சொல்லாதே கணவர் கேட்டால்

கல்யாணத்துக்கு முன்பான காதலை எக்காரணம் கொண்டும் கணவரிடம் சொல்ல வேண்டாம். திருமணமான புது ஜோரில் கல்யாணத்துக்கு முன்னாடி நீ எப்படியிருந்திருந்தாலும் பரவாயில்லை. என்கிட்ட உண்மையைச் சொல்லிடு. இனிமே நீ எப்படி இருக்கப் போறேங்கிறதுதான் எனக்கு முக்கியம் என கணவர் ஆசை வார்த்தைகளில் நம்பிக்கையை வாரி வழங்கலாம். ஏமாந்து விடாதீர்கள். காலத்துக்கும் உங்களைக் குத்திக் காட்டிப் பேச நீங்களே உங்களைப் பற்றிய ரகசியத்தை கணவருக்குக் காட்டிக் கொடுத்து விடாதீர்கள்.

உங்களுக்கென ஒரு நட்பு வட்டம் இருக்கும். உங்களது நெருக்கமான தோழிகள், உங்களைப் பற்றியும், உங்கள் கணவரைப் பற்றியும் சில அபிப்ராயங்களை உங்களிடம் வெளிப்படையாகச் சொல்லியிருக்கலாம். அவையெல்லாம் உங்களுக்குள்ளேயே இருக்கட்டும். கணவர் வரை போக வேண்டாம். தோழி சொன்ன விஷயம் நல்லதோ, கெட்டதோ கணவருக்குத் தெரிய வேண்டிய அவசியமில்லை.

உங்கள் பெற்றேhர், உடன் பிறந்தவர்கள் உங்கள் கணவருக்கும், அவரது வீட்டாருக்கும் ஏதேனும் பட்டப் பெயர் வைத்திருக்கலாம். உங்களிடம் அதை அடையாளப் படுத்திப் பேசலாம். தப்பித் தவறிக் கூட அந்த விஷயங்களை கணவரிடம் சொல்லி விடாதீர்கள்.

திருமணத்துக்கு முன் உங்களுக்கு வரப் போகிறவர் எப்படியெல்லாம் இருக்க வேண்டும் என எதிர்பார்ப்பு இருந்திருக்கும். அதன்படி உங்களவர் இல்லாமல் போயிருக்கலாம். திருமணத்துக்குப் பிறகு உங்கள் எதிர்பார்ப்புகளைப் பூர்த்தி செய்கிற மாதிரி ஒரு நபரை நீங்கள் சந்திக்க நேரலாம். உங்களுக்கிருந்த எதிர்பார்ப்பையும், அது காணாமல் போனதையும், நீங்கள் சந்தித்த நபரையும் பற்றிக் கணவரிடம் மூச்சு விடாதீர்கள். தான் யாரோடும் ஒப்பிடப் படுவதை எந்த ஆணாலும் சாதாரணமாக எடுத்துக் கொள்ள முடியாது.

கணவர் வீட்டாரைப் பற்றி உங்களுக்குள் ஒரு அபிப்ராயம் இருக்கலாம். இன்னார் இப்படி என உங்கள் மனசு அடிக்கடி எச்சரிக்கும். அதை கணவரிடம் சொல்ல வேண்டாம். தன்னைப் பற்றியோ, தன் வீட்டாரைப் பற்றியோ தவறான மனப்பான்மை உங்களுக்கு இருப்பதை அவரால் சகித்துக் கொள்ள முடியாது.

மொத்தத்தில் நீங்கள் இப்படித்தான் என்கிற மாதிரி உங்கள் கேரக்டரைக் கணவரிடம் போட்டு உடைத்து விடாதீர்கள். உங்களைப் பற்றியும் கொஞ்சம் ரகசியங்களை மிச்சம் வையுங்கள். எந்த மாதிரி சந்தர்ப்பங்களில், எப்படி நடந்து கொள்வீர்கள் என கணவர் கணித்து விடாதபடி ரகசியமானவராக இருங்கள். அதுதான் சுவாரஸ்யம்!

-ஆர்.வி. (வடலி PDF)

தல ,,,,இது என்ன புதுசா இருக்கு ?

ரபீக் wrote:தல ,,,,இது என்ன புதுசா இருக்கு ?

புதிதாக இருந்தாலும், மகிழ்ச்சியான வாழ்க்கைக்கு சிறந்த ஆலோசனைதானே!

இந்த கன்றாவிலாம் வேனாமுனுத்தான் நான் இன்னும் கல்யாணமே பண்ணிக்கல

சிவா wrote:

ரபீக் wrote:தல ,,,,இது என்ன புதுசா இருக்கு ?

புதிதாக இருந்தாலும், மகிழ்ச்சியான வாழ்க்கைக்கு சிறந்த ஆலோசனைதானே!

அப்பசரி ,,,அப்பசரி

balakarthik wrote:இந்த கன்றாவிலாம் வேனாமுனுத்தான் நான் இன்னும் கல்யாணமே பண்ணிக்கல

பெண் கிடைக்கவில்லை என்பதை இப்படியும் கூறலாம்!

சிவா wrote:

balakarthik wrote:இந்த கன்றாவிலாம் வேனாமுனுத்தான் நான் இன்னும் கல்யாணமே பண்ணிக்கல

பெண் கிடைக்கவில்லை என்பதை இப்படியும் கூறலாம்!

ஐயா நான் இன்னும் பச்ச குழந்தைங்க எனக்கு இன்னும் பெண்ணுல எழுதற வயசு வரலைங்க பல்பம் இல்லேனா சாக்குபீசுலதான் எழுத தெரியும்

balakarthik wrote:

ஐயா நான் இன்னும் பச்ச குழந்தைங்க எனக்கு இன்னும் பெண்ணுல எழுதற வயசு வரலைங்க பல்பம் இல்லேனா சாக்குபீசுலதான் எழுத தெரியும்

நான் நம்பிட்டேன்

ஏற்கனவே கல்யாணம் ஆனவங்களுக்கும்,இனி கல்யாணம் ஆகபோறவங்களுக்கும் தேவையான தகவல் இது சிவா.பகிர்ந்தமைக்கு நன்றி

புருஷன் வீட்டில் வாழப்போகும் பெண்ணே...
தங்கச்சி கண்ணே
சில புத்திமதிகள் சொல்லுறேன் கேளு கண்ணே...
அது மாதிரி இருக்கு.. பயனுள்ள பதிவு..