தலைவர்களின் ப‌க்‌ரீ‌த் வா‌ழ்‌த்துகள்!

பொறாமை கொள்ளாதீர்: கருணா‌நி‌தி ப‌க்‌ரீ‌த் வா‌ழ்‌த்து



''மக்கள் பகையை உணர்வில்லாது ஒற்றுமையுடன் வாழ வேண்டும் என்பதை நீங்கள் ஒருவருக்கொருவர் பொறாமை கொள்ளாதீர்கள்'' எ‌ன்று முதலமைச்சர் கருணாநிதி பக்ரீத் வாழ்த்து தெ‌ரி‌‌வி‌த்து‌ள்ளா‌ர்.

இது தொட‌ர்பாக அவ‌ர் இ‌ன்று வெ‌ளி‌யி‌ட்டு‌ள்ள வா‌ழ்‌த்துச் செய்தியில், தியாகத் திருநாள் எனும் பக்ரீத் பெருநாள் இஸ்லாமிய சமுதாய மக்களால் 17.11.2010 புதன்கிழமையன்று நாடெங்கும் கொண்டாடப்படுகிறது.

பேரறிஞர் அண்ணா, இஸ்லாம் என்பது ஒரு மதமல்ல, ஒரு சிறந்த மார்க்கம். முகம்மது நபிகள் ஒரு மார்க்கத்தை உண்டாக்கியது மட்டுமல்ல, தவறான குருட்டு நம்பிக்கையிலே சிக்கிக் கிடந்தவர்களை விடுவித்துக் காப்பாற்றி, நல்லதொரு சமுதாயத்தையும் உருவாக்கினார், அதற்கான ஒரு நல்ல அரசியலையும் ஏற்படுத்தினார் என்று இஸ்லாம் குறித்துக் கூறியுள்ளார்.

அந்த இஸ்லாம் மார்க்க வாயிலாக, மனித குலம் அறிந்திருந்த அனைத்து நற்பண்புகளை விடவும் மிக உன்னதமான பண்புகளைக் கற்றுக் கொடுத்த நபிகள் நாயகம், தாய் தந்தைக்கு நன்றி செய்யுங்கள், அவ்வாறே உறவினர்களுக்கும், அனாதைகளுக்கும், ஏழைகளுக்கும், அண்டை வீட்டாருக்கும், எப்பொழுதும் உங்களுடனிருக்கும் சிநேகிதர்களுக்கும், பிரயாணிகளுக்கும், உங்களிடமுள்ள பணியாளர்களுக்கும் அன்புடன் நன்றி செய்யுங்கள் என்று கூறி, மனிதர்கள் அனைவரிடமும் மனித நேயத்தை வளர்த்திடப் பாடுபட்டார்.

மக்கள் பகையை உணர்வில்லாது ஒற்றுமையுடன் வாழ வேண்டும் என்பதை நீங்கள் ஒருவருக்கொருவர் தண்டித்து வாழாதீர்கள், பிணங்கிக் கொள்ளாதீர்கள், கோபப்படாதீர்கள், பொறாமை கொள்ளாதீர்கள் என்று அறிவுறுத்தினார்.

நபிகள் பெருமானார் வலியுறுத்திய இத்தகைய இயல்பான, அமைதியான மனித சமுதாய மேம்பாட்டிற்குரிய அறநெறிகளைப் பின்பற்றி வாழும் இஸ்லாமிய மக்கள் அனைவரும் கல்வியில், தொழிலில், பொருளாதாரத்தில் மேலும் மேலும் முன்னேற்றம் காண எனது உளமார்ந்த பக்ரீத் திருநாள் நல்வாழ்த்துக்களைத் தெரிவித்து மகிழ்கிறேன் எ‌ன்று கருணா‌நி‌தி கூறியுள்ளார்.

ப‌க்‌ரீ‌த் ‌‌திருநா‌ள்: வைகோ வா‌ழ்‌த்து



ப‌க்‌‌ரீ‌த் ‌‌திருநாளையொ‌ட்டி ம.‌தி.மு.க. பொது‌ச் செயல‌ர் வைகோ வா‌ழ்‌த்து தெ‌ரி‌வி‌த்து‌ள்ளா‌ர்.

