குரு மேடு

நம் கைகளில் சில மேடுகள் உள்ளன. அந்த ஒவ்வொரு மேடுகளுக்கும் பெயர்கள் குறிப்பிடப்பட்டுள்ளன. அப்பெயர்கள் கிரகங்களின் பெயர்களாலேயே குறிக்கப்பட்டுள்ளன. இந்த மேடுகளின் கணத்திற்கும், அகலத்திற்கும், அவைகளில் உள்ள மிக நுண்ணிய ரேகைகளுக்கும் பலன்கள் கூறலாம்.

நம் கையில் உள்ள மேடுகளாவன:

1. குருமேடு, 2. சனிமேடு, 3. சுக்கிரமேடு, 4. சூரியமேடு, 5. புதன் மேடு, 6. செவ்வாய் மேடுகள், 7. சந்திர மேடு ஆகியவையாகும்.

இந்த மேடுகள் நம் இருகைகளிலும் அமைந்துள்ளன. இந்த மேடுகளின் அமைப்பும், அவைகள் அமைந்துள்ள இடங்களின் மாறுதலுக்கும், அவைகளின் வளர்ச்சிக்கும் ஏற்ப பலன்கள் கூறலாம்.

இப்போது இம்மேடுகள் எங்கெங்கு அமைந்துள்ளன எனப் பார்ப்போம்.

1. நம்முடைய முதல் விரல் அல்லது குரு விரலின் அடிப்பாகத்தின் சதை வளர்ச்சியே குருமேடு எனப்படும்,

2. நம்முடைய இரண்டாவது விரல் அல்லது சனிவிரலின் அடிப்பாகத்தின் சதை வளர்ச்சியே சனிமேடு எனப்படும்.

3. நம்முடைய மூன்றாவது விரல் எனப்படும் சூரிய விரலின் அடிப்பாகத்தின் சதை வளர்ச்சியே சூரியமேடு எனப்படும்.

4. நம்முடைய நான்காவது விரல் எனப்படும் புதன் விரலின் அடிப்பாகத்தின் சதை வளர்ச்சியே புதன்மேடு எனப்படும்.

5. நம்முடைய கட்டை விரல் அடியில் உள்ள சதை வளர்ச்சிக்குதான் சுக்கிரமேடு எனப்படும்.

6. சுக்கிரமேட்டிற்கும் நேர் எதிர்பக்கத்திலும், புதன் மேட்டிற்க்கு கீழ்பக்கத்தில் உள்ள பெரியத சதை மேடு சந்திரமேடு எனப்படும்.

7. மேலே கூறிய சந்திர மேட்டிற்கு புதன் மேட்டு இடையில் உள்ள சதை மேட்டிற்கு செல்வாய் மேடு எனப்படும்.

8. குரு மேட்டிற்கும், சுக்கிர மேட்டிற்கும் இடையே உள்ள மேடும் செவ்வாய் மேடு எனப்படும். செவ்வாய் மேடு மட்டும் இரண்டு இடங்களில் அமைந்துள்ளது.

இந்த எழுகிரகங்களின் மேடுகள் அதாவது எட்டு மேடுகளின் நடுப்பகுதியினை நம் உள்ளங்கையில் செவ்வாயின் சமவெளி எனக்கூறலாம். இவையல்லாமல் இன்னும் ஓரிரு மேடுகளும் உள்ளன. இந்த ஒவ்வொரு மேடுகளிலும் பாசிட்டிவ், நெகட்டிவ் பகுதிகளும், குறியீடுகளும் உள்ளன. அவைகளுக்கு ஏற்பவே பலன்களும் அமையும்.

இந்த மேடுகளும், அதிலே பதிந்துள்ள ரேகைகள்-அந்த ரேகைகளின் தன்மையைப் பொறுத்தே ஒரு மனிதன் எண்ணங்கள், தன்மைகள், குறிக்கோள் ஆகியவைகளைக் கொண்டு அவனை வழிநடத்தச் செய்யும். இந்த மேடுகள் அவற்றிலுள்ள நுண்ணிய ரேகைகள் அமைப்பு, தன்மையும், குணாதிசயங்கள் என்றும், அவனின் வாழ்க்கையை நமக்கு தீர்மானமாக, தெளிவு படுத்துகின்றன.

