தீப ஒளித் திருநாள் - தொ. சூசை மிக்கேல்

யாதுமானவள் · யாதுமானவள் Fri Nov 05, 2010 11:43 am

தீப ஒளித் திருநாள்

தீபத்தின் ஆவளியைச் சூடிவரும் திருநாளை
தீபஒளித் திருநாளாய்க் காணும் நண்பா!
தீபமெனில் விளக்கென்றும் ஆவளிக்கு மாலையென்றும்
செந்தமிழில் பொருளுண்டு, தெரிவாய் நண்பா!

'விளக்குமாலை' எனும்பெயரில் விழாஒன்று கொண்டாடி
விளக்கமாக இருப்பதனை விட்டுவிட்டு,
பழக்கமாகிப் போனபழங் கதைசொல்லும் பண்டிகைக்காய்
பட்டாசு கொளுத்துவது சரியா, நண்பா?

அறிவென்னும் ஒளியோடு ஆற்றலெனும் ஒளிசேர்ந்தால்
அகிலமெலாம் ஒளிவீசும் அன்றோ, நண்பா?
கரியான காசெல்லாம் கல்விக்குச் செலவழித்தால்
கண்களுக்கு ஒளிகிடைக்கும் அன்றோ, நண்பா?

நரகத்து அசுரனுக்குத் துக்கவிழா கொண்டாட
நாமென்ன, அடிமைகளா? சொல்லு நண்பா!
சரவெடிக்கும் சந்தடிக்கும் செலவழித்துச் செலவழித்துச்
சாதிக்க முடிந்ததென்ன? கூறு நண்பா!

"தீ" என்றால் நெருப்பென்றும் 'வளி" என்றால் காற்றென்றும்
செந்தமிழில் பொருள்பிரித்த பின்னர், அங்கே
'பா' என்ற சொல் ஒன்றைப் பார், நண்பா! நாம் அந்தப்
'பா' இயற்றக் கற்றுவிட்டால் என்ன நண்பா?

'தீ' நல்கும் கதகதப்பும் வளிநல்கும் மதமதப்பும்
சீரோடு உள்வாங்கும் 'பா' வைப்போல,
நீநல்கும் 'பா' வெல்லாம் கதகதப்பும் மதமதப்பும்
நீங்காது பெற்றுவிட்டால் என்ன நண்பா?

நெருப்புக்கும் காற்றுக்கும் மத்தியிலே கவிதைமகள்
நிற்கின்ற காட்சிதனைக் காண்பாய், நண்பா!
பிறப்பொக்கும் உயிர்க்கெல்லாம் 'தீபாவளி' எனும்சொல்
பிறப்பிக்கும் புதுஅர்த்தம் உணர்வாய், நண்பா!

'பா'வோடு அறிவென்ற "தீ"தன்னை நீமூட்டு:
"பா"வோடு "வளி"யென்ற அன்பை நாட்டு:
"பா"வோடு பண்சேர, பார்முழுதும் கவர்ந்திழுக்கும்
பரந்த"ஒளி" அறிவென்று காட்டு, நண்பா!

- தொ. சூசை மிக்கேல்

**சிவா** · **சிவா** Sun Nov 07, 2010 2:32 am

///அறிவென்னும் ஒளியோடு ஆற்றலெனும் ஒளிசேர்ந்தால்
அகிலமெலாம் ஒளிவீசும் அன்றோ, நண்பா?
கரியான காசெல்லாம் கல்விக்குச் செலவழித்தால்
கண்களுக்கு ஒளிகிடைக்கும் அன்றோ, நண்பா?///

சிறந்த கவிதைப் பகிர்வுக்கு நன்றி தோழி!

யாதுமானவள் · யாதுமானவள் Sun Nov 07, 2010 2:42 am

மிக்க நன்றி சிவா. தங்கள் ஈடுபாடும் சுறுசுறுப்பும் மெச்சும் தன்மையுடையன. தங்கள் ஒத்துழைப்புக்கு நன்றி. கவிதையைப் பாராட்டியதில் அகமகிழ்ந்தேன்.

அன்புடன்,
யாதுமானவள்

**சிவா** · **சிவா** Sun Nov 07, 2010 1:09 pm

Yaadhumanaval wrote:மிக்க நன்றி சிவா. தங்கள் ஈடுபாடும் சுறுசுறுப்பும் மெச்சும் தன்மையுடையன. தங்கள் ஒத்துழைப்புக்கு நன்றி. கவிதையைப் பாராட்டியதில் அகமகிழ்ந்தேன்.

அன்புடன்,
யாதுமானவள்

நன்றி தோழி! மிக்க மகிழ்ச்சி!

அமுத வர்ஷிணி · அமுத வர்ஷிணி Sun Nov 07, 2010 6:31 pm

மிக அருமையாக இருக்கிறது சகோதரி.

கலைவேந்தன் · கலைவேந்தன் Sun Nov 07, 2010 8:47 pm

நல்ல கவிதை. நவில்தலுக்கு நன்றி..!

Thanjaavooraan · Thanjaavooraan Sun Nov 21, 2010 4:06 pm

கவிதை நன்று தீப ஒளித் திருநாள் - தொ. சூசை மிக்கேல் 677196

Sponsored content · Sponsored content

தீப ஒளித் திருநாள் - தொ. சூசை மிக்கேல்

தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

Re: தீப ஒளித் திருநாள் - தொ. சூசை மிக்கேல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக