தீபாவளி சீட்டு நடத்தி லட்சக்கணக்கில் மோசடி பெண் மீது கமிஷனரிடம் புகார்

**சிவா** · **சிவா** Fri Nov 19, 2010 6:05 pm

சென்னை வியாசர்பாடி அடுத்த மகாகவி பாரதியார் தெருவைச் சேர்ந்தவர் ரோஜாபாய்.இவர் கடந்த 3 ஆண்டுகளாக தீபாவளி-பொங்கல் சீட்டு நடத்தி வருகிறார்.இவர் தன்னிடம் தீபாவளி சீட்டு ஒன்றை ரூ.1000-க்கு வாங்கினால் ஒரு வருடத்திற்கு பிறகு ரூ.2 ஆயிரம் திருப்பி தருவதாக கூறினார்.

இதை உண்மை என்று நம்பி 100-க்கும் மேற்பட்டோர் ரோஜாபாயிடம் சீட்டுக்களை வாங்கினர். தேவகி என்பவர் 43 சீட்டுக்களை ரூ.43 ஆயிரம் கொடுத்து வாங்கினார்.

இந்த நிலையில் ரோஜா பாயிடம் சீட்டு கட்டியவர்கள் அவரிடம் பணத்தை திருப்பி கேட்டனர். அவர் திருப்பி தர மறுத்து விட்டார்.

இதையடுத்து தீபாவளி சீட்டு கட்டி ஏமாந்த பெண்கள் கமிஷனர் அலுவலகத்திற்கு திரண்டு வந்து ரோஜாபாய் மீது புகார் கொடுத்தனர்.

இதையறிந்த ரோஜாபாய் கமிஷனர் அலுவலகத்திற்கு வந்தார். அவரிடம் இதுபற்றி போலீசார் விசாரணை நடத்தி வருகிறார்கள்.

தேவகி கூறும்போது, ரோஜாபாய் தீபாவளி- பொங்கல் சீட்டு நடத்துவதில் லட்சக்கணக்கில் மோசடி செய்துள்ளார். அவரிடம் இருந்து எங்களது பணத்தை போலீசார் மீட்டு தர வேண்டும் என்றார்.

கலைவேந்தன் · கலைவேந்தன் Fri Nov 19, 2010 9:35 pm

பேராசை பிடித்த பேய்களுக்கு இதுவும் வேண்டும் ... இன்னமும் வேண்டும்...!

உழைத்தாலே உடம்பில் ஒட்டும் என்று பாடம் கற்பித்த ரோஜா பாய் வாழ்க..!

- மறுபக்கமாய் யோசிப்பவன்

தீபாவளி சீட்டு நடத்தி லட்சக்கணக்கில் மோசடி பெண் மீது கமிஷனரிடம் புகார்

தீபாவளி சீட்டு நடத்தி லட்சக்கணக்கில் மோசடி பெண் மீது கமிஷனரிடம் புகார்

Re: தீபாவளி சீட்டு நடத்தி லட்சக்கணக்கில் மோசடி பெண் மீது கமிஷனரிடம் புகார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக