விண்வெளியில் இந்தியா சாதனை

சென்னை: நிலவுக்கு இந்தியா அனுப்பும் முதலாவது, ஆளில்லா செயற்கைக் கோளான சந்திரயான்-1, பி.எஸ். எல்.வி., - சி11 ராக்கெட் மூலமாக நேற்று, வெற்றிகரமாக விண் ணில் செலுத்தி "இஸ்ரோ' விஞ் ஞானிகள் சாதனை நிகழ்த்தினர். சொந்தத் தொழில்நுட்பத்தின் மூலம் மேற்கொள்ளப்பட்ட இம்முயற்சியால், நிலவுக்கு செயற் கைக்கோளை அனுப்பிய ஆறாவது நாடு என்ற பெருமையை இந்தியா பெற்றுள்ளது. இந்திய விண்வெளி ஆய்வு நிறுவனம் (இஸ்ரோ) 386 கோடி ரூபாய் செலவில், நிலவுக்கு ஆளில்லா செயற்கைக்கோள் அனுப்பும் சந்திரயான்-1 திட்டத் தை உருவாக்கியது. ஸ்ரீஹரிகோட்டாவில் உள்ள சதீஷ் தவான் விண்வெளி மையத்தின் ராக்கெட் ஏவுதளத்திலிருந்து, பி.எஸ்.எல்.வி., - சி11 ராக்கெட் மூலமாக, சந்திரயான்-1 செயற்கைக்கோளை நேற்று காலை 6.22 மணிக்கு விண்ணில் செலுத்த திட்டமிடப்பட்டது. ஸ்ரீஹரிகோட்டாவில் சில நாட்களாக மழை பெய்துவந்த நிலையில், நேற்று காலையிலும் கனமழை பெய்தது. வானமும் கரும் மேகமூட்டத்துடன் காணப் பட்டது. ஆனால், ஸ்ரீஹரிகோட் டாவில் உள்ள இரண்டாவது ராக்கெட் ஏவுதளத்திலிருந்து, பி.எஸ்.எல்.வி., - சி11 ராக்கெட் திட்டமிட்டபடி, நேற்று காலை 6.20 மணிக்கு விண்ணில் செலுத்தப்பட்டது.

ஏவுதளத்திலிருந்து தீப்பிளம்புகளைக் கக்கிக்கொண்டு சீறிக் கிளம்பிய பி.எஸ்.எல்.வி., - சி11 ராக்கெட், திட்டமிட்டபடி தனது பணிகளைச் செய்து, பூமியிலிருந்து புறப்பட்ட 1,107வது வினாடியில் சந்திரயான்-1 செயற்கைக் கோளை அதன் சுற்றுப்பாதையில் செலுத்தியது. சந்திரயான்-1 செயற்கைக் கோள் வெற்றிகரமாக விண்ணில் செலுத்தப்பட்டதால் மகிழ்ச்சியடைந்த இஸ்ரோ விஞ்ஞானிகள் தங்களது சகாக்களுடன் வாழ்த் துக்களைப் பரிமாறிக்கொண்டனர். பூமியின் சுற்றுப்பாதையில் முதலில் விடப்படும் சந்திரயான் செயற்கைக்கோள் பூமியை சுற்றிவரும். இதன் பிறகு, சந்திரயான் செயற்கைக்கோள் நிலவின் சுற்றுப்பாதையில் சுற்றத் துவங்கும்.

சந்திரயான் செயற்கைக்கோள் இரண்டு ஆண்டுகள் சுற்றிவந்து, தனது ஆராய்ச்சிப் பணிகளை மேற்கொள்ளும். நவம்பர் 8ம் தேதி நிலவின் சுற்றுப்பாதையை சந்திரயான் செயற்கைக்கோள் அடையவுள்ளது. நிலவில் தாதுக் கள், வாயுக்கள், தண்ணீர் இருப் பது குறித்து சந்திரயான் செயற் கைக்கோள் ஆராயவுள்ளது இதுவரை அமெரிக்கா, ரஷ்யா, சீனா, ஜப்பான், ஐரோப் பிய விண்வெளி கழகம் ஆகிய ஐந்து நாடுகள் நிலவுக்கு செயற் கைக்கோள்களை அனுப்பியுள் ளன. சந்திரயான் செயற்கைக் கோளை நிலவுக்கு அனுப்புவதன் மூலம், நிலவுக்கு செயற் கைக்கோள் அனுப்பிய ஆறாவது நாடு என்ற பெருமையை இந்தியா பெறுகிறது. இதுவரை அமெரிக்கா, ரஷ்யா, ஜப்பான் ஆகிய மூன்று நாடுகள், நிலவுக்கு மனிதனை அனுப்புவது, செயற்கைக்கோள் அல்லது விண்கலனை அனுப்புவதன் மூலம் தங்கள் நாட்டு தேசியக்கொடியை நிலவில் காட்சியளிக்கச் செய்துள்ளன.

சந்திரயான் செயற்கைக்கோளில் உள்ள "மூன் இம்பாக்ட் புரோப்' (எம்.ஐ.பி.,) கருவி, நிலவின் மேற்பரப்பில் மோதி இறங்கவுள்ளது. இந்த கருவியில் இந்தியாவின் மூவர்ணக்கொடி பொறிக்கப்பட்டுள்ளது. இதன் மூலம் இந்தியாவின் மூவர்ணக் கொடியும் நிலவில் காட்சியளிக்கவுள்ளது.

அமெரிக்கா பாராட்டு:

இந்தியாவின் சந்திரமண்டலத்திற்கான கன்னிப்பயண திட்டத்திற்கு அமெரிக்கா பாராட்டு தெரிவித்திருக்கிறது. இது, அமைதித் திட்டத்திற்காக விண்வெளியை ஆய்வு செய்யம் இந்தியாவின் தொழில் நுட்பத் திறமைக்கு அடையாளம் என்று கூறியிருக்கிறது. இது குறித்து இந்தியாவின் அமெரிக்க தூதர் மல்போர்டு கூறுகையில், "சந்திரயான்-1 திட்டத்தில் தொடர்புடைய இரு முக்கியக்கருவிகள் அளித்ததில் அமெரிக்கா பங்கு இருக்கிறது. இந்த விண்கலப் பயணத்திற்கும் ஆய் வுக்கும் அமெரிக்க விஞ் ஞானிகள் அளித்த ஒத்துழைப்பு இருநாடுகளிடையே உள்ள நட்புறவின் அடை யாளம்' என்றார்.