தொலை தூரக் காதல்_082

ANTHAPPAARVAI · ANTHAPPAARVAI Fri Nov 19, 2010 6:26 pm

தொலை தூரக் காதல்:

அன்பே,
சின்னச் சின்ன சந்தத்தில்
உன் விழிகள் சிந்திய ராகத்தை
என் இதயத்தின்
வீணை நரம்புகளில் வடித்தெடுத்து
காதல் பூவனத்தில்
உலாவ விட்டிருந்தேன்....

அது காற்றில் கலந்து
மூங்கிலை உரசிச் சென்றபோது
இசையாக மாறி
தென்றலாக வெளிவந்ததது..!

அந்தத் தென்றல்
உன்னை உரசிய போது
ஏற்பட்ட காதல் மயக்கத்தில்
இந்த உலகமெல்லாம் சுற்றி
அலைந்து திரிகின்றது

நான் என்ன சொல்வேன்
என் உள்ளம் தவிக்கின்றது...

இரவின் ஒளியில்
மல்லிகையின் இதழ்களில்
தேங்கிய பனி மழையில்
நனைத்தெடுத்த எனது நினைவுகளை
கொள்ளையிட்டுச் சென்ற
அந்த பூந்தேன்றல் காற்று
என்னிடம் எப்போது திரும்பும்?

உன்னோடு பேசிக்கொண்டிருந்த
அந்த சில மணித்துளிகளில்
ஏதேதோ உணர்வுகள்
என் மனதில் தோன்றி மறைந்தன
அவற்றை எல்லாம்
உனக்குப் பிரியும் வகையில்
ஒரே வார்த்தையில் மொழி பெயர்த்து
சொல்ல எனக்குத் தெரியவில்லை.

ஒரு வேளை...

ஒரு வேளை...இதுதான் காதலா?

நீ எவ்வளவு தூரத்தில் இருந்தாலும்
என் இதயம் உன்னை நொடிப்பொழுதில்
தொட்டுவிடும்...
என்னுள் நீ...!!

பாடகன்

"அந்தப்பார்வை"

NITHYAA · NITHYAA Fri Nov 19, 2010 11:01 pm

யார் அந்த பாக்கியசாலி ?

கலைவேந்தன் · கலைவேந்தன் Fri Nov 19, 2010 11:10 pm

ம்ம்ம்... இன்னும் சங்கீதாவின் பதிவைக் காணோமே... சீக்கிரம் நீங்க போயி அவங்களை வரச்சொல்லுங்க நித்யா..! புன்னகை

NITHYAA · NITHYAA Fri Nov 19, 2010 11:21 pm

ம்ம்... கண்டிப்பாக சொல்கிறேன் தோழரே...

கலைவேந்தன் · கலைவேந்தன் Fri Nov 19, 2010 11:26 pm

அதுமட்டுமில்லை நித்யானந்தாஸ்வாமிகளே... நீங்களும் சங்கீதாவும் அந்த இயக்குனர்திலகமும் மூவரும் ஒன்றாக வந்து ஒரே நேரத்தில் பதிவிடும் நாளுக்காய்ப் பார்த்திருக்கிறோம்..!

ஒருவருக்கு ஒரு பயனர் ஐடி தான் என்பதை நீங்கள் ’’மூன்று’’ பேருமே உணரவேண்டும்..! அதுதான் உங்களுக்கு நல்லது..!

**ரிபாஸ்** · **ரிபாஸ்** Sat Nov 20, 2010 9:38 am

சூப்பர் நண்பா அருமையாக இருக்கின்றது

புவனா · புவனா Mon Nov 22, 2010 7:47 pm

"நீ எவ்வளவு தூரத்தில் இருந்தாலும்
என் இதயம் உன்னை நொடிப்பொழுதில்
தொட்டுவிடும்...
என்னுள் நீ...!!"

கவிதை அருமை

கலை அண்ணா யார் அந்த சங்கீதா...

ANTHAPPAARVAI · ANTHAPPAARVAI Mon Nov 22, 2010 7:59 pm

"சங்கீதா"
என் பக்கத்து வீட்டுப்பெண். நாங்கள் இருவரும் தமாசாக செய்த காரியம் எனக்கு எச்சரிக்கை புள்ளிகளைப் பெற்றுத்தந்துள்ளது.
அவள் சின்னப்பெண், அவள் பெயர் கணினியில் வரவேண்டும் என்பதற்காக அப்படி செய்தாள். நித்யாவும் அவள்தான். எங்கள் குடும்பத்தோடு
செய்த விளையாட்டு வினையாகிப்போனது......

Sponsored content · Sponsored content

தொலை தூரக் காதல்_082

தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

Re: தொலை தூரக் காதல்_082

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக