பன்றி காய்ச்சலுக்கான “தமிபுளூ” மாத்திரையை பயன்படுத்துவது எப்படி?

செரின் · செரின் Thu Aug 13, 2009 3:08 pm

பன்றிக்காய்ச்சல் தாக்கியவர்களுக்கு “தமி புளூ” என்ற மாத்திரை கொடுக்கப்படுகிறது. இது தவிர வேறு மருந்துகள் இல்லை.

பன்றிக் காய்ச்சல் இருக்கிறது என்பதற்காக இந்த மாத்திரையை நாமே மருந்து கடைக்கு சென்று சாப்பிட கூடாது. இந்த மாத்திரையால் பல பக்க விளைவுகள் ஏற்படுவது உண்டு. எனவே எச்சரிக்கையாக இருக்க வேண்டும். டாக்டர் ஆலோசனை பெற்றே இந்த மருந்தை சாப்பிட வேண்டும்.

நோய் தாக்கிய 48 மணி நேரத்தில் “தமிபுளூ” மாத்திரையை சாப்பிட ஆரம்பித்து விட வேண்டும். இது மாத்திரை வடிவத்திலும், குழந்தைகளுக்காக திரவ மருந்து வடிவத்திலும் கிடைக்கிறது.

“தமிபுளூ” மாத்திரை பன்றிக் காய்ச்சல் கிருமியை நேரடியாக கொல்லாது. கிருமி உடலில் மேலும் பரவாமல் மட்டுமே தடுக்கும். இதன் மூலம் கிருமிகள் கட்டுப்பட்டு நோய் குணமாகி விடும். 1 வயதுக்கு மேல் உள்ள குழந்தைகள் மற்றும் பெரியவர்களுக்கே இந்த மாத்திரையை கொடுக்க வேண்டும்.

மாத்திரையை உணவு சாப்பிடும் முன்போ அல்லது பின்போ சாப்பிடலாம். இவற்றுடன் வேறு மாத்திரையும் சாப்பிடுவதாக இருந்தால் உணவு சாப்பிட்டு விட்டுத்தான் சாப்பிட வேண்டும். இல்லை என்றால் வயிற்றை பாதிக்கும்.

நோய் தாக்கியவர்களுக்கு சிகிச்சை அளிக்கும்போது ஒரு நாளைக்கு 2 தடவை 5 நாளைக்கு தொடர்ந்து மாத்திரை கொடுக்க வேண்டும். நோய் தடுப்புக்கு பயன்படுத்தும்போது தினமும் ஒரு மாத்திரை 10 நாட்களுக்கு கொடுக்க வேண்டும்.

இந்த மாத்திரைகள் பல்வேறு அளவுகளில் கிடைக்கின்றன. வயது எடைக்கு தகுந்த மாதிரி அதற்குரிய அளவுள்ள மாத்திரைகளை கொடுக்க வேண்டும். 1 வயதில் இருந்து 12 வயதுக்கு உட்பட்டவர்கள் 15 கிலோவுக்கு குறைவாக எடை இருந்தால் 30 மில்லி கிராம் மாத்திரையும், 16 கிலோவில் இருந்து 23 கிலோ வரை எடை இருந்தால் 45 மில்லி கிராம் மாத்திரையும் 24 கிலோவில் இருந்து 40 கிலோ வரை இருந்தால் 60 மில்லி கிராம் மாத்திரையும், 41 கிலோவுக்கு மேல் இருந்தால் 75 மில்லி கிராம் மாத்திரையும் கொடுக்க வேண்டும். 13 வயதுக்கு மேல் உள்ளவர்களுக்கு 75 மில்லி கிராம் மாத்திரை கொடுக்க வேண்டும்.

இதே போல குழந்தைகளுக்கு திரவ மருந்து கொடுப்பதாக இருந்தால் அதற்கும் எடைக்கு தகுந்த மாதிரி பல்வேறு அளவுகள் உள்ளன.

தமிபுளூ மாத்திரை மற்ற மருந்துடன் கலந்து சாப்பிடலாம். ஆனால் “புளூமிஸ்ட்” போன்ற தடுப்பு மருந்து கொடுத்து இருந்தால் 2 வாரத்துக்கு பிறகே “தமிபுளூ” மாத்திரை சாப்பிட வேண்டும்.

சிறுநீரகம் பாதிப்பு உள்ளவர்கள் இந்த மாத்திரையை சாப்பிடுவதால் பிரச்சினை ஏற்படலாம். எனவே சிறுநீரகம் நோய் இருப்பதை டாக்டரிடம் சொல்லி அவர் ஆலோசனை பெற வேண்டும். குறைந்த அளவுள்ள மாத்திரைகளை மட்டும் அவர்கள் சாப்பிடலாம்.

மாத்திரைகளை 77 டிகிரி பாரன்ஹீட் வெப்பத்துக்கு கீழே உள்ள இடத்திலேயே வைக்க வேண்டும். திரவ மருந்தை பிரீசருக்குள் வைக்க கூடாது. குழந்தைகள் பார்வை படாத இடத்தில் மாத்திரைகளை வைத்து இருப்பது நல்லது.

“தமிபுளூ” மாத்திரையால் சில பக்க விளைவுகள் ஏற்படலாம். மாத்திரை சாப்பிட்டதும் தோலில் ஏதேனும் மாற்றம் தென்பட்டாலும் அலர்ஜி ஏற்பட்டாலும் உடனே டாக்டரிடம் தெரியப்படுத்தவும். உடலுக்குள் வேறு ஏதேனும் மாற்றம் தெரிந்தாலும் டாக்டரிடம் சொல்லி விட வேண்டும்.

இந்த மாத்திரை சாப்பிட்டதுமே சிறிய அளவில் மூச்சுத் திணறலும், வாந்தியும் ஏற்படலாம். இது பொருத்து கொள்ளும் அளவிலேயே இருக்கும்.

“அசல்டாமிவிர் பாஸ்பேட்” போன்றவற்றால் அலர்ஜி ஏற்படுபவர்கள் தமிபுளூ மாத்திரை சாப்பிடக்கூடாது.

கர்ப்பிணிகள், குழந்தைக்கு பால் கொடுப்பவர்கள் இந்த மாத்திரையை சாப்பிடக் கூடாது. இதனால் குழந்தையை பாதிக்கும், குழந்தை பெற்றுக் கொள்ளும் திட்டத்தில் இருக்கும் பெண்களும் இதை சாப்பிட கூடாது. இது தொடர்பாக டாக்டரிடம் உரிய ஆலோசனை பெறவும்.

ramesh.vait · ramesh.vait Thu Aug 13, 2009 4:32 pm

பன்றி காய்ச்சலுக்கான “தமிபுளூ” மாத்திரையை பயன்படுத்துவது எப்படி?

பன்றி காய்ச்சலுக்கான “தமிபுளூ” மாத்திரையை பயன்படுத்துவது எப்படி?

Re: பன்றி காய்ச்சலுக்கான “தமிபுளூ” மாத்திரையை பயன்படுத்துவது எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக