திருவண்ணாமலையில் கோலாகலம்: 2748 அடி உயர மலையில் இன்று மகாதீபம் ஏற்றப்படுகிறது

திருவண்ணாமலையில் கார்த்திகை தீப திருவிழா நிறைவாக இன்று 2748 அடி உயர மலையில் மகாதீபம் ஏற்றப்படுகிறது.

திருவண்ணாமலையில் வரலாற்று சிறப்பு மிக்க அண்ணாமலையார் திருக்கோயில் அமைந்துள்ளது. சோணகிரி, சோணாசலம், அருணகிரி, அருணாசலம் முதலிய பல பெயர்களை தாங்கிய திருவண்ணாமலை அருணம் என்பதற்து சிவப்பு என்ற பொருளும், சிவந்த வடிவுடன் விளங்குவதாலும் அருணாசலம் எனப் பெயரிட்டு அழைக்கப்பட்டு வருகிறது.

திருமாலும், பிரம்மனும் பல காலம் தேடி அடிமுடி காணாத ஜோதி மலையாய் திகழும் அண்ணாமலையார் கோயிலுக்கு பின்புறமுள்ள அரசால் அறிவிக்கப்பட்டுள்ள 2746 அடி உயர மலையில் முனிவர்கள் பலர் தவம் புரிந்துள்ளனர். உலகத்தின் பல்வேறு தலங்களில் மலை மேல் இறைவன் இருப்பதை அறிந்தாலும் மலையே இறைவனாக இருப்பது திருவண்ணாமலைதான். இப்படிப் புகழ் பெற்ற திருவண்ணாமலையில் வருடந்தோறும் நடந்து வரும் கார்த்திகை தீபத் திருவிழா இந்த வருடம் கடந்த 12 ம் தேதி முதல் கொடியேற்றத்துடன் தொடங்கி நடந்து வருகிறது. 6 ம் நாள் இரவு வெள்ளித் தேரைக் காணவும், மறுநாள் நடந்த மகா தேரோட்டத்தை காணவும் பல லட்சம் பக்தர்கள் திருவண்ணாமலையில் திரண்டனர். அண்ணாமலையார் தேரோட்டத்தின் போது பக்தர்கள் காயமடைந்ததால் தேரோட்டம் செல்வதில் காலதாமதம் ஏற்பட்டது. '

இதனால் நடு இரவில் பெண்களே இழுத்துச் செல்லக் கூடிய அம்மன் தேரும், இதையடுத்து சண்டிகேஸ்வரர் தேரும் புறப்பட்டு விடிய விடிய மாட வீதியை வலம் வந்தது. கொட்டும் மழையில் ஏராளமான பெண்கள் வடம் பிடித்து தேரை இழுத்துச் சென்றனர்.

நேற்று முன்தினம் காலை மூஷிக வாகனத்தில் விநாயகரும், குதிரை வாகனத்தில் அண்ணாமலையார் உண்ணாமுலை அம்மனும் வீதியுலா வந்தனர். மாலையில் பிச்சாண்டவர் தங்கமேரு வாகனத்திலும் இரவு பஞ்சமூர்த்திகள் குதிரை வாகனத்திலும் மாட வீதியை வலம் வந்தன.

முக்கியத் திருவிழாவாக இன்று அதிகாலை 4 மணிக்கு அண்ணாமலையார் கோவிலுக்குள் பரணி தீபம் ஏற்றப்படுகிறது. மாலை 6 மணிக்கு கோயிலின் பின்புறமுள்ள மலையில் மகாதீபம் ஏற்றப்படுகிறது. பிரம்மா, விஷ்ணு அடிமுடி காண அனல் வடிவாய் எழுந்த சிவனின் பெருமையை பறைசாற்றும் வகையில் எழுந்த இந்த மகாதீபத்தை காண பக்தர்கள் திருவண்ணாமலையில் குவியத் தொடங்கியுள்ளனர்.

ஏறக்குறைய 20 லட்சம் பக்தர்கள் கூடுவார்கள் என எதிர்பார்க்கப்படுகிறது. பக்தர்களுக்கு தேவையான வசதிகள் மாவட்ட நிர்வாகம் சார்பில் செய்து தரப்பட்டுள்ளது. பக்தர்களின் பாதுகாப்புக்காக 12 ஆயிரம் போலீசார் ஈடுபடுத்தப்பட்டுள்ளனர்.

கொடுத்துவைத்த திருவண்ணாமலை வாசிகள்... நன்றி சிவா..!

திருவண்ணாமலைய நினைத்தாலே முக்தி கிடைக்கும்.
கலை சொன்னது மாதிரி திருவண்ணாமலைல வசிக்கிறவங்க
கொடுத்து வச்சவங்க.ரமணாசிரமம் மாதிரி மனதுக்கு அமைதி தரும் இடத்தை எங்கயும் பார்க்க முடியாது.
அண்ணாமலையாருக்கு அரோகரா

ஆமாம் சுதா... வரும் மேமாதம் தமிழகம் செல்லும் போது கண்டிப்பாக திருவண்ணாமலை செல்லுவேன் ...இன்ஷா அல்லாஹ்..!