ஏழாயிரம் கார்களுக்குச் சொந்தக்காரர்!

by **சிவா** Mon Nov 08, 2010 2:37 am

உலகின் மிகப் பெரிய கோடீஸ்வரர்களில் ஒருவரான, புரூனே நாட்டின் சுல்தான், ஆடம்பர கார்களை வாங்கி குவிப்பதில் அவருக்கு நிகர் அவர் மட்டுமே. எண்ணெய் வளமிக்க நாடான புரூனே, 1967ல் தனி நாடானது. அதன் சுல்தானாக (மன்னராக) ஹசனன் போக்கியா முயுசுதீன் வாதுலா இருந்து வருகிறார்.

எண்ணெய் வளத்தால் கொழிக்கும் அந்நாட்டு சுல் தானின் வருமானத்திற்கு, அளவே இல்லாமல் போய் விட்டது. ஒரு வினாடிக்கு அவரது வருவாய், 5,277 ரூபாய். அதுவே, ஒரு வாரத்திற்கு 3,191 கோடி ரூபாய். அவரது அரண் மனை இரண்டு லட்சம் சதுர மீட்டர் பரப்பளவு கொண்டது. இங்கு 1,788 அறைகள் உள்ளன. இதுதான் உலகிலுள்ள அரண்மனைகளிலேயே மிகப் பெரியது.

இங்கு 275 ஆடம்பர குளியலறைகள் உள்ளன. அதில் உள்ள பொருட்கள் எல்லாம், தங்கம் மற்றும் வெள்ளியினால் செய்யப்பட்டவை. இவரது மகளுக்கு 18 வயது நிரம்பியதும் நடத்தப்பட்ட பிறந்த நாள் கொண்டாட்டத்தில் சுல்தான் அவருக்கு ஏர் பஸ் ஏ-320 விமானம் வழங்கினார். அவர் பயன்படுத்துவதோ போயிங் 747 விமானம்.

இதை எல்லாம் விட, வித விதமான கார்களை வாங்கி குவிப்பதில் மிகுந்த ஆர்வம் கொண்டவர் சுல்தான். அவரது கேரேஜில், தற்போது 7,000 கார்கள் நிறுத்தப்பட்டுள்ளன. இவற்றின் மதிப்பு, 2,312 கோடி ரூபாய். அவரிடம் உள்ள 7,000 கார்களில் அதிகளவில் இருப்பவை ரோல்ஸ்ராய்ஸ் கார்கள் தான். இவற்றின் எண்ணிக்கை மட்டுமே 604.

இது தவிர, மெர்சிடீஸ் பென்ஸ்-574, பெராரி-452, ஆஸ்டின் மார்ட்டின்-300, பென்ட்லீ-382, பி.எம்.டபிள்யூ - 209, ஜாகு வார்-179, போர்ஷெய்-160, கோனிநெக்-134, லம்போர்க்கினி-21, மெக்லாரன் எப்1 ரகம்-8, பியூஜோ-5, ஷெல்பி சூப்பர் 1 ஆகியவை குறிப்பிடத்தக்க பிரபல மாடல் கார்கள். இந்த அதிக விலை யுள்ள ஆடம்பர கார் களை தவிர, மேலும் நான்காயிரம் வெவ்வேறு நிறுவன கார்களும் அவருக்கு சொந்தமாக உள்ளன. இவ்வளவு கார்களை யும் அவரது அரண்மனை அருகே உள்ள விமான நிலையத்தின் ஒரு மூலை யில் நிறுத்தி வைத்துள்ளார். கார்கள் நிறுத்தப் படும் பார்க்கிங் ஏரியாவுக்கும் கார் நிறுவனங் களின் பெயர்களையே சூட்டி உள்ளார். அவற்றை பராமரிப்பதற்கென தனித்தனியே மெக்கானிக்கு களையும் வைத்துள்ளார்.

