8 ம் தேதி மதுரை மாவட்டம் வாடிப்பட்டி நான்குவழிச்சாலையில் கொலை செய்யப்பட்டு வேட்டியில் கட்டி வீசப்பட்டுகிடந்தனர்.

பிணங்களை கைப்பற்றி வாடிப்பட்டி போலீசார் தனிப்படை அமைத்து விசாரணை நடத்தி வந்தனர். இந்த கொலை ஆதிலாபானுவின் குடும்ப நண்பர் ஜெயக்குமார் கைது செய்யப்பட்டார். இதை தொடர்ந்து வாலாந்தரைவை சேர்ந்த துரைராஜ் மகன் முனியசாமி(28) ராமநாதபுரத்தை சேர்ந்த அகமது உல்லா மகன் சேக்கஜத் என்ற சூடானி(19) இவர் கீழக்கரை கல்லூரியில் பிகாம் 2 ம் ஆண்டு படித்து வருகிறார்.

நயினார்முகமது மகன் தமிமுல் அன்சாரி (21) பட்டினம்காத்தானை சேர்ந்த கலீம் மகன் சானவாஸ்(20) இவர் மதுரையில் உள்ள ஒரு தனியார் கல்லூரியில் பிகாம் 3ம் ஆண்டு படித்து வருகிறார். சாத்தான்குளம் அக்பர்அலிமகன் நாகூர் உசேன்(19) உள்ளிட்ட 5 பேர் கைது செய்யப்பட்டனர்.

இவர்களிடம் போலீசார் நடத்திய விசாரணையில் வழக்கின் முக்கிய குற்றவாளியான சாகுலின் உறவினர் சீனிக்கட்டியை 2002ம் ஆண்டு ரமணி தரப்பை சேர்ந்தவர்கள் கொலை செய்தனர். இந்த கொலை வழக்கில் ஆதிலாபானுவின் கணவர் அகமது நேரில் பார்த்த சாட்சியாக சேர்க்கப்பட்டார். அகமது ஞிதிமன்றத்தில் முறையாக சாட்சி சொல்ல வராததால் வழக்கு தள்ளுடி ஆனது. இதனால் அகமதுவை பலிவாங்க சீனிக்கட்டி உறவினர்கள் முடிவு செய்தனர். இந்த நிலையில் ஆதிலாபானு, எனது கணவர் அகமதுவை சாகுல் தாக்கியுள்ளார். சாகுலை கொலை செய்யாமல் விடமாட்டேன் என்று தனது குடும்ப நண்பர் ஜெயக்குமாரிடம் கூறியுள்ளார்.

இந்த தகவல் மலேசியாவில் உள்ள சாகுலுக்கு தெரியவந்தது. இதனால் சாகுல் ஆதிலாபானுவை முதலில் கொலை செய்ய திட்டமிட்டார். இதற்காக ஜெயக்குமாரை அணுகினார். ஆதிலாபானுவை கடத்தி பணம் பறிக்கலாம் என்று தெரிவித்தார். இதை நம்பிய ஜெயக்குமார் கடந்த 8ம்தேதியன்று மாருதி காரில் ஆதிலாபானுவையும், 2 குழந்தைகளையும் ராமநாதபுரம் மாவட்டம் வேதாளைக்கு அழைத்து வந்தார். அங்கு தயாராக இருந்த சாகுல் வேறு காரில் அவர்களை கடத்தினார்.

தனது பாட்டியின் தோட்டத்துக்கு கொண்டு சென்று தலையணையால் அமுக்கி ஆதிலாபானு மற்றும் அவரது குழந்தைகளை கொலை செய்தார்.இதில் சாகுலின் நண்பர்கள் மணிவண்ணன், ஹர்சத், முனியசாமி ஆகியோரும் சேர்ந்து கொண்டனர். பின்பு அந்த தோட்டத்திலேயே குழி தோண்டி புதைத்தனர். பின்னர் சாகுல் உள்பட 4 பேரும் சென்னை சென்றுவிட்டனர்.

இந்த நிலையில் தோட்டத்தில் உள்ள பிணங்களை அகற்றுமாறுசாகுலின் பாட்டி பக்கீரம்மாள் சாகுலிடம் சண்டை போட்டார்.இதனால் சாகுல் மீண்டும் பரமக்குடி வந்தார். நண்பர்களுடன் சேர்ந்து பிணங்களை தோண்டி எடுத்தனர்.

கொடைக்கானல் மலை பகுதியில் போட்டு விடலாம் என்று எண்ணி பிணங்களை காரில் ஏற்றி கொண்டு வந்தனர். மதுரைக்குள் வரும் போது விடிந்து விட்டதால் பிணத்தை வாடிப்பட்டி நான்கு வழிச்சாலையில் போட்டு விட்டு ஓடி விட்டனர்.

இதன் பிறகு சாகுல், மணிகண்டன், ஹர்சத் ஆகிய 3 பேரும் மலேசியா சென்றுவிட்டனர். போலீசார் மலேசியாவுக்கு தப்பி ஓடிய 3 பேரை பிடிக்க நடவடிக்கை எடுத்து வருகிறார்கள்.

அடடே... ஒரே மர்மயோகி கதையா இல்ல இருக்குது...

அட பாவிகளா, இவனுங்க எதுக்கோ கொலை செய்ய போக
அந்த பொண்ணு மேல கள்ள காதல் அது இதுன்னு எத்தனை பழி.பாவம் அந்த குழந்தைகள் என்ன பாவம் செய்ததுகள்.
கொலை செய்யும்போது பிஞ்சுகளுக்கு கூட இரக்கம் காட்டாத
அளவுக்கு கொடூர பாவிகளா இருக்கானுங்களே