கல்யாண யோகம்

by **சிவா** Thu Aug 13, 2009 1:38 am

First topic message reminder :

ஒரு ஜாதகரின் இராசி சக்கரத்தில் களத்திர ஸ்தானம் என்று அழைக்கப்படும் ஏழாமிடம் எந்த இராசி என்று தெரிந்து கீழ்கண்டபடி பார்க்கப்பட வேண்டும்.

1. லக்கினத்திற்கு ஏழாமிடம் மேஷம், சிம்மம், தனுசு என்ற ராசிகளாக அமைந்தால் கிழக்கு திசை பக்கமாகவும்,

2. ரிஷபம், கன்னி, மகரம் ராசிகள் ஏழாமிடமாக அமைந்தால் தெற்கு திசை பக்கமாகவும்,

3. மிதுனம், துலாம், கும்பம் ராசிகள் ஏழாமிடமாக அமைந்தால் மேற்கு திசை பக்கமாகவும்,

4. கடகம், விருச்சிகம், மீனம் ராசிகள் ஏழாமிடமாக அமைந்தால் வடக்கு திசை பக்கமாகவும் அந்த ஜாதகர்க்கு களத்திரம் அமையும்.

மேலும் ஏழாமிடத்தின் அதிபதி எந்த திசைக்கு உரியவரோ அந்த திசையில் இருந்துதான் திருமண வாழ்க்கை அமையும். ஏழாமிடத்தில் சாயாகிரகங்களாகிய இராகு, கேது திசையைக் கொண்டு திருமணம் அமையும்.

மணவாழ்க்கை அமைப்பு

1. களத்திர ஸ்தானம் எனும் 7-ம் வீட்டின் அதிபதி உச்சம், நட்பு பெற்று ஜாதகத்தில் நின்று இருந்தால் அந்த ஜாதகருக்கு நெருங்கிய உறவில் திருமண வாழ்க்கை அமைவு ஏற்படும். மாமன், அத்தை முறையில் அமையும்.

2. களத்திரஸ்தானாதிபதி நீச்சவீடு மற்றும் பகை வீட்டில் நின்றிருந்தால் புதிய உறவு மூலம் திருமண வாழ்க்கை அமையும்.

3. 7-ம் அதிபதி சமவீட்டில் அமைவு ஏற்பட்டால் தூரத்து உறவு என்று களத்திரம் அமைவு ஏற்படும்.

அதாவது புதிய உறவு என்று நாம் நினைத்தால் அவர் நம் உறவினர் மூலம் சொந்தமாக இருப்பது தெரியவரும்