இது தொட‌ர்பாக அ‌வ‌ர் இ‌ன்று வெ‌ளி‌யி‌ட்டு‌ள்ள வா‌ழ்‌‌த்து‌ச் செ‌ய்‌தி‌யி‌ல், இ‌ன்று ஈது‌ல் அ‌ல்ஹா என‌ப்படு‌ம் ப‌க்‌ரீ‌த் ப‌ண்டிகை பாரெ‌ங்கு‌ம் ‌சீருட‌ன் கொ‌ண்டாட‌ப்படு‌கி‌ன்றது. ஈக‌த் ‌திருநாளா‌ம் ‌இ‌ந்த‌த் ‌திருநா‌ளி‌ல் கொ‌ண்ட ஈமானு‌க்காக‌த் தா‌ம் தவ‌மிரு‌ந்து த‌ள்ளாத வய‌தி‌ல் பெ‌ற்ற ஒரே ‌பி‌ள்ளையை அறு‌த்து‌ப் ப‌லி‌யிட‌த் து‌ணி‌ந்த ந‌பி இ‌ப்றா‌கீ‌ம் (அலை) ‌மி‌ன் ‌தியாக‌த்தை ஐயா‌யி‌ர‌ம் ஆ‌ண்டுகளு‌க்கு‌ப் ‌பி‌ன்பு‌ம் வையக‌ம் எ‌ன்று‌ம் ‌‌நினைவு கூ‌ர்‌ந்‌திடு‌ம் ப‌ண்பு போ‌‌ற்ற‌த் தகு‌ந்ததாகு‌ம்.

இ‌ந்நா‌ளி‌ல் ம‌க்கமா நக‌ரி‌ன் அரபா‌த் பெருவ‌ழி‌யி‌ல், ஜா‌தி, மத, இன, மொ‌ழி, நாடு, ‌நில‌ம் எ‌‌ன்னு‌ம் வர‌ப்புகளை‌த் தக‌ர்‌த்தபடி '''ஒ‌ன்றே குல‌ம், ஒருவனே தேவ‌ன்''; ''யாது‌ம் ஊரே யாவரு‌ம் கே‌ளி‌ர்'' எ‌ன்ற ம‌னிதநேய நெ‌றி மல‌ர்‌ச்‌சியுறு‌ம் கா‌ட்‌சி ம‌னிதகுல மா‌ட்‌சி‌க்கு‌ச் சா‌ட்‌சியமா‌கிறது.

ஐ‌ம்பெரு‌ம் கடமைக‌ளி‌ல் இறு‌தி‌க் க‌டமையான 'பு‌னித ‌ஹ‌ஜ்' பயண‌த்தை ‌நிறைவு செ‌ய்யு‌ம் இ‌ப்பு‌னித ந‌ன்னா‌ளி‌ல் ம‌னிதகுல‌ம் தழை‌க்க சமய ந‌ல்‌லிண‌க்க‌ம் பேணவு‌ம் சமூக ஒ‌‌ற்றுமை செ‌ழி‌க்கவு‌ம் உறு‌தி பூணுவோ‌ம் எ‌ன்று சூளுரை‌ப்போ‌ம்.

ப‌க்‌ரீ‌த் ‌விழா காணு‌ம் வேளை‌யி‌ல் ‌விரு‌‌ந்தோ‌ம்பலையு‌ம் கால‌ங்காலமாக‌க் கடை‌பிடி‌த்து வரு‌ம் இ‌ஸ்லா‌மிய‌ப் பெரும‌க்களு‌க்கு ம.‌தி.மு.க. சா‌ர்‌பி‌ல் எ‌ன் இதய வா‌ழ்‌த்து‌களை‌த் த‌ெ‌ரி‌வி‌த்து‌க் கொ‌ள்வ‌தி‌ல் ம‌ட்ட‌ற்ற ம‌கி‌ழ்‌ச்‌சி அடை‌கிறே‌ன்'' எ‌ன்று வைகோ கூ‌றியு‌ள்ளா‌ர்.

பக்ரீத் பண்டிகை: ஆளுநர், ஜெயல‌லிதா வாழ்த்து



பக்ரீத் பண்டிகையை முன்னிட்டு ஆளுநர் பர்னாலா, அ.இ.அ.தி.மு.க பொதுச்செயலர் ஜெயலலிதா, தமிழக காங்கிரஸ் தலைவர் தங்கபாலு ஆகியோர் வாழ்த்து தெரிவித்துள்ளனர்.

ஆளுநர் ப‌ர்னாலா வெ‌ளி‌யி‌ட்டு‌ள்ள வா‌ழ்‌த்து‌ச் செ‌ய்‌தி‌யி‌ல், பக்ரீத் பண்டிகையை முன்னிட்டு தமிழகத்தில் உள்ள இ‌ஸ்லா‌மிய சகோதர, சகோதரிகளுக்கு இதயம்கனித்த நல்வாழ்த்துகளை தெரிவித்துக்கொள்வதாக குறிப்பிட்டுள்ளார்.

