ஸ்பெக்ட்ரம் பிரச்சினை ராசா மீது கிரிமினல் வழக்கு தொடருவேன்; சுப்பிரமணியசாமி அறிவிப்பு

ஜனதா கட்சி தலைவர் சுப்பிரமணியசாமி 2008-ம் ஆண்டு நவம்பர் 20-ந்தேதி பிரதமர் மன்மோகன் சிங்குக்கு ஒரு கடிதம் எழுதினார்.

அதில், ஸ்பெக்ட்ரம் முறைகேடு குறித்து மத்திய மந்திரி ஆ. ராசா மீது வழக்கு தொடர அனுமதி கேட்டு இருந்தார். ஆனால் அது குறித்து நடவடிக்கை எடுக்க தாமதம் ஏற்பட்டது. இதற்கு காரணம் என்ன என்று சுப்ரீம் கோர்ட்டு கேள்வி கேட்டுள்ளது.

இது குறித்து சுப்பிரமணியசாமி அளித்துள்ள பேட்டியில் கூறி இருப்பதாவது:-

நான் லஞ்ச ஒழிப்பு கோர்ட்டில் ராசா மீது கிரிமினல் வழக்கு தொடர இருக்கிறேன். அவர் கிரிமினல் குற்றம் செய்ததற்கான பல்வேறு காரணங்கள் உள்ளன.

நான் ஏற்கனவே ராசா மீது வழக்கு தொடர பிரதமரிடம் அனுமதி கேட்டு இருந்தேன். பல்வேறு ஆதாரங்களையும் அனுப்பி இருந்தேன். அதைக்கொண்டு ராசா மீது ஏன் நடவடிக்கை எடுக்கவில்லை என்று சுப்ரீம் கோர்ட்டு கேள்வி எழுப்பி இருக்கிறது. நான் பிரதமர் அலுவலகத்துக்கு இதுவரை 6 கடிதங்கள் அனுப்பி உள்ளேன். ஆனால் அவை நிராகரிக்கப்பட்டுள்ளன.

2008-ம் ஆண்டு நவம்பர் 20-ந்தேதி நான் பிரதமர் அலுவலகத்துக்கு கடிதம் எழுதினேன். ஆனால் 2010-ம் வருடம் மார்ச் 19-ந்தேதி அந்த அலுவலகத்தில் இருந்து ஒரு கடிதம் வந்தது. அதில் சி.பி.ஐ. விசாரணை நடைபெறுகிறது. எனவே உங்கள் புகார் ஏற்கப்படவில்லை என்று குறிப்பிடப்பட்டிருந்தது.

இவ்வாறு சுப்பிரமணியசாமி கூறினார்.

இன்னும் 10 நாட்களில் ராசா மீது கிரிமினல் வழக்கு தொடரப்படலாம் என்று கூறப்படுகிறது

மாலைமலர்!

சுப்ரமணிய சாமியும் எவ்வளவு நாள் தான் சும்மா வீட்லயே உக்கார்ந்துஇருப்பார்

அரசியலில் ஒரு காமெடியர் என்றால் அதில் முதலிடத்தில் இருப்பவர் சு.சாமிதான்! அதனால் இவரது பேச்சை யாரும் கண்டுகொள்ளமாட்டார்கள்!

எவ்வளவு சீரியஸ் ஆகா இந்த பிரச்சினை போய் கொண்டு இருக்கிறது , இப்ப எதுக்க இந்த ஆள் வந்து இத காமடியா ஆக்க பாக்குறான்.

ராஜா wrote:எவ்வளவு சீரியஸ் ஆகா இந்த பிரச்சினை போய் கொண்டு இருக்கிறது , இப்ப எதுக்க இந்த ஆள் வந்து இத காமடியா ஆக்க பாக்குறான்.

இப்போத்தான் படம் நல்லாயிருக்கு விடுங்கண்ணே அடுத்தது பாடல் காட்சிதானே