உயர் இரத்த அழுத்தம்

தாமு · தாமு Wed Nov 10, 2010 10:11 am

உடல் சீராக இயங்குவதற்கு இரத்த ஓட்டம் அவசியம். இரத்தத்தை எல்லா உறுப்புக்களுக்கும் இருதயம் தான் பம்ப் செய்து அவை சீராக செயல்பட உதவுகிறது. அது சீரற்று இரத்தத்தை மிகையாக அழுத்தும்போது இரத்த அழுத்தம் ஏற்படுகிறது.

உப்பு அதிகமாகச் சேர்ப்பதே இரத்த அழுத்தத்தின் முக்கிய காரணம் என்றாலும், மரபு வழி,உடற்பருமன், மன உளைச்சல் போன்றனவும் இதற்கு காரணங்களாகின்றன.

இரத்த அழுத்தத்தில் இரண்டு வகை உண்டு அதாவது சிஸ்டாலிக் பிரசர் இதயம் அழுத்திச் சுருங்கும் போது ஏற்படுவது டய்ஸ்டாலிக் பிரசர் இதயம் தளர்ந்து விரியும் போது ஏற்படுவது இதன் சராசரியான அளவுகள் 120/80 என்பதாகும்.

உயர் இரத்த அழுத்தத்தைக் கவனிக்காமல் விட்டுவிட்டால் மூளை, இருதயம், சிறுநீரகம் போன்றவை பாதிக்கப்பட்டு, மாரடைப்பு, பாரிச வாயு, நினைவிழத்தல், சிறுநீரகம் செயலிழப்பு, கண்பார்வை பாதிப்பு, கைகால் வீக்கம், மூக்கில் ரத்தம் வடிதல் போன்றவை ஏற்படும்

இதனைக் கட்டுப்படுத்த நாம் சீரான உணவுப் பழக்கத்தை கடைப்பிடிக்க வேண்டும். உப்பும் உப்புச் சேர்ந்த பதார்த்தங்கள், அப்பளம், நொறுக்குத் தீனிகள், கருவாடு போன்றவற்றைக் கண்டிப்பாகத் தவிர்க்க வேண்டும். தினமும் 45 நிமிடம் கை வீசி நடக்க வேண்டும். மன உளைச்சலுக்கு இடந்தருதல் ஆகாது.

முறையான உடற்பயிற்சி, மருத்துவரின் ஆலோசனை அடிக்கடி கேட்டல், மருந்துகளை ஒழுங்காக உட்கொள்ளல், புகை பிடிப்பதைக் கண்டிப்பாகத் தவிர்த்தல், எப்போதும் முக மலர்ச்சியுடன் இருத்தல் போன்றவை இரத்த அழுத்தத்தை கட்டுப்படுத்துவதற்கான வழி வகைகள ஆகும்.

மூலம்"ஈழம்வெப்"

Thanjaavooraan · Thanjaavooraan Mon Nov 15, 2010 7:23 pm

நல்ல தகவல்

**சிவா** · **சிவா** Mon Nov 15, 2010 8:20 pm

பயனுள்ள தகவல் தாமு!

Sponsored content · Sponsored content

உயர் இரத்த அழுத்தம்

உயர் இரத்த அழுத்தம்

Re: உயர் இரத்த அழுத்தம்

Re: உயர் இரத்த அழுத்தம்

Re: உயர் இரத்த அழுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக