ஏலத்துக்கு வந்த திப்பு சுல்தான் தங்க கைப்பிடி!

**krishnaamma** · **krishnaamma** Tue Nov 09, 2010 1:49 pm

இருநூறு ஆண்டுகளுக்கு முன், ஸ்ரீரங்கபட்டினத்தில் ஆட்சி செய்து வந்த திப்பு சுல்தான், ஆங்கிலேயர்களுக்கு சிம்ம சொப்பனமாக இருந்தான். அவனது வீழ்ச்சிக்குப் பின்னர், அவன் அரண்மனையில் இருந்த தங்க சிம்மாசனம் லண்டனுக்கு கொண்டு செல்லப்பட்டது.

அந்த சிம்மாசனத்தின் கைப்பிடி, சிங்கத்தின் தலை போல் காட்சி தரும். அதில், விலை உயர்ந்த பல கற்கள் பதிக்கப்பட்டிருந்தன. தங்கத்தால் ஆன அந்த கைப்பிடியில் ஒன்று, சமீபத்தில் லண்டனில் ஏலத்திற்கு வந்தது. இரண்டு கோடியே 25 லட்சம் ரூபாய்க்கு ஏலம் போனது.

கடந்த ஆண்டு இதே போன்ற இன்னொரு கைப்பிடி ஏலம் போனது. அதை பிரபல மதுபான தயாரிப்பாளர் விஜய் மல்லையா இரண்டு கோடியே 92 லட்சத்து 20 ஆயிரம் ரூபாய்க்கு வாங்கினார். இந்த இரண்டு கைப்பிடிகளையும், 200 ஆண்டுகளாக ஸ்காட்லாந்தைச் சேர்ந்த ஒரு குடும்பம் தன் வசம் வைத்திருந்தது.

நன்றி தினமலர்