கடவுளிடம் விண்ணப்பம்

Dwaraknath · Dwaraknath Tue Nov 09, 2010 12:12 am

இரட்சிக்கும் இறையே
முகக்கண்ணால் மட்டுமே
பார்க்கின்றாய் ....

ஏமாற்றுபவனின் நன்கொடைகளையும்
ஏமாந்தவனின் விசுவாசத்தையும்
ஒரு சேர ஏற்கின்றாய்.....

எப்பொழுதேனும் சிந்தித்திருப்பாயா
நேர்மை மனிதனின் தொடர் தோல்விகளை !!

வலியது பிழைக்கும்
வாயுள்ளது அரசாலும்
தவறில்லை
வலிமை குன்றியும் ஊமையாய் பிறந்ததும்
கடவுளே யார் தவறு ?

இதயம் சுருங்கி விரிதல் ஆனந்தம்
உயிர் உடலோடு இருத்தல் பேரானந்தம்
வாழ்க்கை வாழ்தலே சாதனையாம் ......!

காமம் மோகிக்கும் துறவுகள்
சாதி பார்க்கும் தத்துவங்கள்
நீதி மறுக்கும் சட்டங்கள்
மனிதம் அறுக்கும் சக மனிதர்கள்

இறக்க கூட உரிமை பறித்தாய்
இரந்தே வாழ் நியதி என்றாய் ....!

அகக்கண் மூடிய இறையே
நல்லது
வா நாம் சேர்ந்து இரக்கலாம்
அல்லது
சேர்ந்தே இறக்கலாம்........!!!