ஞாபகங்கள் மறக்கவைக்கிறது...

sivaganga · sivaganga Thu 4 Nov 2010 - 15:56

ஞாபகங்கள் மறக்கவைக்கிறது...

பேருந்து இரைச்சலைக்கூட தாண்டி
உன்னை மவுனமாய் காதலிக்கிறது மனது..
தொலைவில் தூசுபடிந்த மின்விளக்கும் அழுகிறது
என் கண்ணோடு என்னை கேட்காமலே...
நடைபாதையில் காய்கறிவிற்ப்பவள் எடைக்கல்லில்
நம் காதலை தூக்கி நிறுத்துகிறாள்..
காற்றில் அலையும் குழல் நினைக்கவைக்கிறது உன் தொடுதலை..
பக்கத்து இருக்கை இப்பொழுதுவரை பத்திரமாக உள்ளது..உனக்காக
கடைப்பலகையில் உன்பெயர்க்கண்டு உச்சுக்கொட்டுகிறது உதடு..
நம் நினைவுகளை துன்பத்தோடு நகர்த்தும் மிதிவண்டி பெரியவர்...
பயணக்களைப்பைவிட இந்த காதல் களைப்பு கொடுமையடா..
இறுதியில் மறக்கவைத்துவிட்டது நான் இறங்கும் பேருந்து தடத்தை..
நம் காதல் ஞாபகங்கள்...

சிவகங்கா