இலங்கை சரக்கு கப்பலை தாக்கி அழித்தனர் விடுதலை புலிகள்

கொழும்பு : இலங்கையில் சரக்கு கப்பல் ஒன்றை விடுதலை புலிகள் தற்கொலை படை தாக்குதல் நடத்தி அழித்துள்ளனர். இலங்கையின் வட பகுதியில் உள்ள, ஜாப்னா பகுதியில், விடுதலை புலிகள் வெடிப்பொருட்கள் நிரம்பிய படகு ஒன்றை இலங்கை சரக்கு கப்பலை மோதி வெடிக்கச் செய்தனர். இதுவரை எத்தனை பேர் உயிரிழந்தனர் என்ற தகவல் கிடைக்கவில்லை.

யாழ்ப்பாணம் காங்கேசன்துறைத் துறைமுகத்தில் தமிழீழ கடற் புலிகளின் தாக்குதலில் சிறீலங்காப் கடற்படையினருக்குச் சொந்தமான படையினருக்கான இரு வழங்கல் கப்பல்கள் மீத கடற்கரும்புலிகளது மூன்று படகுகள் தாக்குதல்கள் நடத்தியுள்ளதாக தெரியவருகின்றது.
இன்று புதன்கிழமை அதிகாலை 5 மணியளவில் காங்கேசன்துறைத் துறைமுகத்தில் வைத்து தரித்து நின்ற ருகுண (Ruhuna), நிமலவா (Nimalawa) ஆகிய இரு கப்பல்கள் மீது கடற்கரும்புலிகளது மூன்று படகுகள் தாக்குதல்கள் நடத்தியுள்ளதாக தெரியவருகின்றது.

கடற்கரும்புலிப் படகுகளை அவதானித்த கடற்படையினர் கனோன் மற்றும் கனரக துப்பாகிகளினால் தாக்குதல் நடத்திய போதும், இரு கப்பல்கள் மீதும் தாக்குதல் நடத்தப்பட்டுள்ளதாகத் தெரிவிக்கப்பட்டுள்ளது. பின்னர் நிமலவா என்ற வழங்கல் கப்பல் மீது தாக்குதல் நடத்தப்பட்டுள்ளது. இதில் நிமலவா கப்பல் கடுமையாகச் சேதடைந்துள்ளதாக படையினர் தெரிவித்துள்ளனர்.

யாழ் குடாநாட்டில் உள்ள படையினருக்குத் தேவையான படைத்துறைத் தளபாடங்கள் கொழும்பிலிருந்து காங்கேசன்துறைத் துறைமுகத்திற்கு இக் கப்பல்கள் மூலம் கொண்டு செல்லப்பட்டமை தெரியவந்துள்ளது.

இத்தாக்குதல்கள் குறித்து விடுதலைப் புலிகளின் தரப்பிலிருந்து இதுவரை உத்தியோகபூர்வ தகவல்களும் வெளிவரவில்லை.எனினும், பாரிய வெடிச் சத்தங்களைத் தொடர்ந்து வடமராட்சியில் இருந்து படையினர் தாக்குதலை நடத்தியதாகவும், இரு பகுதியினருக்கும் இடையில் தொடர்ச்சியாக துப்பாக்கி வேட்டக்கள் தீர்க்கப்பட்டதாகவும் மீனவர்கள் தெரிவித்துள்ளனர்.

இச்சம்பவம் தொடர்பில் கருதர்து வெளியிட்ட சிறீலங்கா கடற்படை பேச்சாளர் டிகேபி.தசநாயக்க, காங்கேசன்துறை மயிலிட்டி கடற்பரப்பில் சென்று கொண்டிருந்த விநியோகக் கப்பல்களான றுகுண, நிமலவ ஆகியவற்றினை இலக்கு வைத்து இன்று புதன்கிழமை அதிகாலை விடுதலைப் புலிகளின் மூன்று தற்கெ?hலைப் படகுகள் தாக்குதல் நடத்தின என்றும் இதில் ஒரு கப்பலுக்கு சிறிய சேதம் ஏற்பட்டுள்ளது. மற்றைய கப்பலுக்கு எதுவித சேதங்களும் ஏற்படவில்லை. விடுதலைப் புலிகளின் தாக்குதல் முயற்சியினை முடியடித்துள்ளோம் என்றார் அவர்.