அவர்களுக்கு உணவு, உறைவிடம், கை கொள்ள முடியாத அளவுக்கு சம்பளமும் வழங்கி வருகிறார். அதில் குறிப்பிட்ட சில கார் மெக்கானிக்குகளுக்கு ஆண்டுக்கு 1 கோடியே 15 லட்ச ரூபாய் சம்பளமாக வழங்கப்படுகிறது. உலகில் மிக முக்கிய கார் தயாரிப்பு நிறுவனங்களின் அனைத்து பிரபல கார்களும் அவரிடம் உள்ளது என்பது குறிப்பிடத்தக்கது. அதில் சில குறிப்பிட்ட மாடல்கள், அவரது விருப்பத்திற்கேற்ப கார் நிறுவனங்கள் தயாரித்து அளித்தவை என்பதும் குறிப்பிடத் தக்கது.

- அ.சாந்தப்பன்

by கார்த்திக் Mon Nov 08, 2010 10:08 am

வாழ்ந்தால் இவரை போல வாழனும்

பகிர்வுக்கு நன்றி அண்ணா

by **பிரசன்னா** Mon Nov 08, 2010 11:10 am

இவரை போன்ற அரசர்கள் தான் நாட்டுக்கு ரொம்ப தேவை.

நம்ப அரசியல்வாதிகள் யாரும் பார்க்காமல் பார்த்துக்கொள்ளவும்.

Regards,
பிரசன்னா

by tcholan Mon Nov 08, 2010 12:00 pm

இவருக்கு புத்தரின் வரலாறு
இவ்வுலக மக்களின் நடப்பு
காந்தியின் சுய சரிதை மற்றும்
திருக்குறள் தெரியாதவர்
என்னை பொறுத்த வரை
மனசாட்சி இல்லாத மனிதன்

by **ரிபாஸ்** Mon Nov 08, 2010 1:28 pm

கார்த்திக் wrote: வாழ்ந்தால் இவரை போல வாழனும்

பகிர்வுக்கு நன்றி அண்ணா

இல்லாடி

by அன்பு தளபதி Mon Nov 08, 2010 1:54 pm

அவர்கிட்ட கண்டிப்பா அம்பாசிடர் கார் இருக்காது

by **சிவா** Mon Nov 08, 2010 4:04 pm

prasanna.ee wrote:இவரை போன்ற அரசர்கள் தான் நாட்டுக்கு ரொம்ப தேவை.

நம்ப அரசியல்வாதிகள் யாரும் பார்க்காமல் பார்த்துக்கொள்ளவும்.

Regards,
பிரசன்னா

நம்ப அரசியல்வாதிகள் யாரும் பார்க்காமல் பார்த்துக்கொள்ளவும். ஏழாயிரம் கார்களுக்குச் சொந்தக்காரர்! 403484

by **சிவா** Mon Nov 08, 2010 4:08 pm

tcholan wrote:இவருக்கு புத்தரின் வரலாறு
இவ்வுலக மக்களின் நடப்பு
காந்தியின் சுய சரிதை மற்றும்
திருக்குறள் தெரியாதவர்
என்னை பொறுத்த வரை
மனசாட்சி இல்லாத மனிதன்

நீங்கள் கூறுவது தவறு சோழன்!

புருணையில் மன்னர் ஆட்சி! ஆனால் அது மக்களுக்கு வேண்டியதைச் செய்யும் நல்லாட்சி! இவருக்கு மட்டும் இவ்வாறு செல்வத்தில் மிதக்கவில்லை! மக்களையும் இதுபோன்று செல்வச் செழிப்பில் மிதக்க வைத்துள்ளார்! ஒரு குழந்தை பிறந்தது முதல், படித்து வேலைக்குச் செல்லும்வரை அனைத்துச் செலவுகளையும் அரசாங்கமே ஏற்றுக் கொள்ளும்!

மக்களை வறுமையில் வாட்டி இவர் இதைச் செய்திருந்தால் நிச்சயம் மனசாட்சி இல்லாத மனிதர் எனக் கூறலாம்! மக்களின் தேவைகள் அனைத்தையும் தீர்த்து, தன் அதீத செல்வத்தின் உச்சத்தினால் இவர் இவ்வாறு செய்து கொள்கிறார். சிறந்த மனிதர் மேலும் சிறந்த மன்னர்(சுல்தான்).