20-ம் நூற்றாண்டின் ஈடு இணையற்ற இசையமைப்பாளர் எம்.எஸ்.விஸ்வநாதன்

**krishnaamma** · **krishnaamma** Sun Nov 14, 2010 8:41 pm

20-ம் நூற்றாண்டின் ஈடு இணையற்ற இசையமைப்பாளர் எம்.எஸ். விஸ்வநாதன் என்று கவிஞர் வாலி புகழாரம் சூட்டினார்.கவிஞர்வாலி எழுதிய திரையிசைப் பாடல்களில் தேர்ந்தெடுக்கப்பட்ட ஆயிரம் பாடல்களின்தொகுப்பான "வாலி - 1000' என்ற நூலின் வெளியீட்டு விழா, கவிஞர் வாலியின்80-வது பிறந்தநாள் விழா ஆகியவை சென்னையில் சனிக்கிழமை நடைபெற்றது.

நல்லிகுப்புசாமி செட்டியார் தலைமையில் நடைபெற்ற இந்த விழாவில், நடிகர்கமல்ஹாசன் நூலினை வெளியிட இயக்குநர் ஷங்கர் பெற்றுக் கொண்டார்.விழாவில் வாலி பேசிய ஏற்புரை:கற்பனைஎன்றாலும், கற்சிலை என்றாலும் கந்தனே உன்னை மறவேன்... என்ற எனது பாடல்இன்றும் உயிரோட்டமாய் இருப்பதற்கு பாடகர் டி.எம். சௌந்தரராஜன் தான்காரணம். என்னைப் பாராட்ட இங்கே பலர் வந்திருக்கிறார்கள்.அவர்களுக்கெல்லாம் நன்றி.எனது மனைவி இறந்த முதல் ஆண்டு நினைவுநாளன்று ரஜினிகாந்தின் மகள் திருமணம் நடைபெற்றதால் என்னால் செல்லமுடியவில்லை. எல்லாம் வல்ல முருகன் அருளால் நீடூழி வாழ்க என்று அந்தமணமக்களை மனதால் வாழ்த்தினேன்.கமல்ஹாசன் கலைஞானி மட்டுமல்ல.

கவிஞானியும்கூட. தமிழை சரியாக உச்சரிக்கத் தெரிந்தவர். டி.கே. சகோதரர்கள்குழுவில் இருந்து கலை உலகுக்கு வந்தவர். மொழியை உச்சரிக்க தெரியாதவர்கள்அங்கிருந்து வர முடியாது. அந்த வளவுக்கு வரம் - சக்தி அவருக்கு உண்டு.இந்தநிகழ்ச்சியை முடிவு செய்ததும் முதலில் சரோஜா தேவியைத்தான் அழைத்தேன்.சொன்னதும் மகிழ்ச்சியோடு வந்திருக்கிறார். "படகோட்டி' படத்தில் நான்எழுதிய பாடல்கள் இன்றும் உயிரோட்டமாய் இருப்பதற்கு அவர்தான் காரணம்.இந்தவிழாவுக்கான அழைப்பிதழை கமலிடம் கொடுக்க நேரம் கேட்டபோது என் வீட்டுக்கேவந்து அழைப்பிதழை பெற்றுக் கொண்டார். இங்குள்ளவர்கள் யாரும் வெற்றியைமண்டைக்குள் ஏற்றிக் கொண்டவர்கள் இல்லை.

அதே போல் தோல்வியையும் மனதுக்குள்போட்டுக் கொள்ள கூடாது. ரஜினி, கமல் போன்றவர்கள் புகழின்உச்சியில் இருப்பதற்கு காரணம் அவர்கள் வேர்களை மறக்காததுதான். எனக்குஇன்று இருக்கும் பணம், வசதிகள் அனைத்துக்கும் எம்.எஸ். விஸ்வநாதன் போட்டபிச்சையே காரணம். 20-ம் நூற்றாண்டின் ஈடு இணையற்ற இசையமைப்பாளர் எம்.எஸ்.வி.தான். அவருக்கு நிகரான ஒரு ஆள் இன்னும் பிறக்கவில்லை. கமல்,ரஜினி ஆகியோர் தமிழ் சினிமாவின் தரத்தை உயர்த்தி வருகிறார்கள்.ஆறிலிருந்து அறுபது வரை, எங்கேயோ கேட்ட குரல் ஆகிய படங்கள் ரஜினியின்நடிப்புக்கு சிறந்த உதாரணம்.என்னை பாராட்ட வந்தவர்கள், பாராட்டி இருப்பவர்கள் அனைவருக்கும் என் நன்றி என்றார் கவிஞர் வாலி.துக்ளக்

