வயிறு அறுவைச் சிகிச்சை: இனி பயம் வேண்டாம்

பல அதிநவீன முறைகளுடன் வளர்ந்து வரும் மருத்துவ உலகில், சாவி துவார அறுவைச் சிகிச்சை முறை குறிப்பிடத்தக்கதாகும். இன்றைய உலகில் யாருக்காவது அறுவைச் சிகிச்சை தேவைப்படும் என்று அறுவைச் சிகிச்சை நிபுணர் கூறியவுடன், நோயாளி கேட்கும் முதல் கேள்வி லாப்ராஸ்கோப்பி

முறைதானே! அதாவது சிறு துவாரம் போட்டு அறுவைச் சிகிச்சை செய்வீர்களா? ஒவ்வொருவரும் தெரிந்து கொள்ள வேண்டிய முக்கியமான விஷயம் என்னவெனில், சாவி துவார அறுவைச் சிகிச்சை முறையில் பல இடங்களில் அறுவைச் கிச்சைகள் செய்தாலும், குறிப்பிடத்தக்க இடம் வயிறு ஆகும்.

வயிற்றில் ஏற்படும் பொதுவான பிரச்னைகள் குறிப்பாக குடல்வால் அழற்சி, பித்தப்பை கற்கள், நெஞ்சு எரிச்சல், முன் சிறுகுடல் புண் மற்றும் குறிப்பிட்ட ஜீரண மண்டல புற்று நோய் சிகிச்சைகளை லாப்ராஸ்கோப்பி முறை மூலம் செய்ய முடியும் என்பது குறிப்பிடத்தக்கது. லாப்ராஸ்கோப்பி அறுவைச் சிகிச்சை என்றாலே அதில் தழும்பு இல்லை, வலி இல்லை என்பது உண்மை; ஆனால் லாப்ராஸ்கோப்பி அறுவைச் சிகிச்சை முறைகளை பின்பற்றுவதற்கு அதைவிட முக்கியமான பல காரணங்கள் உள்ளன. குறிப்பாக ஒரு சிறு துவாரம் வழியாக செலுத்தப்படும் அதிநவீன கருவிகளின் மூலம் வயிற்றினுள் இருக்கும் எல்லா உறுப்புகளையும் பார்த்துவிடலாம். இதனால், சில சமயங்களில் எதிர்பாராத சில நோய்களைக் கண்டுபிடிக்க முடியும்.

அதிநவீன கேமரா மற்றும் நுண்ணிய கருவிகள் மூலம் அறுவைச் சிகிச்சை செய்யப்படுவதால், அறுவைச் சிகிச்சையின்போது உறுப்புகள் 8 முதல் 15 மடங்கு பெரிதாகத் தெரியும். இதனால் அறுவைச் சிகிச்சையை மிகத் துல்லியமாகச் செய்ய முடியும். உறுப்புகள் பெரிதாகத் தெரிவதால், பெரும்பாலான நேரங்களில் ரத்த இழப்பு இருக்காது. குடல்வால் அழற்சி போன்ற நோய்களால் ஏற்படும் அழற்சி நீர், வயிற்றின் எந்தப் பகுதியில் இருந்தாலும் சாவித் துவார சிகிச்சையின் மூலம் அகற்ற முடியும் என்பது குறிப்பிடத்தக்கது.

இத்துடன் குறைந்த தழும்பு மற்றும் சிறு வலியுடன் அறுவைச் சிகிச்சையை முடித்து விடலாம். எனவே, சாவி துவார அறுவைச் சிகிச்சை பரிந்துரை செய்ய குறைந்த தழும்பு, சிறு வலி என்பதைவிட, உயர்தர அறுவைச் சிகிச்சையுடன் குறைந்த பின் விளைவுகள் என்பது குறிப்பிடத்தக்கதது.

TAMILCNN