ஸ்பெக்ட்ரம் முறைகேடு: 85 நிறுவனங்களின் அனுமதி ரத்தாகிறது

ஸ்பெக்ட்ரம் விவகாரம் தொடர்பாக மத்திய தணிக்கை துறை வெளியிட்ட அறிக்கை நேற்று பாராளுமன்றத்தில் தாக்கல் செய்யப்பட்டது. அதில் பல்வேறு முறைகேடுகள் குறித்து சுட்டிக் காட்டப்பட்டு உள்ளன. ஒதுக்கீட்டில் நடந்த தவறால் ரூ. 1 லட்சத்து 75 ஆயிரம் கோடி வரை இழப்பு ஏற்பட்டுள்ளது. பிரதமர் அலுவலகம், நிதித்துறை, தொலை தொடர்பு ஒழுங்கு முறை ஆணையம் வழங்கிய ஆலோசனைகள் மீறப்பட்டுள்ளன எனவும் அதில் கூறப்பட்டுள்ளது.

2-ஜி ஸ்பெக்ட்ரம் ஒதுக்கீடு மொத்தம் 122 பேருக்கு வழங்கப்பட்டு இருந்தது. இதில் 85 நிறுவனங்கள் தகுதி இல்லாத நிறுவனங்கள் என்று மத்திய தணிக்கை துறை கூறியுள்ளது.

சில நிறுவனங்கள் முறைப்படி விண்ணப்பிக்கவில்லை. சிறு நிறுவனங்கள் தவறான தகவல்களை கொடுத்து இருந்தன. வேறு சில நிறுவனங்கள் விண்ணப்பிக்க தகுதியற்று நலி வடைந்தவையாக இருந்தன. ஆனாலும் இந்த நிறுவனங்களுக்கு ஸ்பெக்டரம் ஒதுக்கீடு செய்யப்பட்டு இருந்தது.

அனைத்து விண்ணப்பங்களுமே சரியாக இருக்கிறதா? தகுதி இருக்கிறதா? என்று அதிகாரிகள் குழுவால் ஆய்வு செய்யப்பட்டது. இந்த ஆய்வும் முறையாக நடக்கவில்லை. ஏனோ தானோ என்று ஆய்வு நடந்து இருக்கிறது என தணிக்கை துறை சொல்லி இருக்கிறது.

13 நிறுவனங்கள் போலி ஆவணங்களை கொடுத்து விண்ணப்பித்து இருந்தன. அதையும் கூட ஆய்வு செய்தவர்கள் கண்டு பிடித்து சொல்லவில்லை.

விண்ணப்பங்களை ஆய்வு செய்வதற்கு போதிய ஆட்கள் நியமிக்காததும், அனுபவம் உள்ளவர்களை நியமிக்காததும்தான் இதற்கு காரணம் என்றும் தணிக்கை துறை கூறியுள்ளது. இந்த தவறுக்கு அதிகாரிகளும் முக்கிய காரணம் என்றும் தணிக்கை துறை குற்றஞ்சாட்டி இருக்கிறது.

எனவே தகுதி இல்லாத 85 நிறுவனங்களுக்கும் வழங்கப்பட்ட லைசென்சை ரத்து செய்ய தொலை தொடர்பு துறை முடிவு எடுத்து உள்ளது. இதுபற்றி சட்ட நிபுணர்களுடன் டெலிபோன் துறை ஆலோசனை நடத்தி வருகிறது. தணிக்கை அதிகாரிகளிடமும் ஆலோசனை நடக்கிறது.

முதலில் 85 நிறுவனங்களுக்கும் விளக்கம் கேட்டு நோட்டீசு அனுப்பப்படுகிறது. இதை தொடர்ந்து மேல் நடவடிக்கைகள் எடுக்கப்படுகின்றன.

லைசென்சு பெற்ற சில நிறுவனங்கள் அதற்குரிய கட்டணங்களை செலுத்தாமல் உள்ளன. நிபந்தனை படி இந்த நிறுவனங்களின் உரிமத்தையும் ரத்து செய்ய உள்ளனர்.

ஸ்பெக்ட்ரம் முறைகேட்டில் ரிலையன்ஸ் தொலை தொடர்பு நிறுவனம் சம்பந்தப்பட்டு உள்ளது தெரிய வந்துள்ளது.

ரிலையன்ஸ் நிறுவனம் “ஸ்வான்” என்ற பினாமி நிறுவனம் பெயரில் விண்ணப்பித்து உள்ளது. இதில் முழுமையான தகவல்கள் பூர்த்தி செய்யப்படவில்லை. தவறான தகவல்களும் கொடுக்கப்பட்டு இருந்தன. மேலும் ஸ்பெக்ட்ரம் ஒதுக்கீட்டை பெற விதித்திருந்த நிபந்தனைபடி இந்த நிறுவனத்துக்கு உரிமம் பெற தகுதி இல்லை. ஆனாலும் ஒதுக்கீடு செய்யப்பட்டு இருந்தது. எனவே இந்த நிறுவன உரிமமும் ரத்து செய்யப்படலாம்.


மாலைமலர்!

நிறுவனகள் இருக்கட்டும் இதுக்கு காரணமான ராசா மேல என்ன நடவடிக்கை

maniajith007 wrote:நிறுவனகள் இருக்கட்டும் இதுக்கு காரணமான ராசா மேல என்ன நடவடிக்கை

மொதல்ல அந்த நிறுவனங்களின் உரிமத்தை ரத்து செய்யணும் மணி , அப்ப தான் திருடனுக்கு தேள் கொட்டுன மாதிரி . கொடுத்த லஞ்ச பணத்தை சொல்லவும் முடியாம முழிப்பானுங்க

ராஜா wrote:

maniajith007 wrote:நிறுவனகள் இருக்கட்டும் இதுக்கு காரணமான ராசா மேல என்ன நடவடிக்கை

மொதல்ல அந்த நிறுவனங்களின் உரிமத்தை ரத்து செய்யணும் மணி , அப்ப தான் திருடனுக்கு தேள் கொட்டுன மாதிரி . கொடுத்த லஞ்ச பணத்தை சொல்லவும் முடியாம முழிப்பானுங்க

அது சரிண்ணே அப்போ இவங்களுக்கும் ராசாவுக்கும் என்ன தொடர்பு எவ்வளவு பணம் கை மாறிச்சின்னு எப்படி தெரியும்