அகமதாபாத் டெஸ்ட்: டிராவில் முடிந்தது

இந்தியா-நியூசிலாந்து அணிகள் மோதும் முதல் டெஸ்ட் கிரிக்கெட் போட்டி அகமதாபாத்தில் நடைபெற்று வருகிறது. இந்திய அணி முதல் இன்னிங்சில் 487 ரன் குவித்தது. ஷேவாக் (173 ரன்), டிராவிட் (104 ரன்), சதம் அடித்தனர். வெட்டோரி 4 விக்கெட்டும், ஜித்தன் பட்டேல் 3 விக்கெட்டும் கைப்பற்றினர்.

நிசிலாந்து அணி முதல் இன்னிங்சில் 459 ரன் குவித்தது. ரைடர் (103 ரன்), வில்லியம்சன் (131 ரன்) சதம் அடித்தனர். ஒஜா 4 விக்கெட் கைப்பற்றினார்.
28 ரன்கள் முன்னிலையில் 2-வது இன்னிங்சை ஆடிய இந்தியா வேகப்பந்து வீரர் மார்ட்டின் பந்தில் நிலை குலைந்தது. நேற்றைய 4-வது நாள் ஆட்டத்தின் முடிவில் இந்திய அணி 6 விக்கெட் இழப்புக்கு 82 ரன் என்ற பரிதாப நிலையில் இருந்தது. லட்சுமண் 34 ரன்னிலும், ஹர்பஜன்சிங் 12 ரன்னிலும் ஆட்டம் இழக்காமல் இருந்தனர். மார்ட்டின் 5 விக்கெட் கைப்பற்றினார்.

இன்று (திங்கட்கிழமை) 5-வது மற்றும் கடைசி நாள் ஆட்டம் நடந்தது. லட்சுமணும், ஹர்பஜனும் விளையாடினார்கள். தோல்வியை தவிர்க்கும் விதமாக இருவரும் மிகவும் பொறுப்புடன் விளையாடினார்கள். 47.5 ஓவரில் இந்திய அணி 100-வது ரன்னை தொட்டது.

லட்சுமண் 154 பந்தில் 50 ரன்னை தொட்டார். இதில் 4 பவுண்டரி அடங்கும். 115-வது டெஸ்டில் விளையாடும் அவருக்கு இது 47-வது அரை சதம் ஆகும்.
லட்சுமணை தொடர்ந்து ஹர்பஜன்சிங் 50 ரன்னை தொட்டார். 78 பந்தில் 5 பவுண்டரி, 1 சிக்சருடன் அவர் அரை சதத்தை தொட்டார். அவரது 8-வது அரை சதம் (88-வது டெஸ்ட்) ஆகும்.

லட்சுமண், ஹர்பஜன்சிங் ஆகியோரது அபாரமான ஆட்டத்தால் நியூசிலாந்தின் கனவு தகர்ந்தது. மதிய உணவு இடை வேளையின் போது இந்தியா 6 விக்கெட் இழப்புக்கு 164 ரன் எடுத்து இருந்தது. லட்சுமண் 65 ரன்னுடனும், ஹர்பஜன்சிங் 60 ரன்னுடனும் ஆட்டம் இழக்காமல் இருந்தனர்.

மதிய உணவு இடை வேளைக்கு பிறகு லட்சுமணும், ஹர்பஜன் சிங்கும் தொடர்ந்து ஆடினார்கள். இருவரும் அபாரமாக விளையாடி நியூசிலாந்து பவுலர்களை திணறடித்தனர்.

90-வது ஓவரை மார்ட்டின் வீசினார். அந்த ஓவரில் லட்சுமண் எல்.பி.டபிள்யூ முறையில் அவுட் ஆனார். அவர் 91 ரன் எடுத்தார். அடுத்து வந்த ஜாகீர்கான் ரன் எதுவும் எடுக்காமல் பெவுலியன் திரும்பினார். அவரை தொடர்ந்து வந்த ஒஜா நிதானமாக விளையாடி வந்தார். பொறுப்புடன் விளையாடி வந்த ஹர்பஜன் சிங் சதம் அடித்தார். சதம் அடித்த சிறிது நேரத்தில் அவுட் ஆனார். (115). அவரை தொடர்ந்து ஸ்ரீசாந்தும் 4 ரன் எடுத்த நிலையில் வெளியேறினார். இதனால் இந்திய அனைத்து விக்கெட்டையும் இழந்து 266 ரன்னில் சுருண்டது. இந்திய அணி முதல் இன்னிங்சை சேர்த்து மொத்தம் கூடுதலாக 291 ரன் எடுத்துள்ளது.

பின்னர் இரண்டாவது இன்னிங்சை தொடங்கிய நியூசிலாந்து. தொடக்க வீரர்களாக மேக்குல்லமும், மெக்ளின் டோஷ் களம் இறங்கினர். தொடக்கத்திலேயே ஜாகீர்கார் வீசிய பந்தில் மெக்ளின் டோஷ் எல்.பி.டபிள்யூ முறையில் அவுட் ஆனார். அடுத்து வந்த வாட்லிங் நிதானமாக விளையாடி வந்தார். இதனால் நியூசிலாந்து அணி 1 விக்கெட் இழப்பிற்க்கு 22 ரன் இருந்தபோது மேட்ச்சை டிராவில் முடித்துக்கொண்டனர். 2-வது டெஸ்ட் போட்டி வருகிற 12- ந்தேதி ஐதராபாத்தில் தொடங்குகிறது.

இந்திய அணிக்கு என்னுடய வாழ்த்துக்கள் அத்தோடு
ஷேவாக் (173 ரன்), டிராவிட் (104 ரன்), இருவருக்கும் தனி வாழ்த்து.