ஐ.நா.,வில் இந்தியாவுக்கு நிரந்தர இடம்: அவ்வளவு சுலபமாக கிடைக்கக்கூடியதா?

by **சிவா** Fri Nov 12, 2010 9:06 am

நியூயார்க்: ஐ.நா., பாதுகாப்பு கவுன்சிலில் நிரந்தரம் அல்லாத உறுப்பினராக பதவி வகிக்கும் இரண்டாண்டு காலத்திற்குள், எப்படியும் இந்தியா நிரந்தர உறுப்பினராகி விடும் என, இந்திய தூதரக அதிகாரிகள் நம்பிக்கை தெரிவித்தனர். ஆனால், அமெரிக்க அதிகாரிகள் இதற்கு இன்னும் சில காலம் ஆகும் என குறிப்பிட்டுள்ளனர்.இந்தியா வந்த அமெரிக்க அதிபர் ஒபாமா, பார்லிமென்டில் உரையாற்றும் போது, "ஐ.நா., சபையின் பாதுகாப்பு கவுன்சிலில் இந்தியாவுக்கு நிரந்தர இடம் கிடைக்க, அமெரிக்கா முழு ஆதரவு அளிக்கும்' என்று குறிப்பிட்டார்.

இது, உலக அரங்கில் பெரும் தாக்கத்தை ஏற்படுத்தியுள்ளது. அண்டை நாடான பாகிஸ்தான் கதி கலங்கி போய், அதெல்லாம் நடக்கிற காரியமா, எங்கள் ஆதரவு நாடான சீனா வழியாக நெருக்குதல் கொடுப்போம் என்கிறது.இந்தியாவை பொருத்தமட்டில், அடுத்தாண்டு ஜனவரி மாதம் 1ம் தேதி, ஐ.நா., பாதுகாப்பு கவுன்சிலில் நிரந்தரமில்லாத உறுப்பினராக பதவியேற்கிறது. இரண்டாண்டுகள் இந்த பதவியில் இருக்கும். இந்த இரண்டாண்டு காலத்திற்குள் ஐ.நா., பாதுகாப்பு கவுன்சிலில் சீர்திருத்தம் செய்வதற்கும், நிரந்தரமாக இடம் பிடிப்பதற்கும் வேகமாக முயற்சிக்கும் என்று இந்திய தூதரக அதிகாரிகள் தெரிவித்தனர்.

இந்திய குழுவில் இடம் பெற்றுள்ள ஹர்தீப் சிங் பூரி கூறுகையில், "நாங்கள் பாதுகாப்பு கவுன்சிலில் 19 ஆண்டுகள் இடைவெளிக்கு பின் நுழைகிறோம். பாதுகாப்பு கவுன்சிலில் இருந்து வெளியேற எங்களுக்கு எண்ணம் இல்லை. நிரந்தரமில்லாத உறுப்பினராக இருக்கும் இரண்டாண்டு காலத்திற்குள் நிரந்தர உறுப்பினர் இடத்தை இந்தியா பிடிக்கும்' என்றார்.அமெரிக்க தூதரக அதிகாரி சூசன் ரைஸ் கூறுகையில், "இது சிக்கலானது, நீண்ட நாள் இழுக்கக்கூடிய பிரச்னை. இதில் நியூயார்க் நடவடிக்கை சுமாராகத்தான் இருக்கும். பல்வேறு நாடுகளைச் சேர்ந்த உறுப்பினர்கள் மாறுபட்ட கருத்துக்களை கொண்டுள்ளனர். அவர்களை ஒரு குடையின் கீழ் கொண்டு வருவது சிரமமான காரியம்' என்று அமெரிக்க தூதரக அதிகாரி சூசன் ரைஸ் கூறினார்.

தினமலர்!

by கலைவேந்தன் Fri Nov 12, 2010 11:58 am

தகவலுக்கு நன்றி..சிவா..!

by பாலாஜி Fri Nov 12, 2010 1:11 pm

அப்படி கிடைத்தால், அதானல் இந்தியாவிற்கு என்ன பயன். யாரவது விளக்கம் அளிக்க இயலுமா..?

by **சிவா** Fri Nov 12, 2010 3:20 pm

வை.பாலாஜி wrote:அப்படி கிடைத்தால், அதானல் இந்தியாவிற்கு என்ன பயன். யாரவது விளக்கம் அளிக்க இயலுமா..?

ஐநாவில் நிரந்தர இடம் கிடைத்தால் இந்தியாவிற்கும் வீட்டோ அதிகாரம் கிடைக்கும்! இப்பொழுது மொத்தம் ஐந்து நாடுகளுக்கு வீட்டோ அதிகாரம் உள்ளது!

அவைகள்: சீனா, பிரான்ஸ், ரஷ்யா, இங்கிலாந்து, அமெரிக்கா!

ஐநாவில் எந்தத் தீர்மானம் கொண்டுவரப்பட்டாலும், அந்தத் தீர்மானத்தை உலக நாடுகள் அனைத்தும் ஆதரித்தாலும், வீட்டோ அதிகாரம் உள்ள ஏதாவது ஒரு நாடு எதிர்த்தால் அந்தத் திட்டம் கைவிடப்படும்! இதுதான் இந்தியாவிற்குக் கிடைக்கும்.