ஹர்பஜன்சிங் மீண்டும் “சதம்” இந்தியா 472 ரன் குவித்தது

by **சிவா** Mon Nov 15, 2010 1:29 pm

2-வது டெஸ்ட் போட்டி: ஹர்பஜன்சிங் மீண்டும் “சதம்” இந்தியா 472 ரன் குவித்தது

ஹர்பஜன்சிங் மீண்டும் “சதம்” இந்தியா 472 ரன் குவித்தது Eed6fdce-fcf2-441c-bb45-5549b1a5a91b_S_secvpf

ஐதராபாத், நவ. 15- இந்தியா- நியூசிலாந்து அணிகள் மோதும் 2-வது டெஸ்ட் கிரிக்கெட் போட்டி ஐதராபாத்தில் நடைபெற்று வருகிறது. நியூசிலாந்து அணி முதல் இன்னிங்சில் 350 ரன் எடுத்தது. மெக்ன்டோஷ் 102 ரன்னும், குப்தில் 85 ரன்னும், ரைடர் 70 ரன்னும் எடுத்தனர். ஜாகீர்கான், ஹர்பஜன் சிங் தலா 4 விக்கெட் கைப்பற்றினார்கள்.

பின்னர் முதல் இன்னிங்சை விளையாடிய இந்தியா நேற்றைய 3-வது நாள் ஆட்ட நேர முடிவில் 9 விக்கெட் இழப்புக்கு 436 ரன் எடுத்து இருந்தது. ஷேவாக் 96 ரன்னும், லட்சுமண் 74 ரன்னும் எடுத்தனர். ஹர்பஜன்சிங் 85 ரன்னுடனும், ஸ்ரீசாந்த் 14 ரன்னுடனும் ஆட்டம் இழக்காமல் இருந்தனர்.

இன்று (திங்கட்கிழமை) 4-வது நாள் ஆட்டம் நடந்தது. இருவரும் தொடர்ந்து ஆடினார்கள். ஹர்பஜன்சிங் மிகவும் அபாரமாக விளையாடி சதம் அடித்தார். 105 பந்துகளில் 7 பவுண்டரி, 6 சிக்சருடன் 100 ரன்னை தொட்டார்.

ஹர்பஜன்சிங் தொடர்ந்து 2-வது சதத்தை அடித்துள்ளார். அகமதாபாத்தில் நடந்த முதல் டெஸ்டில் அவர் இக்கட்டான நேரத்தில் சதம் அடித்தார். தற்போதும் சரியான நேரத்தில் கடைசி விக்கெட்டான ஸ்ரீசாந்தை எதிர்முனையில் வைத்து செஞ்சூரி அடித்தது மிகவும் சிறப்பானதாகும்.

பின் 472 ரன் குவித்த நிலையில் இந்தியா ஆல் அவுட் ஆனது ஹர்பஜன் சிங் 111 ரன் எடுத்து கடைசி வரை அவுட்டாகமல் இருந்தார். ஸ்ரீசாந்த் 24 ரன் எடுத்தார். வெட்டோரி 5 விக்கெட் வீழ்த்தினார்.

மாலைமலர்!