எந்நேரமும் இந்த சிறுமிகள் இறக்கலாம்!

**சிவா** · **சிவா** Thu Nov 11, 2010 8:49 am

சின்னச் சின்ன பிரச்சினைக்கெல்லாம் வாழ்க்கையையே வெறுத்துவிடுவோர் ஏராளம். அப்படிப்பட்டவர்கள், இந்த இங்கிலாந்து சகோதரிகளைப் பார்த்துக் கற்றுக்கொள்ள வேண்டும்.

எந்நேரமும் இதயத் துடிப்பு நின்று விடக்கூடிய விபரீத நோயுடன் உலா வரும் இம்மூன்று சிறுமிகளும் எப்போதும் முகத்தில் சந்தோஷத்தையே காட்டுகிறார்கள்.

சிறுமிகளில் ச்லோ'வுக்கு வயது 13, கர்ட்டினிக்கு 12, மெலிஸாவுக்கு 8 வயது.

குணப்படுத்தவே முடியாத ஒரு விபரீதமான பாரம்பரிய இதய வியாதியால் இவர்கள் பாதிக்கப்பட்டிருக்கிறார்கள். `லாங் கியுட்டி சிண்ட்ரோம்' என்ற இந்த வியாதி, 10 ஆயிரம் குழந்தைகளில் ஒன்றுக்கு ஏற்படக்கூடியது.

கர்ட்டினிக்கு 5 வயதில் திடீரென இதய பாதிப்பு ஏற்பட்டது. அப்போதுதான் அவளுக்கும், அவளது இரு சகோதரிகளுக்கும் இந்த நோய் பாதிப்பு இருப்பது கண்டுபிடிக்கப்பட்டது. இந்த நோய்க்கு ஆளானவர்களுக்கு இதயம் திடீரெனத் தாறுமாறாகத் துடிக்க ஆரம்பித்து சட்டென்று நின்றுவிடும். எந்நேரமும் அந்த அபாயம் நேரலாம்.

ஆரம்பத்தில் கர்ட்னியைப் பரிசோதித்த வர்கள் ஸ்காட்லாந்து கிளாஸ்கோவில் உள்ள ராயல் குழந்தைகள் நல மருத்துவமனை மருத்துவர்கள். அவர்கள், இந்தக் குழந்தை கள் வலிப்பு நோயால் பாதிக்கப்பட்டிருக் கலாம் என்றே முதலில் கருதினர். ஆனால் கர்ட்னியின் இதயத்தை ஈ.சி.ஜி. எடுத்த போது, அவர் `லாங் கியுட்டி சிண்ட்ரோமால்' பாதிக்கப்பட்டி ருப்பது தெரியவந்தது. உடன டியாக கர்ட்னியின் சகோதரிகள் ச்லோ, மெலிஸாவுக்கும் பரிசோதனை நடத்தப் பட்டது. அப்போது, அவர்களுக்கும் இந்த நோய் பாதிப்பு இருப்பது கண்டுபிடிக்கப் பட்டது.

இச்சிறுமிகளின் தாய் ஷரோன், இதே நோயால்தான் இறந்திருக்கிறார். கடந்த 2002-ம் ஆண்டில் தனது 25-வது வயதில் இறந்தார் ஷரோன். அப்போது, மெலிஸா பிறந்து சில வாரங்களே ஆகியிருந்தன. இக்குழந்தைகளின் நிலை காரணமாக, அவர்களை வீட்டில் இருந்தே கவனித்துக் கொள்கிறார் தந்தை ஸ்டீபன்.

`அவர் கூறுகையில், `என் குழந்தைகள் எல்லோருக்கும் இந்த நோய் இருப்பதை டாக்டர்கள் கண்டுபிடித்துக் கூறியபோது எனக்கு மிகவும் வேதனையாக இருந்தது. அதை தாங்கிக் கொள்ள மெலிஸா ரொம்பவே கஷ்டப்பட்டாள். அதிலும் அவளது அம்மாவும் இதே நோயால்தான் இறந்திருக்கிறார் என்று அறிந்தபோது இன்னும் துடித்துப் போனாள். இரவில் இவர்கள் தூங்கும்போது கூட திடீரென்று `அட்டாக்' ஏற்படலாம். எனவே நான் அவ்வப் போது கண்விழித்துப் பார்த்துக்கொள்கிறேன்'' என்றார்.

கர்ட்னி தற்போது மிகவும் சீரியஸான நிலையைக் கடந்து கொண்டிருப்பதால் கடந்த ஏப்ரலில் அவருக்கு இதயத் துடிப்பைக் கண்காணிக்கும் கருவி பொருத்தப்பட்டது. மற்ற இருவருக்கும் கூட அம்மாதிரி பொருத்தப்படவிருக்கிறது. எப்போதும் மருத்துவக் கண் காணிப்பிலேயே இருக்கும் இந்தச் சகோதரிகள், அளவுக்கு அதிகமான சந்தோஷத்தைக் கூட வெளிப்படுத்தி விடாமல் இருப்பது முக்கியம்.

இத்தனை கஷ்டமான சூழ்நிலையிலும், ``நான் எனது மூன்று மகள்களை நினைத்துப் பெருமைப்படுகிறேன். நோய் தங்களை வீழ்த்திவிட அவர்கள் அனுமதிக்கவில்லை'' என்று பெருமிதத் தந்தையாகக் கூறுகிறார் ஸ்டீபன்.

தினதந்தி!

உதயசுதா · உதயசுதா Thu Nov 11, 2010 1:18 pm

ஐயோ பாவம்.இந்த சிறுமிகளுக்காக இறைவனை வேண்டி கொள்வது ஒன்றுதான் நாம் செய்ய முடியும்.

ரபீக் · ரபீக் Thu Nov 11, 2010 1:22 pm

அந்த இறைவன்தான் இவர்களை நீண்டகாலம் வாழவைக்க அருள் புரியவேண்டும்

sabarishkumar · sabarishkumar Thu Nov 11, 2010 1:28 pm

மரணம் வரும் என்பது இயற்க்கை .ஆனால் தினம் தினம் மரணம் என்பது மிகவும் கொடுமை . அதுபோல் நிகழாமல் நீண்ட ஆயுளோடு அவர்கள் வாழவேண்டும்
வாழ்த்துகளுடன்
த.க.சபரிஷ் குமார்

Hasan1 · Hasan1 Thu Nov 11, 2010 1:44 pm

உதயசுதா wrote:ஐயோ பாவம்.இந்த சிறுமிகளுக்காக இறைவனை வேண்டி கொள்வது ஒன்றுதான் நாம் செய்ய முடியும்.

உண்மைதான், பாவம் அந்த சிறுமிகள்...

Sponsored content · Sponsored content

எந்நேரமும் இந்த சிறுமிகள் இறக்கலாம்!

எந்நேரமும் இந்த சிறுமிகள் இறக்கலாம்!

Re: எந்நேரமும் இந்த சிறுமிகள் இறக்கலாம்!

Re: எந்நேரமும் இந்த சிறுமிகள் இறக்கலாம்!

Re: எந்நேரமும் இந்த சிறுமிகள் இறக்கலாம்!

Re: எந்நேரமும் இந்த சிறுமிகள் இறக்கலாம்!

Re: எந்நேரமும் இந்த சிறுமிகள் இறக்கலாம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக