உடல் எடையை குறைக்கும் டயட்

‘‘உயிர் வாழ உணவு அவசியம். மறுக்கலை. ஆனா, நாம சாப்பிடற எல்லா உணவுமே ஆரோக்கிய-மானதா?’’ என்று கேட்கும் அன்சாரி, வெளிநாடுகளில் தொழில் நடத்தி வருபவர். இப்போது சென்னையில் ஆரோக்கிய உணவுகளுக்-காகவே ‘டயட் இந்தியா’ என்ற மையத்தை தொடங்கியிருக்-கிறார்.

உடல் எடையை குறைக்க என்ன சாப்பிடலாம், ரத்தத்தில் சர்க்கரை உள்ளவர்-கள் என்ன மாதிரியான உணவுகளை சாப்பிட வேண்டும் என ஆலோசனை-களை மட்டும் வழங்காமல், அவர்களுக்கான டயட் உணவுகளையும் வீடு தேடி வருடத்தின் அனைத்து நாட்களிலும் வந்து தருவதுதான் இவரது ஸ்பெஷாலிட்டி. வெளிநாடுகளில் மட்டுமே இதுவரை இருந்து வந்த ‘டயட் சென்டர்களை’ சென்னைக்கு முதன் முதலில் அறிமுகப்-படுத்தியிருக்கிறார்.

‘‘சொந்த ஊர் சென்னை-தான். ஆனா, துபாய்ல பிசினஸ் செய்துட்டு இருக்கேன். ஒரு காலத்துல நான் ரொம்ப குண்டா இருப்பேன். அது நல்லதில்லனு எடைய குறைக்க முயற்சி செஞ்சேன். வெளிநாடுகள்ல உடல் எடைய குறைக்க ஜிம்முக்கு போகறது, வாக்கிங் போகறதெல்லாம் கிடையாது. அங்க ஜிம் உண்டு. ஆனா, கூடவே அவங்க கொடுக்கிற, பரிந்துரை பண்ற உணவுகளைத்தான் மூணு வேளையும் சாப்பிடணும்.

அப்படித்தான் 26 கிலோ எடைய குறைச்-சேன். ஆனா, சென்னை வந்ததும் திரும்பவும் எடை கூடிச்சு. காரணம், இங்க இருக்கிற உணவுப் பழக்கம். அப்பத்தான் நம்மூர்லயும் வெளிநாடுகள் மாதிரி டயட் சென்டரை ஆரம்பிச்சா என்னன்னு தோணிச்சு. எனக்கு இந்த தொழில் புதுசு. ஏன்னா, எல்லாமே மருத்துவம் தொடர்-பான விஷயங்கள். கொஞ்சம் மாறினா-லும் சிக்கலா-கிடும்.

அதனால எங்க நான் சிகிச்சை எடுத்து-கிட்டனோ அங்கயே, அவங்க கூடவே இருந்தேன். உணவு தயாரிக்கிற முறை, மையத்தை நடத்தற முறை எல்லாத்தையும் தெரிஞ்சுகிட்டேன். அதுக்கு அப்புறமா-தான் சென்னைல இந்த மையத்தை ஆரம்பிச்-சேன். உடல் எடை கூடு துன்னா, அதுக்கு காரணம், கலோரி களோட அளவுதான். தேவைக்கு அதிகமான கலோரிகள் கொழுப்பா மாறிடும்.

இந்தக் கொழுப்பை கரைக்க உடற்-பயிற்சிகளை செய்யணும். அதே-நேரத்துல தேவையான கலோரிகள் அடங்கின உணவுகளை மட்டுமே சாப்பிடணும். சாதாரணமா, நம்ம உடம்புக்கு எவ்வளவு கலோரி வேணும், எந்த உணவுல எவ்வளவு கலோரிகள் இருக்குனு பலபேருக்கு தெரியறதில்லை. அதனால ஒண்ணு அதிகமா சாப்பிடுவாங்க. இல்லைனா, குறைவாவோ பட்டினியோ கிடப்பாங்க.


சிலபேரு வெறும் காய்கறி-களையும், பழங்-களையும் சாப்பிட்டா போதும்னு நினைக்கி-றாங்க. ஆனா, இது எதுவுமே நல்லதில்ல. உடலுக்குத் தேவை-யான அனைத்து சத்துக்களும் சமச்சீரா எடுத்துக்கிட்டா-தான் உடல் எடை கூடாம பாதுகாக்க முடியும். எங்க வாடிக்கையாளர்-கள்கிட்ட நாங்க கவனம் செலுத்தறது இந்த விஷயத்தை-தான். அவங்கவங்க உடலுக்கு ஏற்ற உணவுகளையே பரிந்துரை செய்வோம்.

ஒரு நாளைக்கு மூணுவேளையும் என்ன சாப்பிடணும்கற அடிப்படைல, ஒரு வாரத்துக்-கான உணவுப்-பட்டியலை கொடுப்போம். இதுல சைவம், அசைவம், இரண்டுமே உண்டு. என்ன தேவையோ அதை அவங்க மார்க் பண்ணி கொடுத்தா, அவங்க வீடு தேடி உணவுகள் வரும். இதுல காலை சிற்றுண்டி, பகல் ஸ்நாக்ஸ், மதிய உணவு, மாலை சிற்றுண்டி, இரவு உணவு எல்லாமே அடங்கும். சிலபேரு மதிய உணவையும், இரவு உணவையும் மட்டுமே கேட்பாங்க.

அப்படி கேட்பவர்களுக்கும் நாங்க சப்ளை செய்யறோம். எங்க மையத்துல ஜிம் இருக்கறது-னால, இங்க வந்தும் உடற் பயிற்சி செய்-யலாம்’’ என்று சொல்லும் அன்-சாரி, கூடிய விரைவில் சென்னை முழு தும் இதன் கிளை களை தொடங்கப் போகிறாராம்.