இலங்கும் இலக்கு

**V.Annasamy** · **V.Annasamy** Mon 8 Nov 2010 - 17:04

மலரும் நினைவில், மயக்கும் உணர்வில் ,
புலரும் மகிழ்வில், திளைப்பர் பலரும்.
துளைக்கும் துன்பம் தூக்கி அணைக்குதோ?
இளைப்பாற இன்பமும் துணையோ? .

இரண்டும் கலந்த இனிமை வாழ்வில்
உரமாய், உணர்வாய், உணவாய் நிரம்பி
வழியாய், வாழ்த்தாய், வகையாய், வலிமை,
செழுமை சேர்ந்துவந் ததோ?

நினைவுகள் என்றும் நிலையாய், அலையாய்,
புனையும் கவிதை கருவாய், முனையாய்,
முதலாய், பாலமாய், அன்புத் தோழனாய்,
இதமாய்,ஆழமாய்த்தொட ருமே.

வரட்டும் நினைவுகள் - வழங்கி யவற்றை
கரம் கூப்பி தாழ்ந்த சிரத்தொடு
ஏற்போம், வெற்றி மேலும் ஈட்டி
நிற்போம் இலக்கை எட்டி.!!