பாக்., ஆக்கிரமிப்பு காஷ்மீரில் பயங்கரவாத பயிற்சி : உண்மையை போட்டு உடைக்கிறது ...........

பாக்., ஆக்கிரமிப்பு காஷ்மீரில் பயங்கரவாத பயிற்சி : உண்மையை போட்டு உடைக்கிறது பி.பி.சி.,

லண்டன் : "பாகிஸ்தான் ஆக்கிரமிப்பு காஷ்மீரில் உள்ள பயங்கரவாத முகாம்களில் நூற்றுக்கணக்கான மாணவர்கள் உட்பட ஏராளமான வெளிநாட்டவர்கள் ஆயுத பயிற்சி பெறுகின்றனர். இந்தியாவில் தாக்குதல் நடத்துவதற்காக அவர்களுக்கு இந்த பயிற்சி அளிக்கப்படுகிறது' என, பி.பி.சி., நிறுவனம் செய்தி வெளியிட்டுள்ளது.

இது தொடர்பாக பி.பி.சி., (பிரிட்டிஷ் பிராட்காஸ்டிங் கார்ப்பரேஷன்) நிறுவனத்தின் உருது சேவைப் பிரிவு வெளியிட்டுள்ள செய்தி விவரம்: பாகிஸ்தான் ஆக்கிரமிப்பு காஷ்மீரில் கொஞ்ச காலம் பயங்கரவாதிகளின் நடவடிக்கைகள் குறைந்திருந்தன. தற்போது பாக்., ஆக்கிரமிப்பு காஷ்மீரின் தலைநகரான முசாபராபாத் மற்றும் அதை சுற்றியுள்ள பகுதிகளில் பயங்கரவாதிகளின் நடவடிக்கைகள் அதிகரிக்க துவங்கி விட்டன.

இங்குள்ள பயங்கரவாத முகாம்களில், நூற்றுக்கணக்கான மாணவர்கள் உட்பட ஏராளமான வெளிநாட்டவர்கள் பயங்கரவாத பயிற்சி பெறுகின்றனர். இந்தியாவுக்கு எதிராக தாக்குதல் நடத்துவதற்காக இந்த பயிற்சி அளிக்கப்படுகிறது. இந்த முகாம்களில் பயிற்சி பெறும் இளைஞர்களில் 20 சதவீதம் பேர் காஷ்மீர் மாநிலத்தை சேர்ந்தவர்கள். 10 சதவீதம் பேர் மற்ற நாடுகளை சேர்ந்தவர்கள்.

பாகிஸ்தானின் பஞ்சாப் மாகாணத்தை சேர்ந்தவர்கள் தான் அதிகளவில் பயிற்சி பெறுகின்றனர். இந்த தகவல்கள் முகாமில் பயிற்சி பெறும் இந்தியவை சேர்ந்த மாணவன் ஒருவனிடம் நடத்திய விசாரணையின் மூலம் தெரிய வந்துள்ளது.

"பாக்., ஆக்கிரமிப்பு காஷ்மீரில் பயங்கரவாதிகளின் செயல்பாடுகள் இல்லை' என, பாகிஸ்தான் அரசு அடிக்கடி கூறி வந்தாலும், தடை செய்யப்பட்ட அமைப்புகளான லஷ்கர்-இ-தொய்பா, ஜெய்ஷ் -இ-முகமது மற்றும் ஹிஸ்புல் முஜாகிதீன் போன்றவை அடிக்கடி இப்பகுதியில் கூட்டங்களை நடத்துகின்றன.

அப்போது, ஜம்மு-காஷ்மீரை விடுவிக்க இந்தியாவுக்கு எதிராக புனிதப் போர் நடத்த வாருங்கள் என்றும் பகிரங்கமாக அழைப்பு விடுக்கின்றன. இவ்வாறு பி.பி.சி., நிறுவனம் கூறியுள்ளது.

ஆனால், இதை ஆதாரமற்ற தகவல் என, பாகிஸ்தான் மறுத்துள்ளது. காஷ்மீர் மக்களின் இயக்கத்தை சீர்குலைக்கவே இதுபோன்ற செய்தி வெளியிடப்பட்டுள்ளது என்றும் கூறியுள்ளது.

ஒபாமா ஒன்னும் சொல்லலையே

ம்ம்.. எனக்கு கூட அதில் வருத்தம் தான். ஒருவேள பாகிஸ்தான பார்த்து அவர்கள் பயப்படுகிறார்களோ ?