ஆளுக்கொரு அந்தரங்கம்!

வினுப்ரியா · வினுப்ரியா Tue Nov 09, 2010 8:22 pm

First topic message reminder :

ஆளுக்கொரு அந்தரங்கம்!

ஆளுக்கொரு அந்தரங்கம்!
ஆழ்மனதில் சதிராடும் சதுரங்கம்
ஆண்டவன் மட்டுமே
அறிகின்ற சிதம்பர ரகசியம்

ஆழியினடியில் -மனம்
ஊழித்தாண்டவமிடும்!
ஆலம் விழுதுபோல் -தொங்கும்
ஆசைகள் வேரூன்ற தவிக்கும்!

இச்சை கெட்ட உடல்
இலக்கான போலியாகும்!
இலாடம் அடிக்காத பாதங்கள்
இலக்கின்றி பயணிக்கும்!

கடிவாளம் போட்டாலும்
கண்கள் தறிகெட்டு ஓடும்!
கண்கட்டு வித்தைபோல்
காட்சிகள் அரங்கேறும் !

அளவுகோல்கள் வேறுபடும்
அளக்கின்ற கோணங்களும் கூறுபடும்!
ஆசார தர்மங்கள் மாறுபடும்
அஞ்ஞாத மனம் சர்ப்பங்களாய் சீறிடும்!

அடுத்தவர் அந்தரங்கத்தை
அறிந்து விடத்தானே
அத்தனை பேருக்கும்
அடங்காத ஆவலிருக்கும்!

வினுப்ரியா · வினுப்ரியா Tue Nov 09, 2010 9:36 pm

புவனா wrote:அழகான கவிதை...

நன்றி புவனா

balakarthik · balakarthik Tue Nov 09, 2010 10:07 pm

ஆயிரம் ஆயிரம் அர்த்தங்கள் பொதிந்த அருமை கவிதை மகிழ்ச்சி

கலைவேந்தன் · கலைவேந்தன் Tue Nov 09, 2010 10:08 pm

உண்மைகள் பல நேரம் பலரை
உன்மத்தமாக்கிவிடும்..!

பொய்கள் சதிராடும் பூவுலகில்
பொறுப்புள்ள உண்மைகள் தடுமாறும்..!

அந்த அரங்கங்களைப் பகிர
அந்தரங்கங்கள் தடை சேர்க்கும்..!

எந்தநிலையிலும் சத்தியமே
ஜீவித்து நிற்கும்..!

அந்தரங்கங்கள் அனைத்துமே
அசிங்கமானவை அல்ல..
அவற்றுக்கும் புனிதம் உண்டு..
அனைத்துக்கும் புரிதல் தேவை...!

அருமையான கவிதைக்கு
அழகான பாராட்டுக்கள் கவிதாயினி..!

வினுப்ரியா · வினுப்ரியா Tue Nov 09, 2010 10:20 pm

அந்தரங்கள் அனைத்துமே
அசிங்கமானவை அல்ல..
அவற்றுக்கும் புனிதம் உண்டு..
அனைத்துக்கும் புரிதல் தேவை...!

என்ன ஒரு அழகான, தெளிவான, உண்மையான,சத்தியமானவரிகள்
நன்றி கலை

வினுப்ரியா · வினுப்ரியா Thu Nov 11, 2010 7:44 pm

balakarthik wrote:ஆயிரம் ஆயிரம் அர்த்தங்கள் பொதிந்த அருமை கவிதை

நன்றி பாலாகார்த்திக்

**மு.வித்யாசன்** · 19/03/2010

அந்தரங்கம் கவியரங்கமாக மாறியது மனதுக்கு இதம். அந்தரங்கத்தை தொடர்ந்து தேடியபடி என் மனம். அன்பு மலர்

**கா.ந.கல்யாணசுந்தரம்** · 28/02/2009

இச்சை கெட்ட உடல்
இலக்கான போலியாகும்!
இலாடம் அடிக்காத பாதங்கள்
இலக்கின்றி பயணிக்கும்!
..........................அருமை ...அருமை.....அருமை......
பாராட்டுகள்.

வினுப்ரியா · வினுப்ரியா Sat Nov 20, 2010 8:38 pm

Kaa Na Kalyanasundaram wrote:இச்சை கெட்ட உடல்
இலக்கான போலியாகும்!
இலாடம் அடிக்காத பாதங்கள்
இலக்கின்றி பயணிக்கும்!
..........................அருமை ...அருமை.....அருமை......
பாராட்டுகள்.

நன்றி ஐய்யா!