யுத்த வெறியன் அல்ல அமைதியின் பற்றாளன் - TRT தமிழொலி விமலுக்கு, மலின் சலிந்த விக்ரமசிங்க எழுதிய கடிதம்

by 3tamil78 Wed Nov 10, 2010 8:36 pm

அன்பிற்கினிய TRT தமிழொலி விமலுக்கு...வணக்கம் மலின்சலிந்த விக்ரமசிங்க எழுதிக்கொள்வது...

TRT தமிழொலி வானொலியில் நீங்கள் சிங்கள மொழி நிகழ்ச்சி நடத்துவது கண்டு நான் மிகவும் பெருமையும் மகிழ்ச்சியும் கொள்கிறேன்.

தமிழர்களைப் போலவே சிங்களர்களும், இலங்கைத் தீவினில் அமைதியிழந்து வாழ்ந்து வருகின்றோம். ஒரு காலத்தில் அமைதியும், சுபிட்சமும் நிறைந்திருந்த எங்கள் பவுத்த தேசத்தில் இன்று இரத்தமும், துப்பாக்கிகளும், அந்நிய நாட்டவர்களும் நிறைந்து வறுமையிலும், துயரத்திலும் வன்முறையிலும் வாழ்ந்து வருகிறது.

முள்ளிவாய்க்கால் போர் முடிவடைந்துவிட்டது. அந்த விசயங்களை மீண்டும் கிளறாமல் அந்த முடிவினை ஏற்று தேசம் அமைதியுறும் என்று நம்பிக்கை இருந்தது. அதன்படியே தமிழ்நாட்டிலும் ஒரு நிசப்தம் நிலவியிருந்த சூழலில் விடுதலைப்புலிகள் இயக்கம் மூச்சு விடாமல் இருந்த தருணத்தில் நடராசன் போன்ற தமிழ் இன வெறியர்கள் அமெரிக்காவில் இருந்து எலின் சாண்டர் போன்றோர்களை தூண்டிவிட்டு பொய்யான விசயங்களை, அளித்தும், உலகத்தில் உள்ள அப்பாவி ஈழத்தமிழர்களையும் வெறியூட்டி எங்கள் தேசத்தின் அமைதியை கெடுக்கின்றார் என்று நடராசன் மீது எங்களுக்கு பகைமையும், சினமும் இருந்தது.

அவருக்கு எதிரான சில நடவடிக்கைகள் எடுப்பதற்கான எண்ணம் கூட எங்களுக்கு இருந்தது. அவருடைய வெளிநாட்டுப் பயணங்களை, பேச்சுக்களை, நாங்கள் உற்று கவனித்தோம். பிரான்சு TRT வானொலியில் அவருடைய நேர்காணல், இலண்டனில் குளோபல் TV நேர்காணல், பிரான்சில் மாவீரர் தின உரை, இப்பேச்சுக்களின் விசயங்களை உணர்ந்த எங்களுக்கு அவர் புத்த வெறியன் அல்ல, அமைதியின் பற்றாளன் என்பதை நாங்கள் உணர்ந்தோம்

தமிழர்கள் பல ஆயிரம் ஆண்டுகளுக்கு முன்பு வாழும் பூர்வகுடிகள். சிங்கள தேசத்தோடு சேர்ந்திருப்பதும், விலகியிருப்பதும் தமிழர்களின் தனி விருப்பம். இதை துப்பாக்கிகளை கொண்டு கட்டாயப்படுத்தி சேர்ந்திருக்கச் சொல்வதற்கு யாருக்கும் உரிமை கிடையாது. ஒரு சில சிங்கள தலைவர்களுடைய தவறான கருத்துக்காக சிங்கள, ஈழத்தமிழ் மக்கள் துயருருவதையும், அமைதியிழப்பதையும் அனுமதிக்கமுடியாது.

சிங்கள இராணுவத்தினர் தமிழீழ பெண்களை கற்பழித்திருப்பதையும், தமிழர்களின் கோயில்கள் இடிக்கப்பட்டதையும், நூலகங்கள் தீக்கிரையாக்கப்பட்டதையும் எங்களது அரசே ஒத்துக் கொண்டுள்ளது. ஆனால் பயங்கரவாதிகள் என்று சொல்லக்கூடிய விடுதலைப்புலிகள் ஒரு சிங்களத் பெண்ணைக்கூட கற்பழித்ததாகவோ, புத்த விகாரங்களை இடித்ததாகவோ, ஒரு சிங்கள பொதுமக்களை கொன்றதாகவோ எங்களிடம் சான்றுகள் இல்லை.

நடராசன் அவர்கள் எழுப்பிய வாதங்களும், அவர் கூறிய நியாயங்களும் உண்மையான பவுத்தர்களான எங்கள் உள்ளத்தைத் தொட்டன. உண்மை எங்களை சுட்டது. காலம் எப்படி வேண்டுமென்றாலும் மாறலாம். ஒன்றை நாங்கள் புரிந்து கொண்டோம். இந்த கொடிய வேதனையிலிருந்தும், அடக்குமுறையிலிருந்தும் தமிழர்களும், சிங்களர்களும் மீள்வதற்கும், எங்கள் தேசம் அமைதியாக வாழ்வதற்கும் ஒரே வழி தமிழீழம் தான் என்பதையும் அந்த கோரிக்கையை வைப்பவர்கள் பயங்கரவாதிகள் அல்ல, சுதந்திரத்தின் தூதுவர்கள் என்பதையும் உணர்ந்து கொண்டோம். இனவெறியை விட்டு பொதுவாக சிந்திக்கின்ற எந்த உண்மையான பவுத்தனும் இந்த கருத்தினை ஒத்துக்கொள்வான்.

எங்கள் உள்ளத்தில் பகைமை நிரம்பி புத்தருக்கு விரோதமாக இருந்த எங்களுக்கு சரியான விளக்கத்தை அளித்த உண்மையை ஒளிரவைத்த நடராசனுக்கு நன்றியையும், வாழ்த்துக்களையும் தெரிவித்துக் கொள்கிறேன்.

புத்தம் சரணம் கச்சாமி!

நன்றி: புதிய பார்வை

=====

முத்தமிழ்
சென்னை