தமிழ் அறிஞர்கள் விருது பெற தகுதியுள்ளவர்கள் விண்ணப்பிக்கலாம்!

**சிவா** · **சிவா** Thu Nov 18, 2010 11:17 am

தமிழ் அறிஞர்கள் விருது பெற தகுதியுள்ளவர்கள் விண்ணப்பிக்கலாம்! 25-ந் தேதி கடைசி நாள்

நெல்லை, நவ.18- தமிழ் அறிஞர்கள் விருது பெற தகுதி உள்ளவர்கள் வருகிற 25-ந் தேதிக்குள் விண்ணப்பிக்க வேண்டும்.

இது குறித்து நெல்லை மாவட்ட கலெக்டர் மு.ஜெயராமன் வெளியிட்டுள்ள அறிக்கையில் கூறி இருப்பதாவது:-

விருதுகள்

தமிழக அரசால் ஆண்டுதோறும் தமிழ் சான்றோர்கள், தமிழ்மொழி காத்து வளர்த்த பெருந்தகையாளர்கள், தமிழ்க்கவி பாரதியின் புகழ் பரப்புவோர், தமிழ் சமுதாய பகுத்தறிவு புத்தொளிïட்டுவோர், சமத்துவ சிந்தனைïட்டும் சமூக நீதியாளர்கள், தமிழ் சமுதாயம் கல்வி எனும் கைவிளக்கேந்தி முன்னேற வழி வகுக்கும் பெருந்தகையாளர்கள், சாதி மத பொருளாதார வேறுபாடுகள் களைந்து தமிழ் பண்பாட்டு பெருமைகள் தழைத்தோங்க பாடுபடுவோர், தாழ்த்தப்பட்ட சமுதாய மக்கள் முன்னேற பாடுபடுவோர் ஆகியோருக்கு முறையே கீழ்க்கண்ட விருதுகள் வழங்கப்படுகின்றன.

தமிழ் தென்றல் திரு.வி.க. விருது, முத்தமிழ் கலைஞர் கி.ஆ.பெ.விஸ்வநாதன் விருது, மகாகவி பாரதி விருது, புரட்சி கவிஞர் பாவேந்தர் பாரதிதாசன் விருது, தந்தை பெரியார் விருது, பெருந்தலைவர் காமராஜர் விருது, பேரறிஞர் அண்ணா விருது, அண்ணல் அம்பேத்கார் விருது.

25-ந் தேதிக்குள்....

மேற்படி விருதுகள் பெற தகுதியானவர்கள் தங்களின் சேவைகள், செயல்பாடுகள் குறித்த சுயகுறிப்புகளுடன் கூடிய ஆவணங்களை வருகிற 25-ந் தேதிக்கு முன்னதாக மாவட்ட கலெக்டர் அலுவலகத்தில் ஒப்படைக்குமாறு கேட்டுக்கொள்ளப்படுகிறார்கள்.

இவ்வாறு கலெக்டர் மு.ஜெயராமன் அதில் தெரிவித்துள்ளார்.

தமிழ் அறிஞர்கள் விருது பெற தகுதியுள்ளவர்கள் விண்ணப்பிக்கலாம்!

தமிழ் அறிஞர்கள் விருது பெற தகுதியுள்ளவர்கள் விண்ணப்பிக்கலாம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக