மத்திய மந்திரிகளின் சொத்து விவரம் இணையதளத்தில் வெளியாகிறது

**சிவா** · **சிவா** Mon Nov 15, 2010 1:45 pm

மத்திய மந்திரிகளின் சொத்து விவரம் இணையதளத்தில் வெளியாகிறது: மன்மோகன்சிங் நடவடிக்கை

பிரதமர் அலுவலக இணையதள பக்கத்தில் மத்திய மந்திரிகளின் சொத்து விவரங்கள் இன்னும் இரண்டு நாட்களில் வெளியிடப்பட உள்ளது.

மந்திரிகளுக்கு கடிதம்

மத்தியில் ஆளும் ஐக்கிய முற்போக்கு கூட்டணி மீண்டும் ஆட்சிக்கு வந்த பிறகு, தகவல் அறியும் உரிமை சட்டம் தீவிரமாக அமலாகி வருகிறது. பல்வேறு துறைகளிலும் தகவல் அறியும் உரிமை சட்டம் மூலமாக பல தகவல்களை பெற முடிகிறது. சுப்ரீம் கோர்ட்டு நீதிபதிகளும் தங்களுடைய சொத்து விவரங்களை இணையதளத்தில் வெளியிட்டுள்ளனர்.

இந்த நிலையில், மத்திய மந்திரிகளின் சொத்து விவரங்களும் விரைவில் பகிரங்கமாக வெளியாக உள்ளது. இது தொடர்பாக, அனைத்து மத்திய மந்திரிகளுக்கும் மத்திய மந்திரிசபை செயலாளர் கே.எம்.சந்திரசேகர் கடிதம் எழுதி இருந்தார்.

அந்த கடிதத்தில், `ஆட்சி நிர்வாகத்தில் வெளிப்படைத் தன்மையை அதிகரிப்பதற்காக அனைத்து மத்திய மந்திரிகளின் சொத்துகள் மற்றும் கடன்கள் பற்றிய தகவல்களை பொதுமக்கள் அறியும் வகையில் வெளியிட பிரதமர் ஒப்புதல் அளித்துள்ளார். மேலும், மந்திரிகள் நடத்தை விதிகளின் படி மந்திரிகளின் சொத்து விவரங்களை பிரதமர் வெளியிடலாம்' என்று தெரிவித்திருந்தார்.

இரண்டு நாட்களில்

அதன் தொடர்ச்சியாக, `அனைத்து மத்திய மந்திரிகளும் தங்களுடைய ஆண்டு வரவு-செலவு கணக்குகளை சமர்ப்பிக்க வேண்டும்' என்று மீண்டும் ஒரு நினைவூட்டல் கடிதத்தை மந்திரிசபை செயலாளர் சந்திரசேகர் எழுதி இருந்தார்.

இந்த சூழ்நிலையில், மத்திய மந்திரிகளின் சொத்து விவரங்களை இணையதளத்தில் வெளியிட பிரதமர் முடிவு செய்துள்ளார். அதன்படி, `பிரதமர் அலுவலக இணையதள முகவரியில் இன்னும் இரண்டு நாட்களில் அந்த தகவல்களை பொதுமக்கள் பார்க்கலாம்' என பிரதமர் அலுவலக உயர் அதிகாரி ஒருவர் தெரிவித்தார்.

ஆண்டுதோறும் சொத்து விவரங்கள்

இது தவிர, `ஒவ்வொரு ஆண்டும் சொத்து விவரங்களை மத்திய மந்திரிகள் தாக்கல் செய்ய வேண்டும் என்றும், ஆண்டுதோறும் அந்த விவரங்கள் இணையதளத்தில் ஏற்றப்படும்' என்றும் பிரதமர் அலுவலகம் அறிவித்துள்ளது.

மத்திய மந்திரிகள் நடத்தை விதியில், `ஒருவர், மந்திரியாக பதவியேற்ற இரண்டு மாத காலத்துக்குள் பிரதமர் அல்லது முதல்-மந்திரியிடம் தனது சொத்து விவரங்களை தெரிவிக்க வேண்டும். அவருடைய சொத்துகள் மட்டுமன்றி, அவருடைய வர்த்தக விவரங்கள், அவருடைய குடும்ப உறுப்பினர்களின் சொத்து விவரங்கள் போன்றவற்றை தெரிவிக்க வேண்டும்' என கூறப்பட்டுள்ளது.

தற்போது, காமன்வெல்த் ஊழல், கார்கில் வீரர்களுக்கு வீடு ஒதுக்கியதில் ஊழல், 2ஜி ஸ்பெக்ட்ரம் ஊழல் என அடுக்கடுக்கான ஊழல் புகார்கள் எழுந்துள்ள நிலையில், இந்த முடிவை பிரதமர் அலுவலகம் எடுத்துள்ளது குறிப்பிடத்தக்கது.

அன்பு தளபதி · அன்பு தளபதி Mon Nov 15, 2010 2:00 pm

இது உண்மையான சொத்து விபரம்தான் என்பதற்கு என்ன உத்திரவாதம்

**சிவா** · **சிவா** Mon Nov 15, 2010 2:04 pm

maniajith007 wrote:இது உண்மையான சொத்து விபரம்தான் என்பதற்கு என்ன உத்திரவாதம்

பினாமிகளின் சொத்துப் பட்டியல் இதில் இடம்பெறாது! அதற்கு இனிமேல் தனியாக இணையம் துவங்குவார்கள்!

அன்பு தளபதி · அன்பு தளபதி Mon Nov 15, 2010 2:05 pm

சிவா wrote:
maniajith007 wrote:இது உண்மையான சொத்து விபரம்தான் என்பதற்கு என்ன உத்திரவாதம்

பினாமிகளின் சொத்துப் பட்டியல் இதில் இடம்பெறாது! அதற்கு இனிமேல் தனியாக இணையம் துவங்குவார்கள்!

அப்போ இணையபக்கங்கள் அதிகமாக ஆகுமே

**சிவா** · **சிவா** Mon Nov 15, 2010 2:06 pm

maniajith007 wrote:
சிவா wrote:
maniajith007 wrote:இது உண்மையான சொத்து விபரம்தான் என்பதற்கு என்ன உத்திரவாதம்

பினாமிகளின் சொத்துப் பட்டியல் இதில் இடம்பெறாது! அதற்கு இனிமேல் தனியாக இணையம் துவங்குவார்கள்!

அப்போ இணையபக்கங்கள் அதிகமாக ஆகுமே

அதனாலென்ன! எத்தனை இணையப்பக்கங்களில் தகவல் வெளியிட்டாலும் திருந்தாத மக்கள் இருக்கும்வரை இவர்களின் ஆட்டம் தொடர்ந்து கொண்டேதான் இருக்கும்!

அன்பு தளபதி · அன்பு தளபதி Mon Nov 15, 2010 2:08 pm

சிவா wrote:
அதனாலென்ன! எத்தனை இணையப்பக்கங்களில் தகவல் வெளியிட்டாலும் திருந்தாத மக்கள் இருக்கும்வரை இவர்களின் ஆட்டம் தொடர்ந்து கொண்டேதான் இருக்கும்!

திருந்தாத ஜென்மங்கள் இருந்தென்ன லாபம் விடுங்க

**சிவா** · **சிவா** Mon Nov 15, 2010 2:09 pm

maniajith007 wrote:
சிவா wrote:
அதனாலென்ன! எத்தனை இணையப்பக்கங்களில் தகவல் வெளியிட்டாலும் திருந்தாத மக்கள் இருக்கும்வரை இவர்களின் ஆட்டம் தொடர்ந்து கொண்டேதான் இருக்கும்!
திருந்தாத ஜென்மங்கள் இருந்தென்ன லாபம் விடுங்க

அதுவும் சரிதான்! மத்திய மந்திரிகளின் சொத்து விவரம் இணையதளத்தில் வெளியாகிறது 838572