அ.இ.அ.‌தி.மு.க. பொது‌ச் செயல‌ர் ஜெயலலிதா வெ‌ளி‌யி‌ட்டு‌ள்ள வா‌ழ்‌த்து‌ச் செ‌ய்‌தி‌யி‌ல், 'எல்லாப் புகழும் இறைவனுக்கே' என்ற உன்னத தத்துவத்தை உணர்த்தும் 'பக்ரீத்' திருநாளை மகிழ்ச்சியுடன் கொண்டாடும் இஸ்லாமிய சகோதர, சகோதரிகள் அனைவருக்கும் அன்பான பக்ரீத் நல்வாழ்த்துகளை தெரிவித்துக் கொள்வதில் மிகவும் மகிழ்ச்சி அடைவதாக தெரிவித்துள்ளார்.

த‌மிழக கா‌ங்‌கி‌ர‌ஸ் தலைவ‌ர் கே.‌வி.தங்கபாலு வெ‌ளி‌யி‌ட்டு‌ள்ள வா‌ழ்‌த்து‌ச் செ‌ய்‌தி‌யி‌ல், ''இப்புனித நாளில் அனைத்து இஸ்லாமிய சகோதர, சகோதரிகளுக்கும் தமிழக காங்கிரஸ் சார்பில் பக்ரீத் வாழ்த்துகள்'' எ‌ன்று தெரிவித்துள்ளார்.

விடுதலைச் சிறுத்தைகள் கட்சித் தலைவர் தொல்.திருமாவளவன் வெளியிட்டுள்ள வாழ்த்துச் செய்தியில், உலகம் தழுவிய அளவில் இசுலாமியப் பெருங்குடி மக்களால் போற்றப்படும் பெருநாளான ஈகைத் திருநாளாம் பக்ரீத் நாளில் இசுலாமியர் அனைவருக்கும் விடுதலைச் சிறுத்தைகளின் நெஞ்சார்ந்த வாழ்த்துகள்.

மானுடத்தை மேம்படுத்த அன்பையும், அமைதியையும், சமாதானத்தையும், சமத்துவத்தையும் உலகுக்குப் போதித்த புனிதப் பெருமான் முகமது நபி அவர்களின் வருகைக்கு முன்பே போற்றப்பட்ட பெருநாள்தான் பக்ரீத் பெருநாளாகும். தன் வாழ்வில் நேர்ந்த சோதனைகளை எல்லாம் நெஞ்சுரத்தோடு எதிர்கொண்ட இப்ராஹிம் நபி அவர்கள், ஏற்றுக்கொண்ட கொள்கைகளுக்காக தன் மகன் இஸ்மாயில் நபி அவர்களையே பலியிடத் துணிந்தபோது ஆண்டவன் அதனைத் தடுத்தாட்கொண்டு மகனுக்குப் பதிலாக ஆட்டுக்கடாவைப் பலியிட ஆணையிட்டதாகவும், அதுவே குர்பானி என்னும் பெயரில் இன்றும் இந்த பக்ரீத் நாளில் ஆட்டுக்கடாவைப் பலியிடும் பழக்கத்தை இஸ்லாமியர்கள் கடைப்பிடிப்பதாகவும் நம்பப்படுகிறது.

அல்லாஹ்வின் சோதனைகளைத் தாங்கும் நெஞ்சிறுதியும் தன் மகனையே தியாகம் செய்ய முன்வந்த தியாக உணர்வும் இப்ராஹ‌ிம் நபி அவர்களிடத்தில் மேலோங்கியிருந்ததை முகமது நபி உட்பட இஸ்லாமிய பேரினம் நினைவு கூர்ந்து போற்றி வருகிறது என்பது பக்ரீத் நாளின் மகிமையும் பெருமையும் ஆகும்.

அத்தகைய போற்றுதலுக்குரிய தியாகத் திருநாளில் ஐம்பெரும் கடமைகளில் ஒன்றான ஹஜ் என்னும் புனித மெக்கா பயணத்தை மேற்கொள்ளும் ஹாஜிகள் உள்ளிட்ட இஸ்லாமியர் யாவருக்கும் எமது ஈகைத் திருநாள் வாழ்த்துக்களைத் தெரிவித்துக்கொள்வதுடன் அனைவரும் தியாகத்தைப் போற்றவும், கொள்கைக்காக தியாகத்தைச் செய்யவும் பக்குவம் பெற உறுதியேற்போம் எ‌ன்று திருமாவளவன் கூறியுள்ளார்.

உறவுகளுக்கு என் இனிய ப‌க்‌ரீ‌த் வா‌ழ்‌த்துகள்! :suspect: :suspect:

புவனா wrote:உறவுகளுக்கு என் இனிய ப‌க்‌ரீ‌த் வா‌ழ்‌த்துகள்!

இங்கு வாழ்த்துக் கூறியதன் மூலம் நீங்களும் தலைவர்கள் வரிசையில் இடம் பிடித்துவிட்டீர்கள் புவி!

ஆமாம் ஆமாம்...