ஆசிரியர் சோ: காலம் கடந்தும் நிற்பவை வாலியின் கவிதைகள்.
இது அவருக்குகடவுள் தந்த பரிசு. அதனால்தான் அவரால் ராமாயணத்தைப் பற்றியும் எழுதமுடிகிறது. முக்காப்புல்லாவும் எழுத முடிகிறது. வாலியால் ஆன்மிகம்பற்றியும் பேச முடியும். நாத்திகர்களைப் பாராட்டவும் முடியும். அதில்ஒன்றும் தவறு கிடையாது. கவிதை, பாடல்களை எழுதும் போது அதிலேயேஅவர் ஐக்கியமாகி விடுகிறார். தன்னை முழுமையாக ஈடுபடுத்திக் கொள்கிறார்.அவரிடம் இன்னும் திறமைகள் கொட்டிக் கிடக்கிறது.

கண்ணதாசன் காலத்தில் புகழ்பெற்ற கவிஞராக இருந்தவர் வாலி. கண்ணதாசன் பாடலுக்கும் இவரின் பாடலுக்கும்வித்தியாசம் தெரியாமல் இருந்தது. அனைத்திலும் கவித்துவம் இருக்கும்.எல்லோரையும் வாலியால் கவர முடியும் என்றார்.நடிகர் கமல்ஹாசன்:வாலியைப் பற்றி பகிர்ந்து கொள்ள என்னிடம் நிறைய நினைவுகள் இருக்கிறது.அவருக்கு இப்போது 80 வயது அல்ல. ஆயிரம் வயது. அத்தனை ஆண்டுகள் அவர்புகழோடு வாழ வேண்டும். அப்படி வேண்டிக் கொள்கிறவர்களில் நானும் ஒருவன்.அவர்எனக்கு எழுதிய உன்னை நினைச்சேன் பாட்டு படிச்சேன் பாடலில் வானம் போல் சிலபேர் வாழ்க்கையும் இருக்கும் என ஒரு வரி எழுதியிருப்பார். அந்த வரிகளில்நாங்கள் எல்லாம் பூக்களாக வாழ்ந்துக் கொண்டிருக்கிறோம்.

அதில் இப்போதுநிறைய பேர் தேன் எடுத்து செல்கிறார்கள். என் கவிதைகளை கேட்டு பிழைசொல்லமால் பாராட்டி இருக்கிறார். இளைஞர்களுக்கு தன்னம்பிக்கை அளிப்பவர்வாலி. தைரியம் அளிப்பவர் வாலி என்றார்.நடிகர்கள் ரஜினிகாந்த்,சூர்யா, சரோஜா தேவி, இசையமைப்பாளர் எம்.எஸ்.விஸ்வநாதன், கவிஞர்வைரமுத்து, இயக்குநர் எஸ்.பி.முத்துராமன், பாடகர்கள்எஸ்.பி.பாலசுப்பிரமணியம், பி.சுசிலா, கவிஞர் பழனிபாரதி உள்ளிட்ட பலர்கவிஞர் வாலியை வாழ்த்தி பேசினர்.

kalaimoon70 · kalaimoon70 Sun Nov 14, 2010 9:45 pm

**Aathira** · **Aathira** Mon Nov 15, 2010 12:01 am

”கண்ணதாசன் வெற்றி பெற்றதைப்போல, வாலி வெற்றி பெற்றதைப் போல நான் வெற்றி பெறவில்லை. நான் வெற்றி பெறாததற்குக் காரணம் நான் தமிழ் முதுகலைப் ப்டித்து த்மிழ் இலக்கியங்களையும் படித்து வ்ந்ததே காரணம். கண்ணதாசனும் வாலியும் அவற்றைப் படிக்காமல் பாடல் எழுத வந்ததால் பாமரர்களுக்கும் எட்டும் வகையில் பாடல்களைக் கொட்டினார். என்னால் அது முடியவில்லை. என பாடல் பாமரர்களுக்கு எட்டவில்லை” என்று வைரமுத்து பேசும்போது கூறினாராம். (செய்தி: விழாவில் கலந்து கொண்ட பேரா. பெ.கி. பிரபாகரன்)

தகவலுக்கு நன்றி க்ருஷ்ணம்மா.. 20-ம் நூற்றாண்டின் ஈடு இணையற்ற இசையமைப்பாளர் எம்.எஸ்.விஸ்வநாதன் 678642