ஒவ்வொருவருடைய கையிலும் இந்த மேடுகள் ஒரே சீராக அமையாமல் ஒன்றுக்கொன்று வேறுபடுகின்றன. உருவத்திலும், அதிலுள்ள ரேகைகளிலும், ரேகைகளிலுள்ள கோணங்களிலும், ரேகையின் கணம், ஆழம் இவைகளால் வேறுபடுகின்றன. இத்தகைய வேறுபாடுகளால் அவைகளின் குணங்களின் வெளிப்பாடும் வேறுபடுகின்றன.

நாம் ஒவ்வொருவரையும் வேறுபிறரிடமிருந்து பிரித்து நம் ஒவ்வொருவருடைய சிறப்புத்தன்மையையும், மற்ற அனைத்து குணநலன்களையும் பிரித்துக் காட்டுகின்ற ஒரே ஒரு சாதனம், வரைபடம், வாழ்வின் கண்ணாடி, கைரேகை ஒன்றுதான். இந்த ரேகைகளின் உண்மைகளை இறைவனால் கொடுக்கப்பட்டுள்ள ஒரு அறிவிப்பை அறிந்து கொண்டோமானால் அத்தனையையும் நாம் எளிதில் எதிர்கொண்டு வாழ்வின் குறிக்கோளை அடையமுடியும்.

நாம் முதலில் குருமேட்டைப்பற்றி சிறிது ஆராய்வோம்:

குருமேட்டில் நேர் செங்குத்தான ஒரு மெல்லிய ரேகைக் காணப்படுமானால் அவரின் காரியங்கள் அதிகமாக தடையில்லாமல் வெற்றியை நோக்கி செல்லும். இந்த நேர் கோட்டினில் குறுக்காக சில ரேகைகள் காணப்படுமாயின் அவர் காரியங்கள் அடிக்கடி தடைப்படும். காரணம் தீர்மானமான யோசனையின்மையாலும், திட்டமிடுதலில் சரியான முறையை கடைப்பிடிக்காததினாலும் அடிக்கடி தோல்வியை எதிர்நோக்குவார். இவருக்குத் தேவை சரியான வழி நடத்துபவர்.

இதே மேட்டில் ஒன்றுக்கு அதிகமாக நேர்க்கோடுகள் இருப்பின் அவர் நன்கு சிந்திக்காமல் சமயத்தில் வேறு வேறு அல்லது இரண்டு, மூன்று காரியங்களில் ஈடுபட்டு அனைத்து முயற்சிகளிலும் வெற்றியை இழப்பார். இவருக்குத் தேவை தீர ஆலோசனை செய்தல், அந்த செயலுக்கான அதிக அறிவு, மேலும் அவர் முன்னேற்றத்தில் அக்கறையுள்ள ஒரு நல்ல ஆலோசகர்.

இந்த குருமேட்டில் இரண்டு கைகளில் எந்த ஒரு கையிலும் ஒரு மச்சம் காணப்படினும், (இந்த மச்சம் இடையிலும் தோன்றும் இடையிலும் மறையும். இது என் ஆராய்ச்சியில் கண்ட உண்மை) தன் நற்பெயர், புகழ் ஆகியவைகளை எச்சரிக்கையுடன் பேணிகாத்துக் கொள்ளுதல் வேண்டும். எனினும் நிச்சயம் அவர் நற்பெயருக்கு களங்கம் ஏற்பட்டே தீரும். இந்த குருமேட்டில் ஒருவரின் கல்வியையும், அவரின் அந்த குறிப்பிட்ட கல்வியில் கொண்டுள்ள ஈடுபாட்டின் தன்மையையும் அறியலாம்.

சூப்பர் மிகவும் அருமையான தகவல்.

நன்றிகள் சிவா சார்